العاشقى شارا – ەكسپو قالاشىعىنداعى يتاليا رەسپۋبليكاسىنىڭ پاۆيلونىندا ءوتتى. «ەني سپا» كومپانياسىنىڭ سەرىكتەسى «ادجيپقاراشىعاناق ب.ۆ» كومپانياسى مەن «قازمۇنايگاز» بارلاۋ ءوندىرۋ» اكتسيونەرلىك قوعامى اراسىندا ارىپتەستىك مەموراندۋمدارى ءتۇزىلىپ, «قازمۇنايگاز» ءبو» اق باس ديرەكتورى قۇرمانعازى ەسقازيەۆ پەن «ەني سپا»-نىڭ بارلاۋ جانە ءوندىرۋ بويىنشا باس ديرەكتورى انتونيو ۆەللا قۇجاتتارعا قول قويدى.
اتالمىش قۇجاتتا تاراپتار كومىرسۋتەگىن بارلاۋ جانە ءوندىرۋ بويىنشا ارىپتەستىكتى دامىتۋعا كەلىستى. نەگىزىنەن تاراپتار كومىرسۋتەگىنى گەولوگيالىق بارلاۋ مەن وندىرۋدەگى, وعان قوسا نوۋ-حاۋ جانە ەڭ جاقسى تاجىريبەلەرمەن الماسۋ بويىنشا تەحنولوگيالىق ارىپتەستىكتىڭ مۇمكىن بولعان باستامالارىن انىقتاۋعا تىرىساتىنىن جەتكىزدى. بۇل ماقساتتا ەكى تاراپ تالداۋ ناتيجەلەرىن ۇيرەتۋگە, سونداي-اق, گەولوگيالىق جانە وندىرىستىك ۇدەرىستەردى زەرتتەۋگە باعىتتالعان كونسۋلتاتسيالار وتكىزۋگە نيەتتى.
سونداي-اق, قۇجاتتىڭ ماڭىزدى ءبىر بولىگى قمگ ءبو كومپانياسىنىڭ قىزمەتكەرلەر توبى ءۇشىن ترەنينگ باعدارلامالارىن جۇزەگە اسىرۋ بولىپ تابىلادى. مۇنى «ەني سپا»-نىڭ بارلاۋ جانە ءوندىرۋ بويىنشا الدىڭعى قاتارلى تاجىريبەسىن ۇيرەتۋ ءۇشىن «ەني سپا»-نىڭ ءوزى قولعا الادى.
بۇل تۋرالى «قازمۇنايگاز» بارلاۋ ءوندىرۋ» اق باسشىسى ق.ەسقازيەۆ تۇسىنىكتى ەتىپ ايتىپ بەردى. «وسى ايدىڭ باس جاعىندا ميلان قالاسىنا بارىپ كەلدىم. وندا مەنى انتونيو ۆەللا مىرزا كۇتىپ الدى. ونىڭ الدىندا جاسالعان كەلىسىمشارتقا سايكەس, «ەني سپا» كومپانياسى «وزەنمۇنايگازدىڭ» ينجەنەرلەر توبىن وقىتقان ەدى. ولار جارتى جىل بويى گەولوگيا جانە گەوفيزيكا, ءوندىرۋ جانە بۇرعىلاۋ, مۇناي كەن ورىندارىن جوبالاۋ, تەحنيكا قاۋىپسىزدىگى سالالالارى بويىنشا كومپانيانىڭ كورپوراتيۆتى ۋنيۆەرسيتەتىندە ءبىلىم الدى. مىنە, 5 ماۋسىمدا مەن ءبىزدىڭ 12 مۇنايشىنىڭ ارنايى جاسالعان وقىتۋ باعدارلاماسىن اياقتاپ, سەرتيفيكات الۋىنا قاتىستىم. ەندى ولار «ەني سپا» كومپانياسىنىڭ وندىرىستىك نىساندارىندا تاجىريبەدەن وتۋدە», دەگەن ول مەموراندۋمنىڭ ماڭىزدى ءبىر بولىگى قىزمەتكەرلەرگە ارنالعان ترەنينگتى باعدارلامالاردى جالعاستىرۋعا ارنالعانىن مالىمدەدى. ياعني, اتالعان 12 مۇنايشىدان وزگە تاعى دا توپتار جاساقتالىپ, ميلانعا جىبەرىلمەك. بىراق بۇل جولى وقۋ قاراجاتىن قازاقستاندىق مۇناي-گاز كومپانياسى شىعاراتىن بولادى.
«قازمۇنايگاز» بارلاۋ ءوندىرۋ» اكتسيونەرلىك قوعامىنىڭ باسشىسى قول قويعان ەكىنشى ءبىر قۇجات – ۇشجاقتى كەلىسىم تۋرالى مەموراندۋم. بۇل شارا ەكسپو قالاشىعىنداعى «شەلل» كونتسەرنىنىڭ پاۆيلونىندا ءوتتى. ارىپتەستىك تۋرالى مەموراندۋمعا «قمگ» ءبو» اق باس ديرەكتورى قۇرمانعازى ەسقازيەۆ, قازاقستانداعى «شەلل» كونتسەرنىنىڭ توراعاسى جانە اپستريم ۆيتسە-پرەزيدەنتى دانكان ۆان بەرگەن, سونداي-اق, «قازمۇنايگاز» ءوندىرۋ جانە بۇرعىلاۋ تەحنولوگيالارى عىلىمي-زەرتتەۋ ينستيتۋتى باس ديرەكتورىنىڭ مىندەتىن اتقارۋشى دەۆيد دجون سزابو قول قويدى.
مەموراندۋم اياسىندا قمگ ءبو مەن «شەلل» كومپانياسى مۇناي-گاز سالاسى بويىنشا بىرلەسكەن ءتۇرلى جوبالاردا ارىپتەستىكتى دامىتۋ مەن نىعايتۋعا نيەتتى. ەكى تاراپ تا قمگ ءبو كومپانيالار توبى الدىندا تۇرعان ستراتەگيالىق تاپسىرمالار بويىنشا مۇناي-گاز سالاسىنداعى بىرقاتار باستامالاردى زەرتتەۋگە جانە مۇمكىندىگىنشە جۇزەگە اسىرۋعا مۇددەلى. ال ءۇشىنشى تاراپ, ياعني اتالمىش عىلىمي-زەرتتەۋ ينستيتۋتى باستامالاردى جۇزەگە اسىرۋ مۇمكىندىگىن تالقىلاۋ بارىسىندا كونسۋلتاتسيالىق قولداۋ كورسەتەدى.
«قمگ»بو» اق پەن «شەلل» كومپانياسى مۇناي الۋ ادىستەرىن ارتتىرۋدى جۇزەگە اسىرۋ مۇمكىندىگىن, وتاندىق كومپانيا تاڭداعان كەن ورىندارىنىڭ وندىرىستىك تيىمدىلىگىن بىرلەسىپ زەرتتەۋگە نيەتتى. بۇل قازاقستاندىق كومپانيانىڭ بىرقاتار جوباسىن تەحنيكالىق-ەكونوميكالىق باعالاۋ جۇرگىزۋدى قولداۋعا دا قاتىستى.
مەموراندۋم اياسىندا تاجىريبە الماسۋ بويىنشا ءىس-شارالار, قمگ ءبو قىزمەتكەرلەرىنە وقىتۋ كۋرستارى مەن مۇمكىن بولعان تاعىلىمدامالار ۇيىمداستىرۋ قاراستىرىلعان.
قۇجاتقا قول قويۋ ءراسىمى اياقتالعان سوڭ تاراپتار اتىنان كومپانيالاردىڭ باسشىلارى لەبىزدەرىن ءبىلدىردى. ق.ەسقازيەۆ ءوز سوزىندە مەموراندۋم اياسىنداعى پۋنكتتەرمەن تانىستىرسا, «شەلل» كونتسەرنىنىڭ توراعاسى جانە اپستريم ۆيتسە-پرەزيدەنتى دانكان ۆان بەرگەن مەموراندۋم ارقىلى قازاقستاننىڭ مۇناي-گاز سالاسىنا ۇلەس قوسا الاتىندىقتارىن جەتكىزدى. ء«بىز قولداۋ كورسەتۋگە, ءوز تاجىريبەمىزبەن بولىسۋگە دا-
يىنبىز», دەدى ول.
قالماحانبەت مۇقامەتقالي,
«ەگەمەن قازاقستان»
