«نۇرلى جەر» باعدارلاماسى اياسىندا يپوتەكالىق قارىز بويىنشا باستاپقى جارنا 30 پايىزدى قۇرايدى, بۇل جاعدايدا نەسيە ۇلتتىق ۆاليۋتامەن بەرىلەدى جانە تەك جاڭا باسپانا الۋعا بەرىلەدى.
– ەندى كليەنتتەرىمىز باسپانا ساتىپ الۋعا قارىزدى وتە پايدالى تالاپتارمەن رەسىمدەي الادى. قارىز الۋشىلار ءۇشىن يپوتەكا بويىنشا اقىرعى سىياقى مولشەرلەمەسى 10% بولادى ءارى بانك كوميسسياسىنان تولىق بوساتىلادى. الماتى مەن استانا قالالارىنىڭ تۇرعىندارى ءۇشىن ماكسيمالدى قارىز سوماسى – 20 ملن تەڭگە, ال قازاقستاننىڭ باسقا ايماقتارىنىڭ تۇرعىندارى ءۇشىن – 15 ملن تەڭگە, مەرزىمى 15 جىلعا دەيىن, – دەيدى بانك ۆتب باسقارما توراعاسىنىڭ ورىنباسارى نيكولاي سۋگانياكا.
ءوز كەزەگىندە, «قازاقستان يپوتەكالىق كومپانياسى» يۇ» اق باسقارما توراعاسى ءادىل مۇحامەدجانوۆ باعدارلاماعا قاتىسۋعا قازاقستاننىڭ كەز كەلگەن ازاماتى ءوتىنىش بەرە الاتىنىن اتاپ ءوتتى.
– وپەراتورى قيك بولىپ تابىلاتىن «نۇرلى جەر» مەملەكەتتىك باعدارلاماسى – بۇل قازاقستان ازاماتتارى ءۇشىن, ءتيىمدى تالاپتارمەن جاڭا باسپانا الۋدىڭ مۇمكىندىگى. باعدارلاما اياسىندا قارىز الۋشى ءۇشىن اي سايىنعى تولەمى نارىقتاعى ۇسىنىستارعا قاراعاندا 30-40 پايىزعا ارزان: جانە مەنشىگىندە بۇرىننان بار باسپانالارىنىڭ سانى ەسكەرىلمەيدى. قارىز العاندا قارىز الۋشى تولەم كەستەسىن الادى, وندا بانكىگە تولەيتىن سىياقى سۋبسيديالاناتىن جانە سۋبسياديالانبايتىن بولىكتەرگە بولىنەدى. سۋبسيديالاناتىن بولىك پەن نەگىزگى قارىزدى قارىز الۋشى ءوزى تولەيدى, ال سۋبسياديالانىتىن بولىكتى قيك بانككە تىكەلەي وتەيدى, – دەدى ول.
ايناش ەسالي,
«ەگەمەن قازاقستان»
الماتى
