ءوڭىردىڭ كورىكتى جەرلەرى مەن تاريحي ورىندارىن ارالاۋدى حوش كورگەن تۋريستەردىڭ قاتارى جىل وتكەن سايىن ارتىپ كەلەدى. بىلتىر ولاردىڭ سانى ءجۇز مىڭعا جەتەعابىل بولسا, بيىل ودان كەم بولمايتىن ءتۇرى بار. ويتكەنى, 90-عا جۋىق دەمالىس نىساندارى تالاپقا ساي جابدىقتالىپ, ماتەريالدىق-تەحنيكالىق بازالار جاڭعىرتىلعان. قوسىمشا قىزمەت تۇرلەرى ەنگىزىلگەنىنە قاراماستاندەمالۋ قۇنىن قولجەتىمدى ەتۋ ويلاستىرىلعان . ءبىر اتاپ وتەرلىگى, وتباسىمەن كەلۋشىلەردىڭ قاتارى كوبەيە تۇسكەن.
«ايىرتاۋ ايماعىندا 8 دەمالىس بازاسىن سالۋ جوسپارلانسا, تەڭ جارتىسى بيىل پايدالانۋعا بەرىلەدى. «سولنەچنوە ۆيپ», «جەمچۋجينا», «گرينپارك», «گرينۆۋد» دەمالىس ورىندارىنا سۇرانىس كوپ. «بيزنەستىڭ جول كارتاسى 2020» باعدارلاماسى اياسىندا «جەمچۋجينا يمانتاۋ» دەمالىس ايماعىنا ەلەكتر جارىعى تارتىلدى», دەيدى كاسىپكەرلىك جانە تۋريزم باسقارماسى باسشىسىنىڭ ورىنباسارى ازامات ەلەۋسىزوۆ.
تۋريستەردىڭ كوپتەپ كەلۋىن قامتاماسىز ەتۋ ماقساتىمەن «تۋريزم-2017» كورمەسى, «موڭكە كۇنى» بالىقشىلار فورۋمى وتكىزىلگەن.
ەندى «قىمىزفەست» فەستيۆالى ۇيىمداستىرىلاتىن بولادى.
ءومىر ەسقالي,
«ەگەمەن قازاقستان».
