ەلباسىنىڭ ايتۋىنشا, بۇل ۇلتتى بىرىكتىرۋگە كومەگىن تيگىزە الادى.
"قازاقستان باسقا مەملەكەتتەردە تۇرسا دا, ءوزىنىڭ ونەرىمەن, بىلىمىمەن قازاقتاردىڭ اتىن شىعارعان ادامداردى, تالانتتى تۇلعالاردى ءبىلۋى كەرەك. مەن ۇكىمەتكە تانىمال قازاقتاردىڭ ەلەكتروندى بازاسىن جاساۋدى تاپسىرامىن. بۇل تاريحي وتانىندا تۇرمايتىن قازاقتارعا جول اشادى. قوعامدىق سانانىڭ جاڭعىرۋى - قازاقتاردىڭ جاڭعىرۋى. بۇل بارلىق قازاقتاردىڭ بىرلىگى. باستى ماسەلە وسىندا. ال وعان تەك قازاقستانداعى ىنتىماق پەن بىرلىكتىڭ ارقاسىندا قول جەتكىزۋگە بولادى", دەدى ەلباسى.
قۇرىلتايدا ءسوز سويلەگەن پرەزيدەنت 1991 جىلى تاۋەلسىزدىگىمىز جاريالاعان كەزدە قازاقتار قازاقستان حالقىنىڭ تەك 40 پايىز ۇلەسىن قۇراعانىن ەسكە الدى. "مەن سايلانعاندا قانشا پايىز داۋىس جينايتىنىمىزدى ويلاۋعا دا قورىقتىق. قازىر قازاقتاردىڭ ۇلەسى 70 پايىزدان اسادى. قۇدايعا شۇكىر, وسى جىلدارى ءبىز قازاقستان حالقىنىڭ سانىن ساقتاپ قالدىق. جىل سايىن ەلىمىزدە 400 مىڭنان اسا بالا دۇنيەگە كەلەدى. مەن 1 شىلدەدە قازاقستان حالقىنىڭ سانى 18 ميلليون بولاتىنىن مالىمدەيمىن", - دەدى نۇرسۇلتان نازارباەۆ.
ەستەرىڭىزگە سالا كەتسەك, ءدال قازىر استانادا دۇنيەجۇزى قازاقتارىنىڭ بەسىنشى قۇرىلتايى وتۋدە. وعان 750-دەن استام دەلەگات كەلدى. ونىڭ ىشىندە الەمنىڭ 39 ەلىنەن 350 دەلەگات قاتىسۋدا.
گۇلنۇر قۋانىشبەكقىزى,
"ەگەمەن قازاقستان"
سۋرەتتى تۇسىرگەن ەرلان وماروۆ,
"ەگەمەن قازاقستان"
