ايماق باسشىسى قۇمار اقساقالوۆ قوعامدىق كەڭەس مۇشەلەلەرىنە ءوڭىردىڭ بەس ايداعى الەۋمەتتىك-ەكونوميكالىق دامۋى تۋرالى جان-جاقتى اڭگىمەلەپ, پروبلەمالىق ماسەلەلەرگە كوبىرەك توقتالدى.
«ناقتى مالىمەتتەر بويىنشا اۋىل شارۋاشىلىعى ونىمدەرىن وندىرۋشىلەر سالىقتى از تولەيدى, ەڭبەكاقى مولشەرى تومەن. كاسىپورىندارىنىڭ بىلتىرعى كرەديتورلىق قارىزى – 613 ميلليارد. تەڭگە. اگروونەركاسىپ كەشەنىندە بەس ايداعى ورتاشا ەڭبەكاقى – 66 مىڭ تەڭگە عانا», دەدى قۇمار ىرگەباي ۇلى.
اۋىل شارۋاشىلىعى تاۋارلارىن وندىرەتىن ءىرى شارۋاشىلىقتاردىڭ 106-سى عانا تابىستى جۇمىس ىستەپ وتىر. استىق ءوندىرىسىن ارتاراپتاندىرۋ–كەزەك كۇتپەيتىن باستى ماسەلە . مايلى داقىلدار القابى 712 مىڭ گەكتارعا دەيىن ۇلعايتىلدى. بۇل رەسپۋبليكا بويىنشا بارلىق مايلى داقىلدار كولەمىنىڭ 30 پايىزىن قۇرايدى. تاياۋ جىلدارى مايلى جانە بۇرشاقتى داقىلدار القابىن ءبىر ميلليون گەكتارعا دەيىن ۇلعايتىلماق.
مال شارۋاشىلىعىندا دا تولعاقتى پروبلەمالار از ەمەس. 3800-دەن استام سەرىكتەستىكتەر مەن شارۋا قوجالىقتارىنىڭ 29 پايىزى عانا مال وسىرەدى
قولداعى 13500 تراكتوردىڭ 73 پايىزى توزعان. جۇمىس ىستەپ تۇرعان زاۋىتتاردىڭ ونىمىندەرىنە سۇرانىس ارتسا, توقتاپ تۇرعان كاسىپورىنداردى ىسكە قوسۋ كۇن تارتىبىنەن تۇسپەك ەمەس. جەرگىلىكتى ماڭىزداعى جولداردىڭ 45 پايىزىن وتە ناشار دەڭگەيدە. بيىل ولاردى قالپىنا كەلتىرۋگە 10 ميلليارد تەڭگە باعىتتالادى. جىل اياعىنا دەيىن 200 مىڭ شارشى مەتردەن استام تۇرعىن ءۇي پايدالانۋعا بەرىلەدى
جيىندا ءسوز العان قوعامدىق كەڭەس مۇشەلەرى وبلىس اكىمىنىڭ ەسەبىنە وڭ باعا بەردى.
ءومىر ەسقالي,
«ەگەمەن قازاقستان».
