بۇعان دەيىن كومپانيا اۋداندىق جانە قالالىق اۋرۋحانالارعا مەديتسينالىق جابدىقتاردى ساتىپ الۋ ءۇشىن 311 ملن تەڭگە بولگەن-ءدى. بۇل قاراجات ءوڭىردىڭ 13 مەديتسينالىق مەكەمەسىنە بەرىلگەن بولاتىن. سوڭعى بەس جىلدا كومپانيا شىعىس قازاقستانداعى ءتۇرلى الەۋمەتتىك نىسانداردىڭ قۇرىلىسى مەن جوندەۋ جۇمىستارىنا 6,6 ملرد تەڭگەدەن استام قاراجاتىن جۇمساعان كورىنەدى. توپتىڭ قارجىلاندىرۋى ارقاسىندا وسكەمەن قالاسىنداعى «ۆوستوك» ستاديونى, سەمەي قالاسىنداعى «سپارتاك» ستاديونى جوندەلىپ, جەزكەنت كەنتىندەگى مادەنيەت ءۇيى كۇردەلى جوندەۋدەن ءوتتى. وبلىس ورتالىعىندا ەكى حوككەي ءمودۋلى, جەكپە-جەك سارايى, سپورتتاعى دارىندى بالالارعا ارنالعان مەكتەپ-ينتەرنات, مەملەكەتتىك نىشاندار كەشەنى سالىندى. سەمەي قالاسىنداعى سپورت-ينتەرناتىنىڭ جاتىن عيماراتى مەن سپورت مەكتەبى جانىنداعى كۇرەس زالىنىڭ قوسىمشا عيماراتى بوي كوتەردى. سونىمەن قاتار, شىعىس قازاقستان وبلىستىق اۋرۋحاناسى ورتوپەديالىق جانە تراۆماتولوگيالىق وپەراتسيالارعا ارنالعان جابدىقتارمەن قامتاماسىز ەتىلدى. كومپانيا رەسپۋبليكالىق گەماتولوگيا ورتالىعىنىڭ قۇرىلىسىن دا قارجىلاندىرۋدا.
ازامات قاسىم,
«ەگەمەن قازاقستان»
وسكەمەن
