ال الماتىعا قايتا ورالساق, 3,5 شاقىرىمنان تۇراتىن «ياركوكروسس-2017» V الەۋمەتتىك مەرەيتويلى جارىسى ء تۇرلى-ءتۇستى بوياۋلارعا تولى بولدى.
مەرەكە ىزدەگەن قالا تۇرعىندارىن سەرپىلتىپ وتكەن بيىلعى شاراعا الماتى قالاسىنىڭ اكىمدىگى مەن TURAN تابيعي مينەرالدى سۋى برەندىنە قوسا, «تال وتىرعىز» قورى ۇيىتقى بولدى.
بۇل جارىستىڭ باستى ەرەجەسى – ءاربىر قاتىسۋشى سورەدەن اق كيىممەن شىعىپ, 5 ارا قاشىقتىقتى ءتۇرلى-ءتۇستى قاۋىپسىز بوياۋلى «بۇلتتار» اراسىنان جۇگىرىپ ءوتىپ, مارەگە بارىنشا بوياۋلارعا مالىنا جەتۋى ءتيىس. بىرەۋ قابىلدار, بىرەۋ قابىلداماس, بۇل دا بولسا كوپشىلىكتىڭ نازارىن سپورتقا اۋدارۋعا باعىتتالعان.
بيىل دا وسى الەۋمەتتىك جارىسقا مۇرىندىق بولىپ, 10 توننا بوياۋ عانا ەمەس, 15 مىڭ ليتر سۋ جۇمساعان كومپانيانىڭ ماركەتينگ ديرەكتورى اسەل جاقىپوۆا: «بيىل ءبىز ەرەكشە كوڭىل-كۇي مەن دەنساۋلىق مارافونى اۋقىمىنىڭ كەڭەيۋىنە جانە قازاقستاننىڭ 7 قالاسىندا ۇيىمداستىرىلۋىنا سەبەپكەر بولدىق. ياركوكروسس الماتىدان بولەك, ماۋسىم جانە تامىز ايلارىندا بۋرابايدا, استانادا, قاراعاندىدا, پاۆلودار مەن اقتوبەدە جانە شىمكەنتتە وتەدى. وتكەن جىلى ءبىز مىڭ شاقتى قاتىسۋشى اراسىندا ساۋالناما جۇرگىزگەن كەزدە ادامداردىڭ 80 پايىزى كوڭىل-كۇيىن كوتەرۋ ءۇشىن كەلەتىنىن بىلگەن ەدىك. ەڭ باستىسى, جارىسقا قاتىسۋشىلاردىڭ تەڭ جارتىسى مۇنى دەنساۋلىقتىڭ نەگىزگى فاكتورى دەپ ەسەپتەيدى», دەيدى.
ياركوكروسس پايدا بولعالى بەرى الماتىنىڭ المااراسان شاتقالىنداعى ناۋاي كوشەسى بويىندا 400-دەن استام اعاش وتىرعىزىلىپ, قالادا سپورت الاڭى سالىنىپ, قالا سكۆەرلەرىنىڭ بىرىندە ورىندىقتار ورناتىلعان.
ال بيىل «الماتى حايۋاناتتار باعى» مقكك ايماعىندا 500-دەن استام اعاش كوشەتى مەن بۇتالى وسىمدىك وتىرعىزىلادى.
ايناش ەسالي,
«ەگەمەن قازاقستان»
الماتى
