بۇل جايىندا ول ساياساتتانۋشى دوسىم ساتپاەۆ پەن «قارجىلىق ەركىندىك» قوعامدىق قورى قامقورشىلىق كەڭەسىنىڭ باسشىسى بوتا جۇمانوۆاعا بەرگەن سۇحباتىندا ءمالىم ەتتى, حابارلايدى قازاقپارات.
«مەنىڭ ويىمشا, بۇل ۇسىنىس قاۋىپتى, ايتارلىقتاي زارداپسىز ەمەس. سەبەبى زەينەتاقى قورى اكتيۆتەرى سالىمىنىڭ نەگىزگى پروبلەماسى - ول بىرىنشىدەن, جوعارى ينفلياتسيا. ول ەشقايدا كەتكەن جوق, سوندىقتان ءبىز تارگەتتەۋگە كوشتىك. 6-7 پايىز - بۇل كەز كەلگەن قوعام ءۇشىن جوعارى ينفلياتسيا. كەز كەلگەن زەينەتاقى قورى ينفلياتسيادان جوعارىلاۋ «تۇرۋى» كەرەك. ەكىنشىدەن, دامىماعان قارجى نارىعى. (...) ەگەر دە ەرتەڭ ازامات اقشاسىن سالاتىن بولسا, بىراق قايدا باعىتتايدى؟ ول ۇلتتىق بانك سالىپ وتىرعان مەملەكەتتىك باعالى قاعازدارعا سالادى. ەگەر بۇل شەتەلدەگى سالىم رەتىندە قاراستىرىلسا, وندا ول شارالاردى ورتالىقتاندىرىلعان قۇرىلىم جاساۋى ءتيىس.(...) كەزىندە دۇنيەجۇزىلىك بانك, ياعني 2013 جىلى بىزگە 100 پايىز شەتەلدە ينۆەستيتسيالاۋ تۋرالى ۇسىنىس بەرگەن. بارلىعى دوللارمەن جۇزەگە اسىرىلادى جانە ەشقانداي پروبلەما بولمايتىنىن العا تارتقان ەدى. بۇل دا قاۋىپتى ۇسىنىس. سەبەبى سول كەزدە قازاقستانداعى «ۇزاق» اقشا قايدا دەگەن ساۋال تۋىندايدى. ينفراقۇرىلىمدى قالاي قارجىلاندىرامىز؟ بيۋدجەتتىڭ تاپشىلىعىن قالاي قارجىلاندىرامىز؟ «سامۇرىق-قازىنا» قورىنىڭ كورپوراتيۆتى وبليگاتسيالارىن قالاي ينۆەستيتسيالايمىز؟»,-دەپ توقتالدى قايرات كەلىمبەتوۆ.
ونىڭ پايىمىنشا, ۇلتتىق قوردى باسقارۋ مودەلى بويىنشا بجزق-نى دا سولاي باسقارۋ كەرەك.
ەستەرىڭزگە سالا كەتەيىك, تاياۋدا قر ۇلتتىق بانكىنىڭ توراعاسى دانيار اقىشەۆ زەينەتاقى جۇيەسىنە كەيبىر وزگەرىستەردى ۇسىندى.
ء«بىزدىڭ ويىمىزشا, ءاربىر ادام باسقارۋشى كومپانيانى تاڭداۋ مۇمكىندىگىنە يە بولۋى ءۇشىن باسەكەلەستىكتى قالپىنا كەلتىرۋ قاجەت. ياعني ازاماتتار وزدەرىنىڭ زەينەتاقى جيناقتارىن باسقارتۋعا سەنىم ءبىلدىرىپ, سايكەسىنشە, ول ينۆەستيتسيالاۋ ستراتەگياسىن تاڭداي الادى. بۇل رەتتە ادامدا تاڭداۋ جاساۋ مۇمكىندىگى بولادى. ەگەر وعان ۇلتتىق بانك ۇناماسا, وندا جەكە كومپانياعا بارا الادى. بۇل ءبىز ۇسىنىپ وتىرعان بازالىق ۇستانىم»,-دەدى ول استانا ەكونوميكالىق فورۋم اياسىندا وتكەن ءباسپاسوز ءماسليحاتىندا.
