جاسى 29-عا تولماعان, ەڭبەك ءوتىلى ءبىر جىلدان كەم ەمەس, اكىمشىلىك جازاعا تارتىلماعان مەملەكەتتىك قىزمەتشىلەر بايقاۋعا قاتىسىپ, ودان سۇرىنبەي وتكەندەرى اقتىق سىنعا جولداما الدى. ولار قازاقستان رەسپۋبليكاسى زاڭناماسىن ءبىلۋ دەڭگەيلەرى بويىنشا تەست تاپسىرىپ, «مەن ۇزدىك بولۋعا لايىقتىمىن» تاقىرىبىندا وزدەرىن تانىستىردى. ودان كەيىن «بەدەلدى سۇراق», «جۇزدەن بىرەۋ-شەشەن, مىڭنان بىرەۋ-كوسەم», «ونەرلى ورگە جۇزەر» سايىستارىندا باق سىناستى.
قازىلار القاسى ءبىرىنشى ورىنعا وبلىستىق توتەنشە جاعدايلار جونىندەگى دەپارتامەنتتىڭ باس مامانى كەنجەبەك قوجاحمەتوۆتى لايىق دەپ تاپتى. ەكىنشى, ءۇشىنشى ورىنداردى پەتروپاۆل قالالىق مامانداندىرىلعان اكىمشىلىك سوتىنىڭ قىزمەتكەرى اسەل مۋسينا مەن ءۋاليحانوۆ اۋدانى اكىمى اپپاراتىنىڭ باس مامانى بولات ءجۇسىپوۆ ءبولىستى.
كونكۋرسقا قاتىسۋشىلار «ۇزدىك شەشەن», «دارىندى مەملەكەتتىك قىزمەتشى», «ۇزدىك زياتكەر» اتالامدارىنا يە بولدى.
ءومىر ەسقالي,
«ەگەمەن قازاقستان»
