«مەملەكەتتىك قىزمەت – بۇل بارلىق مەملەكەتتىك باسقارۋ جۇيەسىنىڭ ەڭ ماڭىزدى تەتىكتەرىنىڭ ءبىرى. كەز كەلگەن قوعام مەملەكەتتىك باسقارۋسىز, ياعني مەملەكەتتىك قىزمەتشىلەرسىز ارەكەت ەتۋى, العا جىلجىپ دامۋى مۇمكىن ەمەس. قازىرگى قوعامنىڭ تالاپتارىنا ساي بيلىككە دەگەن سەنىم دە مەملەكەتتىك قىزمەتشىگە قاراپ قالىپتاسادى. وبلىسمىزدىڭ قارقىندى دامۋى سىزدەردىڭ كاسىبي شەبەرلىكتەرىڭىزگە, تاجىريبەلەرىڭىزگە, ۇمتىلىستار مەن ەرىك-جiگەرلەرىڭىزگە تىكەلەي بايلانىستى. سىزدەردى تاعى دا كاسىبي مەرەكەلەرىڭىزبەن شىن جۇرەكتەن قۇتتىقتايمىن!», - دەدى ج.تۇيمەباەۆ.
سالتاناتتى جيىندا مەملەكەتتىك قىزمەت سالاسىندا كوپ جىلدار بويى ابىرويلى قىزمەت اتقارىپ, ءوز لاۋازىمدىق مىندەتتەرىن مۇلتىكسىز ورىنداعان, جۇمىس بارىسىندا قول جەتكىزگەن تابىستارى مەن جوعارعى كورسەتكىشتەرى ءۇشىن بىرقاتار مەملەكەتتىك قىزمەتشىلەر اكىمنىڭ قولىنان «ۇزدىك مەملەكەتتىك قىزمەتشى» ءتوس بەلگىسى مەن وڭتۇستىك قازاقستان وبلىسىنىڭ «وبلىسقا سىڭىرگەن ەڭبەگى ءۇشىن» بەلگىسىن, وڭتۇستىك قازاقستان وبلىسى اكىمىنىڭ گراموتاسى جانە العىس حاتىن السا, كوپتەگەن ازاماتتار قر مەملەكەتتىك قىزمەت ىستەرى جانە سىبايلاسقا قارسى ءىس-قيمىل اگەنتىگى توراعاسىنىڭ العىس حاتىمەن, وڭتۇستىك قازاقستان وبلىستىق ءماسليحاتىنىڭ گراموتاسىمەن, جالپى سانى 30 ازامات ماراپاتتالدى. سونداي-اق, بىرقاتار ۇزدىك مەملەكەتتىك قىزمەتشىلەرگە تۇركيادا ءىس-تاجىريبە الماسۋ ءۇشىن ارنايى سەرتيفيكاتتار تابىستالدى.
مەرەكەلىك شارا سوڭى كونتسەرتتىك باعدارلاماعا ۇلاسىپ, كاسىبي مەرەكە يەلەرىنە قۇرمەت كورسەتىلدى.
