مەملەكەتتىك مينيسترمەن كەزدەسۋى بارىسىندا تاراپتار ەكىجاقتى قارىم-قاتىناستاردىڭ جايى مەن پەرسپەكتيۆالاردى, وزەكتى حالىقارالىق جانە وڭىرلىك ماسەلەلەردى, سونداي-اق تاياۋ شىعىس ءوڭىرىنىڭ اعىمداعى احۋالىن تالقىلادى.
سۇحبات بارىسىندا يوردانيا كورولى ابداللا ءىى بەن ءال-حۋسەيننىڭ قازاقستانعا رەسمي ساپارىن ۇيىمداستىرۋ بويىنشا ماسەلەسىنە اسا نازار اۋدارىلدى. يوردانيانىڭ مەملەكەتتىك ءمينيسترى قازاقستاندىق تاراپتىڭ ۇسىنىسىن مىندەتتى تۇردە يوردان مونارحىنىڭ نازارىنا جەتكىزەتىنىنە سەندىرىپ, اممان رەسمي سۇراقتى مۇقيات قاراستىراتىنىن جەتكىزدى.
ب.حاساۋنا قر پرەزيدەنتى نۇرسۇلتان نازارباەۆتىڭ الەمدىك ماسەلەلەردى رەتتەۋ جولىنداعى ۇلەسىن ەرەكشە اتاپ ءوتتى. مەملەكەتتىك ءمينيستردىڭ سوزىنە سايكەس, يوردان تاراپى سيريادا تۇراقتىلىقتى جانە بەيبىتشىلىكتى ورناتۋ ىسىندە استانالىق پروتسەسىنىڭ جانە سيرياداعى تۇراقتىلىعىنا ماندىلىگىن ەرەكشە تانىپ, قازاقستاندىق كەلىسسوز الاڭى سيريالىق داعدارىستى رەتتەۋگە ءوز ۇلەسىن قوساتىندىعىنا ءۇمىت ارتتى.
يوردانيا قازاقستاندى جاقىن ءارى دوس مەملەكەت رەتىندە قاراستىراتىنىن قۋاتتاپ, ەكىجاقتى قارىم-قاتىناستاردى نىعايتۋعا مۇددەلى ەكەندىگىن جەتكىزدى. يورداندىق تاراپ 2017 جىلى 10-11 قىركۇيەكتە استانادا وتەتىن عىلىم جانە تەحنولوگيالار جونىندەگى يىۇ ءبىرىنشى سامميتىنە جوعارى دەڭگەيدە قاتىساتىندىعىنا سەندىردى.
قر سىرتقى ىستەر ءمينيسترىنىڭ ورىنباسارى قازاقستانداعى سوڭعى ماڭىزدى ءىس-شارالار, اسىرەسە وتكەن شىۇ ءسامميتى مەن جۋىردا اشىلعان «ەكسپو-2017» حالىقارالىق مامانداندىرىلعان كورمەسى جونىندە حاباردار ەتتى. ورايلى ءساتتى پايدالانا وتىرىپ, ول يوردانيالىق تاراپتى كورمەگە قاتىسۋعا شاقىردى. كورمە ەكىجاقتى ىنتىماقتاستىقتى كەڭەيتۋ ءۇشىن ءتيىمدى پلاتفورما بولا الاتىندىعىنا نازار اۋدارىلدى.
ەكىجاقتى قارىم-قاتىناستاردىڭ تاريحىندا العاشقى ساياسي كونسۋلتاتسيالار بارىسىندا ا. قامالدينوۆ پەن يوردانيالىق دەلەگاتسيانىڭ باسشىسى سىرتقى ىستەر جانە ەكسپاتريانتتار جونىندەگى مينيسترلىگىنىڭ باس حاتشىسى زەيد ءال-لاۋزي ساياسي, ەكونوميكا, ينۆەستيتسيالار جانە الەۋمەتتىك-مادەني سالالارىنداعى ەكىجاقتى ىنتىماقتاستىق بويىنشا ماسەلەلەرىن, حالىقارالىق ۇيىمدار اياسىنداعى ەكى ەل اراسىنداعى ءوزارا ءىس-قيمىلدىڭ جاعدايى مەن كەلەشەكتەرىن, سونىمەن بىرگە تاياۋ شىعىس ءوڭىرىنىڭ اعىمداعى احۋالىن تالقىلادى.
كونسۋلتاتسيالار بارىسىندا قوس تاراپ 2016 جىلعى 7-8 قىركۇيەك ارالىعىندا استانا قالاسىندا وتكەن قازاقستان-يوردانيا Cاۋدا-ەكونوميكالىق جانە مادەني-گۋمانيتارلىق ىنتىماقتاستىق جونىندەگى ۇكىمەتارالىق كوميسسياسىنىڭ حاتتاماسىن ساپالى ورىنداۋعا ۋاعدالاستى. سونىمەن قاتار تاراپتار حالىقارالىق ۇيىمدار جانە 2017-2018 جج. بۇۇ قاۋىپسىزدىك كەڭەسىندە قازاقستاننىڭ مۇشەلىگى شەڭبەرىندە سىندارلى ىنتىماقتاسۋعا ۋاعدالاستىققا جەتتى.
