ءتۋرنيردى سەناتور دارحان كالەتاەۆ قۇتتىقتاۋ سوزبەن اشتى.
«بايلانىس جانە اقپارات سالاسى قىزمەتكەرلەرىنىڭ كۇنى قارساڭىندا ەلىمىزدىڭ جەتكەن جەتىستىكتەرىن, پارلامەنت جۇمىسىن, ساياسي, الەۋمەتتىك-ەكونوميكالىق رەفورمالاردى حالىققا جەتكىزۋدەگى سىزدەردىڭ ەڭبەكتەرىڭىز ەرەكشە ەكەنىن ريزاشىلىقپەن اتاپ وتكىم كەلەدى» - دەدى سەناتور. - ۇستەل تەنيسىنەن جۋرناليستەر اراسىنا وتكەن جارىس تارتىستى ءارى قىزىقتى شارا بولدى. «سپورت» – اعىلشىن تىلىنەن اۋدارعاندا «ويىن, كوڭىل كوتەرۋ» دەگەندى بىلدىرەدى. وي ەڭبەگىنىڭ مايتالماندارىنا بۇگىن ءوز شەبەرلىكتەرىن تانىتۋعا ءارى مەرەكەدە كوڭىل سەرگىتۋگە مۇمكىندىك تۋدى, - دەدى سەناتور.
سەنات دەپۋتاتى جۋرناليستيكا – وي ەڭبەگى, ال سپورت – سەرگەكتىك پەن دەنساۋلىق كەپىلى ەكەنىن ايتا كەلىپ, ونىڭ ادامداردى بىرلەسە قيمىلداۋعا, جەڭىسكە ۇمتىلۋعا, اۋىزبىرشىلىككە باۋليتىن شارا ەكەنىن ايتتى. «بۇل جاعىنان ءبارى بىرلەسە قيمىلداپ, حالىققا جەدەل ءارى ساپالى اقپارات بەرەتىن رەداكتسيا جۇمىسىنا ۇقسايدى. ەكەۋى دە قاجىرلىلىق پەن تاباندىلىقتى قاجەت ەتەدى. ەكەۋى دە جەڭىسكە ۇمتىلادى», - دەدى ول.
- كاسىبي مەرەكەگە وراي ۇيىمداستىرىلىپ وتىرعان سپورتتىق شارانىڭ جەڭىمپازدارىن قۇتتىقتايمىن. سىزدەرگە مىقتى دەنساۋلىق, شىعارماشىلىق تابىس تىلەيمىن, - دەدى سەناتور. حالىقارالىق «قازاقپارات» اقپارات اگەنتتىگىنىڭ ءفوتوتىلشىسى داۋرەن ىبىرايىموۆ پارلامەنت سەناتى ءتۋرنيرىنىڭ جەڭىمپازى ءارى كۋبوگىنىڭ يەسى اتاندى. جۋرناليستيكا ارداگەرى, پۋبليتسيست قاينار ولجاي ەكىنشى ورىن, رەسپۋبليكالىق «قازاقستان» تەلەراديوكورپوراتسياسى ءۇشىنشى ورىن الدى.
