بيىل جازدا جىلداعىداي وبلىستىڭ 2264 وقۋشىسى كيىز ۇيدە دەمالادى. ماۋسىم-تامىز ايلارى ارالىعىندا قاشىر اۋدانىندا «اۋىل», ماي اۋدانىندا « ۇلى دالا ەلى» جانە شارباقتى اۋدانىندا «اتا بابالارىمىزدىڭ سالت-داستۇرلەرى» اتاۋلارى بار كيىز ۇي لاگەرلەرى جۇمىس ىستەيدى. وڭىردەگى پاۆلودار, اقسۋ, ەكىباستۇز قالالارى مەن اۋدانداردا 16 لاگەر اشىلدى. اۋىلداردا اكىمدىكتەرىنىڭ قولداۋىمەن الداعى ايلاردا 28 كيىز ءۇي قۇرىلادى. بۇل ماقساتقا بيۋدجەتتەن 2 ميلليون 600 مىڭ تەڭگەدەن اسا قاراجات قاراستىرىلعان. ءبىرىنشى كەزەكتە الەۋمەتتىك جاعىنان ءالسىز توپقا جاتاتىن وتباسىلاردىڭ بالالارى قابىلدانادى. كيىز ۇي لاگەر باعدارلاماسىندا وقۋشىلار قازاق ءتىلىن ۇيرەنىپ, سالت-داستۇرلەر جانە ادەت-عۇرىپتارمەن تانىسادى. كۇندەلىكتى ۇلتتىق ويىندار, ءتۇرلى كونكۋرستار, ۆيكتورينالار وتكىزىلەدى.
فاريدا بىقاي
«ەگەمەن قازاقستان»
پاۆلودار
