افريكا پلازاسىندا ءدال وسىنداي 21 مەملەكەت «جاسىل» ەنەرگەتيكاعا قاتىستى جوبالارىن ۇسىنۋدا. گانا رەسپۋبليكاسىنىڭ پاۆيلونىندا ەلدىڭ تاريحى مەن ءداستۇرى عانا ەمەس, سونىمەن قاتار, بالاما ەنەرگيا كوزدەرىنە دەگەن زاماناۋي كوزقاراستار كورىنىس تاپقان. گانالىق عالىمدار دا «جاسىل» ەنەرگيانى وندىرەتىن ءتۇرلى جولداردى تالقىلاپ, ونى وزدەرىنە ەندىرۋدى كوزدەيدى. ولار بالامالى ەنەرگيا سالاسى دامىعان مەملەكەتتەرمەن ىسكەرلىك بايلانىس ورناتۋدى جوسپارلاپ وتىر.
سالتاناتتى ءراسىمنىڭ رەسمي بولىمىندە گانالىق دەلەگاتسيانى باستاپ كەلگەن, ساۋدا جانە ونەركاسىپ ۆيتسە-ءمينيسترى احەنكورا كينگسلي ءسوز سويلەپ, ەلىنىڭ حالىقارالىق شاراعا «گانا – جاڭعىرتىلاتىن ەنەرگيا كوزدەرى مۇمكىندىكتەرىنىڭ توعىسقان جەرى» ۇرانىمەن قاتىسىپ وتىرعانىن ەسكە سالدى. ء«بىزدىڭ وسى كورمەگە قاتىسۋىمىز – ەلىمىزدىڭ جاڭعىرتىلاتىن ەنەرگيا كوزدەرى سەكتورىن پايدالانۋ جانە دامىتۋ سالاسىندا بەلسەندى قاتىسۋشى ەكەنىمىزدىڭ دالەلى. گانا ۇكىمەتىنىڭ ەنەرگەتيكالىق ساياساتىنىڭ ورتاق ماقساتى – 2020 جىلعا دەيىن ەلدىڭ جالپى ەنەرگەتيكالىق بالانسىندا جاڭعىرتىلاتىن ەنەرگيا كوزدەرىنىڭ ۇلەسىن 10 پايىزعا دەيىن ءوسىرۋ. گانا مۇناي رەسۋرستارىن اشقاننان كەيىن افريكالىق وڭىردە ءىرى مۇناي ءوندىرۋشى بولۋعا ۇمتىلۋدا, دەگەنمەن, ەلىمىز بولاشاقتا مۇناي رەسۋرستارىنا تاۋەلسىز ارتاراپتاندىرىلعان ەكونوميكا قۇرۋدى ويلاستىرۋدا», دەدى ۆيتسە-مينيستر. احەنكورا كينگسليدىڭ ايتۋىنشا, نولدىك مەريدياندا جانە ەكۆاتورعا جاقىن ورنالاسقان گانا گەوگرافيالىق جاعىنان عانا ەمەس, ستراتەگيالىق جاعىنان الەمنىڭ ورتاسىندا ورنالاسقان. بۇل جاعداي مەملەكەتكە شىعىس پەن باتىستىڭ اراسىنداعى ۋاقىت ايىرماشىلىعىن پايدالانىپ, ەكى جاقپەن دە بيزنەس جۇرگىزۋ مۇمكىندىگىن بەرەدى.
مەرەكە اياسىندا كوپشىلىك افريكا ەلىنىڭ باي مادەني باعدارلاماسىن تاماشالاپ, مۋزىكالىق تەاتردىڭ «Wheels» اتتى قويىلىمىن كوردى. ساحناداعى ءان-جىر ارقىلى قوناقتار باتىس افريكا ەلدەرىنىڭ ەرەكشەلىگىن سەزىنە الدى.
