ايتا كەتەيىك, بۇگىندە وبلىس بويىنشا ەلەكتر قۋاتىنا جالپى قاجەتتىلىك ورتاشا 400 مۆت ساعاتتى قۇرايدى. ونىڭ 30 پايىزى ىشكى كوزدەر ەسەبىنەن وندىرىلسە, 70 پايىزى ەلىمىزدىڭ سولتۇستىك وڭىرلەرىنەن تاسىمالدانادى. اعىمداعى جىلى شىمكەنت قالاسىندا «بوزارىق», «استانا 1,2» قوسالقى ستانسالارىنىڭ قۇرىلىسىن اياقتاۋ جوسپارلانىپ وتىر. ناتيجەسىندە قالاداعى ونەركاسىپ ورىندارى مەن 425 مىڭ تۇرعىن ساپالى ەلەكتر ەنەرگياسىمەن قامتاماسىز ەتىلمەك.
بۇدان بولەك, 7 قوسالقى ستانسانىڭ (اكجار, 1م1, 1م2, 2م1, 2م2, نوۆوسترويكا 1, 2) قۇرىلىسىن اياقتاۋ كوزدەلۋدە. بيىل سونداي-اق سارىاعاش اۋدانىندا 220/100/10 كۆ «قىزىلاسكەر» قوسالقى ستانساسىنىڭ قۇرىلىسى باستالماق. بۇل ماقساتقا 7,8 ملرد تەڭگە باعىتتالادى. ەگەر جوبا تولىعىمەن ىسكە اسسا, سارىاعاش, ماقتاارال, شاردارا اۋداندارىنداعى 705 مىڭ تۇرعىن مەن اۋىلشارۋاشىلىق نىساندارى, ونەركاسىپ ورىندارى ءۇزىلىسسىز, ساپالى ەلەكتر ەنەرگياسىمەن قامتاماسىز ەتىلەدى. ياعني, ماقتاارال, سارىاعاش, شاردارا اۋداندارى ەكونوميكاسىنىڭ ءارى قاراي دامۋىنا قوسىمشا 50 مۆت ەلەكتر ەنەرگياسى پايدا بولادى.
سونىمەن قاتار, ورداباسى, وتىرار اۋداندارى مەن ارىس قالاسىنىڭ اۋماعىندا ورنالاساتىن كاسىپورىندار مەن 244 مىڭ تۇرعىندى تۇراقتى ەلەكتر ەنەرگياسىمەن قامتۋ ماقساتىندا «بادام» قوسالقى ستانساسىنىڭ جوباسى ازىرلەنۋدە. ونىڭ قۇرىلىسى 2018 جىلى باستالادى.
وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىق باسقارماسى مالىمەتىنە سايكەس, 2018 جىلى باستاۋ الاتىن تولە بي اۋدانىنداعى «الاتاۋ» قوسالقى ستانساسىنىڭ قۇرىلىسىنا 938,9 ملن تەڭگە ءبولىنىپ وتىر. 2017 جىلى قۋاتتىلىعى 3,5 مۆت-تى قۇرايتىن قازىعۇرت جانە سايرام اۋداندارىنداعى 2 شاعىن سۋ ەلەكتر ستانساسىنىڭ قۇرىلىسى اياقتالىپ, ىسكە قوسىلادى دەپ كۇتىلۋدە.
وسى جوبالاردى ىسكە اسىرۋ ارقىلى ەلەكتر جەلىلەرىنىڭ توزۋ دەڭگەيىن 2017 جىلى 55,7 پايىزدان 54,8 پايىزعا, 2021 جىلى 52,4 پايىزعا تومەندەتۋ كوزدەلۋدە.
بۇعان قوسا, بيىل شىمكەنت, ارىس قالاسى, ماقتارال, قازىعۇرت, سارىاعاش, تۇلكىباس, تولە بي, بايدىبەك اۋداندارىندا ساپالى ەلەكتر قۋاتىمەن قامتاماسىز ەتۋ ماقساتىندا جالپى 70 نىساننىڭ جوبالاۋ-سمەتالىق قۇجاتتارى ازىرلەنۋدە. سونىمەن قاتار, «وڭتۇستىك قازاقستان وبلىسىنىڭ ەلەكتر جۇيەلەرىنىڭ 2030 جىلدارعا دەيىن دامۋ سحەماسى» ازىرلەنۋدە.
