وبلىستىق اكiمدiك جانىنداعى مەملەكەتتiك قىزمەتشiلەردi قايتا دايارلاۋ جانە بiلiكتiلiكتi ارتتىرۋ ايماقتىق ورتالىعىنىڭ ديرەكتورى سابىر يبراەۆ كۋرستاردان وتكەن مەملەكەتتىك قىزمەتشىلەر مىندەتتى تۇردە سىبايلاس جەمقورلىق زاڭناماسىنا قاتىستى تەست تاپسىراتىنىن, جىل باسىنان وسىنداي سىناقتان 266 تىڭداۋشى وتكەنىن, ولاردىڭ 51-ءى «ۇزدىك», 77-ءسى «جاقسى», 131-ءى «قاناعاتتانارلىق», ال 7-ەۋى «قاناعاتتانعىسىز» ناتيجە كورسەتكەنىن تىزبەلەگەنىمەن, وبلىس اكىمى قۇمار اقساقالوۆ مەملەكەت قارجىسى جۇمسالاتىن كۋرستار كوبىنە ءدارىس وقۋ ءۇشىن عانا جۇمىس ىستەيتىنىن, قىزمەت ساپاسىن جاقسارتۋ شارالارى كوڭىل كونشىتپەيتىنىن اتاپ كورسەتتى.
«وقۋعا, بىلىكتىلىگىن جەتىلدىرۋگە جىبەرىلگەن ماماندار قىزمەتىنە ورالعان كەزدە تىڭ ويمەن, جاڭاشىلدىق يدەيامەن ەرەكشەلەنۋى ءتيىس. وكىنىشتىسى سول, مۇنداي وزگەرىستەر بايقالمايدى. مەملەكەتتىك باسقارۋ اكادەمياسىن ءبىتىرىپ كەلگەن 19 تىڭداۋشىنىڭ جارتىسىنىڭ عانا قىزمەتى وسكەن. بەسەۋى جۇمىسسىزدار قاتارىندا. كۋرستار, وقۋلار ناتيجە بەرمەيتىن بولسا, وندا مەملەكەت قارجىسى قايتارىلۋى كەرەك», دەدى قۇمار ىرگەباي ۇلى.
قاعازداعى ەسەپ ءۇشىن مەملەكەتتىك قىزمەتشىلەردى وقىتۋدىڭ قاجەتى جوق ەكەنىن باسا ايتتى.
سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرونىڭ ءوڭىر بويىنشا دەپارتامەنتىنىڭ باسشىسى نىعمەتجان ساپاروۆ مەملەكەتتىك قىزمەتشىلەر جۇمىس ۋاقىتىندا عانا ەمەس, ودان تىس كەزدە دە وزدەرىن دۇرىس ۇستاۋلارى تيىستىگىن جەتكىزدى. ادەپ نورماسىن ساقتامايتىندار از كەزدەسپەيدى.
وسى رەتتە ق. اقساقالوۆ بارلىق مەملەكەتتىك ورگانداردىڭ سايتتارىن جاڭارتىپ تۇرۋعا باسا كوڭىل ءبولۋ قاجەتتىگىن جينالعانداردىڭ ەسىنە سالدى.
«اۋدان اكىمدەرىنىڭ سايتتارىن قاراساڭ, بيۋدجەت قاراجاتىنىڭ قايدا جۇمسالىپ جاتقاندىعى, مەملەكەتتىك ساتىپ الۋلار تۋرالى اقپارات جوق. ءبىر اۋداندا, ءتىپتى اقپارات 2015 جىلدان بەرى جاڭارتىلماعان. مەملەكەتتىك ورگاندار جۇمىسىنا تۇرعىنداردان تۇسەتىن شاعىمدار دا ازايار ەمەس», دەدى ول.
ءومىر ەسقالي,
«ەگەمەن قازاقستان»
