- قازىرگى تاڭدا ءوڭىرىمىزدىڭ الەۋمەتتىك-ەكونوميكالىق جاعدايىنا زور ۇلەسىن قوسىپ وتىرعان 5 مىڭعا جۋىق شاعىن جانە ورتا بيزنەس كاسىپورىندارى جانە 35 مىڭنان استام جەكە كاسىپكەرلەر مەن شارۋا قوجالىقتارى جۇمىس ىستەيدى. اتالعان سەكتوردا 100 مىڭعا جۋىق ادام جۇمىسپەن قامتىلعان – بۇل وبلىستاعى ەكونوميكالىق بەلسەندى حالىقتىڭ ۇشتەن ءبىر بولىگى,- دەدى ايماق باسشىسى.
2017 جىلى بايقاۋعا 22 تاۋار ءوندىرۋشى قاتىستى. «وندىرىستىك ماقساتتاعى ۇزدىك تاۋار» اتالىمى بويىنشا 1-ورىندى «ەلەكتروتەحنولوگيا» جشس يەلەنسە, 2-ورىن «پوليمەر پرودۋكت» جشس-نە بۇيىردى. ال, ءۇشىنشى ورىندى «مير 2001» جشس جەڭىپ الدى.
«حالىققا ارنالعان ۇزدىك تاۋار» اتالىمى بويىنشا 1-ورىندى «دالاتەكس» جشس, 2-ورىندى «قىزىلوردا زاعيپتار قوعامى» وقۋ-وندىرىستىك كوپەراتيۆى» جشس, 3-ورىندى «پرومكوممەرتسكا» جشس يەمدەندى. سونىمەن قاتار, «ۇزدىك ازىق-ت ۇلىك تاۋار» نوميناتسياسى بويىنشا 1-ورىن «ارال تۇز» اق-نا, 2-ورىن «ارال» سەرۆيستىك دايىنداۋ ورتالىعى» جشس-نە,3-ورىن جك «ەرماحانوۆ»- قا بۇيىردى.
بايقاۋ جەڭىمپازدارى «ەكسپو-2017» حالىقارالىق كورمەسى اياسىندا استانا قالاسىندا وتەتىن رەسپۋبليكالىق كورمە-بايقاۋعا جولداما الدى.
