«نۇر سۇڭقار» رەسپۋبليكالىق بايقاۋىنىڭ جىل وتكەن سايىن باق قىزمەتكەرلەرى اراسىنداعى تانىمدىلىعىنىڭ ارتىپ كەلە جاتقانىن اتاپ وتكەن ءلازىم. جەڭىمپازدار پارتيا قىزمەتى, ەلىمىزدىڭ ساياسي, ەكونوميكالىق جانە رۋحاني جاڭعىرۋى, ماڭىزدى قوعامدىق پارتيالىق باستامالار, پارتيانىڭ جاستار ساياساتى تۋرالى ۇزدىك ماتەريالدارى ارقىلى انىقتالدى.
«جۇزدەن جۇيرىك, مىڭنان تۇلپار» شىققاندار 8 اتالىم بويىنشا ماراپاتتالدى. بيىلعى جىلى بايقاۋدىڭ قاراۋىنا وتاندىق بۇقارالىق اقپارات قۇرالدارىنىڭ 200 وكىلىنەن 600-دەن استام جۇمىس ءتۇستى. بۇل جولعى بايقاۋدا استانا جانە الماتى قالاسىنىڭ جۋرناليستەرى ەرەكشە بەلسەندىلىك تانىتتى. وڭىردەگى جۋرناليستەردىڭ دە بايقاۋعا قاتىسۋعا نيەت بىلدىرگەن قىزىعۋشىلىعى ارتا تۇسۋدە. بايقاۋعا ماتەريالدار بارلىق وبلىستاردان كەلدى. جەڭىمپازداردىڭ ەسىمدەرى قۇرامىندا ەلىمىزگە بەلگىلى جۋرناليستەر, قوعام قايراتكەرلەرى بار بايقاۋ كوميسسياسىنىڭ قورىتىندى وتىرىسىندا انىقتالدى.
بايقاۋ قورىتىندىسى بويىنشا «ەلباسى باستامالارىن حالىققا تۇسىندىرۋگە قوسقان ۇلەسى ءۇشىن» اتالىمىن «رترك قازاقستان» اق ارنايى ءتىلشىسى دۋلات نۋركين يەلەندى. «پارتيا قىزمەتى تۋرالى ەڭ ۇزدىك ماتەريال ءۇشىن» اتالىمى قاراعاندى وبلىسىنداعى «ليتەر» گازەتىنىڭ ءتىلشىسى اينۇر بالاكەشوۆاعا بۇيىردى. «ەرەكشە پىكىر» اتالىمىندا «استانا» تەلەارناسى اقپاراتتىق-ساراپتامالىق باعدارلامالار ديرەكتورى انار كارينتاەۆا ۇزدىك تەلەۆيزيالىق جۋرناليست اتاندى. «حالىق داۋىسى» اتالىمى «حابار24» تەلەارناسىنىڭ ديرەكتورى ارمان سەيىتمامىتتىڭ قانجىعاسىنا بايلاندى. ء«سوز شەبەرى» اتالىمىندا «ەگەمەن قازاقستان» گازەتى مادەنيەت جانە رۋحانيات ءبولىمىنىڭ مەڭگەرۋشىسى تالعات باتىرحان ۇزدىك جۋرناليست بولدى. «ايماق ايناسى» اتالىمىن «كازاحستانسكايا پراۆدا» گازەتىنىڭ قوستاناي وبلىسىنداعى ءتىلشىسى ەۆگەني ەرماكوۆ پەن «سەمەي تاڭى» گازەتىنىڭ باسشىسى رىيزا مولداشەۆا ءوزارا ءبولىستى.
«ەڭ ۇزدىك تالداۋ باعدارلاماسى» اتالىمى «حابار» تەلارناسى كەشكى جاڭالىقتار قىزمەتىنىڭ باس رەداكتورى, «نەگىزىندە» باعدارلاماسىنىڭ جۇرگىزۋشىسى رۋسلان وسپانعا تابىس ەتىلدى. «مەديا پروفي» اتالىمىن «Qamshy Media» جشس ديرەكتورى نۇرعالي نۇرتاي مەن baq.kz سايتىنىڭ رەداكتورى ەرجان جاۋباي ءبولىسىپ, ولار ينتەرنەت باسىلىمنىڭ ۇزدىك جۋرناليستەرى اتاندى.
