قازاقستان • 25 ماۋسىم, 2017

بۇگىن قازاقستاننىڭ كەيبىر وڭىرىندە بۇرشاق جاۋى مۇمكىن

150 رەت
كورسەتىلدى
1 مين
وقۋ ءۇشىن

اتموسفەرالىق فرونتتاردىڭ وتۋىنە بايلانىستى 25 ماۋسىم كۇنى رەسپۋبليكانىڭ باسىم بولىگىندە قۇبىلمالى كۇن رايى ساقتالادى. كەي جەرلەردە جاڭبىر جاۋىپ, نايزاعاي وينايدى, جەل كۇشەيەدى, بۇرشاق جاۋى مۇمكىن. رەسپۋبليكانىڭ وڭتۇستىك-باتىسىنىڭ جەكەلەگەن اۋماقتارىندا تۇمان كۇتىلەدى, دەپ حابارلايدى «قازگيدرومەت» رمك.

بۇگىن قازاقستاننىڭ كەيبىر وڭىرىندە بۇرشاق جاۋى مۇمكىن

اقمولا وبلىسىنىڭ كەي جەرلەرىندە نايزاعاي وينايدى, كۇندىز جەل 15-20 م/س كۇشەيەدى. وڭتۇستىك قازاقستان, الماتى, اتىراۋ وبلىستارىنىڭ جەكەلەگەن جەرلەرىندە نايزاعاي كۇتىلەدى.

باتىس قازاقستان, پاۆلودار, قاراعاندى وبلىستارىنىڭ كەي اۋماقتارىندا نايزاعاي ويناپ, جەلدىڭ ەكپىنى 15-20 م/س ارتادى.

اقتوبە, جامبىل, سولتۇستىك قازاقستان, شىعىس قازاقستان وبلىستارىندا, كۇندىز قوستاناي وبلىسىنىڭ كەي جەرلەرىندە, سونداي-اق نايزاعاي كۇتىلەدى, بۇرشاق جاۋى مۇمكىن, 15-20 م/س جىلدامدىقتاعى جەلدىڭ ەكپىنى 25 م/س كۇشەيۋى ىقتيمال.

ماڭعىستاۋ وبلىسىنىڭ كەي جەرلەرىندە نايزاعاي مەن تۇمان بولجانادى.

كۇندىز الماتى وبلىسىندا, سونىمەن قاتار شىعىس قازاقستان وبلىسىنىڭ كەي جەرلەرىندە قاتتى ىستىق بولادى.

كۇندىز قىزىلوردا, وڭتۇستىك قازاقستان, قاراعاندى, شىعىس قازاقستان, قوستاناي وبلىستارىنىڭ كەي جەرلەرىندە جوعارى ءورت قاۋپى ساقتالادى. 

سوڭعى جاڭالىقتار