بۇگىن بەلگىلى بولادى

بەيسەنبى كۇنى استانادا ءوتىپ جاتقان بوكستان قازاقستان چەم­پيو­ناتىنىڭ شيرەك فينالدىق كەز­دەسۋلەرى ودان ءارى جالعاستى. بۇل جەكپە-جەكتەر 51, 57, 64, 75 جانە 91 كيلوداعى سالماق دارەجەسىندە ءوتتى. وسى كۇنى شارشى الاڭعا العاش بولىپ كوتەرىلگەن 51 كگ. سالماق­تاعى كەزدەسۋدە جامبىلدىق بوكس­شى ولجاس ساتتىباەۆ “دينامو” قوعامى­نىڭ وكىلى راحمانبەردى جيەن­باەۆتى ايقىن باسىمدىلىق­پەن ۇتتى. ەسەپ – 10:4. جالپى, وسى كەزگە دەيىن بۇل سالماقتا 2005 جىلعى الەم چەم­پيوناتىنىڭ قولا جۇلدەگەرى ميرات سارسەنباەۆتىڭ الدىن ورايتىن ەشكىم جوق ەدى. ميرات سوڭعى كەزدەرى كاسىبي بوكس­قا اۋىسقان سوڭ, ونىڭ ورنىن حالىق­­ارالىق دارەجەدەگى سپورت شەبەرى ولجاس باستى دەي الامىز. تارازدىق جاس تالانت – كادەت­تەر اراسىنداعى الەم چەم­پيونى, جاس­تار اراسىنداعى الەم چەمپيوناتى­نىڭ كۇمىس جۇلدەگەرى. وسى كۇنگى كەزدەسۋلەردە ولجاستان باسقا باسەكە باستالىسىمەن شارشى الاڭنىڭ شىرايىن كەلتىرىپ جۇرگەن يسمايل احۋنوۆ, ءالي بايبوزوۆ پەن ميراس جاقىپوۆ تا كەلەسى اينا­لىمعا جولداما الدى. 57 كيلو سالماقتا چەمپيونات­تا­عى ەڭ ءىرى ەسەپ تىركەلدى. مۇندا استا­نا­لىق دۋمان ءالىموۆ قارسىلا­سىن 31:1 ەسەبىمەن ۇتتى. سونداي-اق, كەلەسى بولىپ رينگكە شىققان قوستانايلىق اسلان مۇقانوۆ, جاقسىلىق ءىلياسوۆ (شقو) پەن جان­دوس مومىنوۆ (اقمولا وبلى­سى) قارسىلاستارىن تىزە بۇكتىردى. 64 كيلودا قىزىلوردالىق ءرۇس­تەم سىباەۆ سالماق قۋعاننان كە­يىن ونىڭ ورنىن دانيار ەلەۋ­سىنوۆ, مەرەي اقشالوۆ (ەكەۋى دە استانادان) پەن الماتىلىق ايدار شارىباەۆ باسقان ەدى. بەيسەنبى كۇنگى باسەكەلەردە وسى ۇشەۋىنىڭ اراسىنان بابى مەن باعى كەلىسكەن دانيار مەن ايداردىڭ عانا جولى بولدى. ال شارشى الاڭعا جەرگى­لىكتى جانكۇيەرلەردىڭ ءۇمىتىن ارقالاپ شىققان مەرەي ءبىر ۇپاي ايىرماسىمەن ادىلەت ەگىزباەۆتان (شقو) جەڭىلىپ قالدى. كەلەسى, 75 كيلو سالماقتا تاعى دا جامبىل مەن شىعىس قازاقستان وبلىستارىنىڭ وكىلدەرى جارتىلاي فينالعا جولداما الدى. وندا ەلىمىزدىڭ ەكى دۇركىن چەمپيونى ادىلەت نيازىمبەتوۆ پەن دانيار ەلەۋسىنوۆتىڭ الدىن دانابەك سۋ­جانوۆ پەن نۇرداۋلەت جارمانوۆ وراپ كەتتى. سول سەكىلدى وسى سالماقتا الماتىلىق نۇرماتوۆ پەن جامبىلدىق بايماتوۆتىڭ قارسىلاستارىنان ايلاسىن اسىرىپ كەتكەنىن اتاپ وتكەنىمىز ءجون. وسىدان كەيىن باسەكە 91 كيلو سالماق اراسىندا جالعاستى. مۇندا رەسپۋبليكالىق جانە حالىقارالىق جارىستاردا ۇستەمدىك ەتىپ جۇرگەن قوس­تانايلىق جان كوسوبۋتسكي, بىلتىرعى جىلعى ازيا چەمپيونى ۆاسيلي لەۆيت, كەرەكۋلىك دمي­تري گوتفريد پەن سوڭعى كەزدەرى جارا­قاتى­نان ايىعىپ, قاتارعا قوسىلعان ماڭعىستاۋلىق ەردوس جاڭابەرگەنوۆ كەلەسى اينالىمعا شىقتى. بۇگىن جارتىلاي فينالعا جولداما الىپ, كەشە تاڭەرتەڭنەن كەشكە دەيىن “داۋلەت” سپورت كەشە­نىن­دە كەرىلگەن شارشى الاڭدا اق­تىق ايقاسقا شىعۋ ءۇشىن قولعاپ تۇيىستىرگەن بوكسشىلار كەزدەسەتىن بولادى. ءسويتىپ, بابى مەن باعى كەلىسكەن بوكسشىلاردىڭ اراسىن­داعى ناعىز مىقتىلار بۇگىن كەش­كە انىقتالادى. داستان كەنجالين.