بايقاۋ قالام قۋاتىن بايقاتتى

“نۇر وتان” حالىقتىق-دەموكراتيالىق پارتياسى وتكەن جىلى ەلىمىزدەگى باق-تار اراسىندا سىبايلاس جەمقورلىققا قارسى كۇرەس تۋرالى جازىلعان ەڭ ۇزدىك ماقالالارعا كەزەكتى بايقاۋ جاريالاعان بولاتىن. كەشە وسى بايقاۋدىڭ جەڭىمپازدارىن ماراپاتتاۋ ءراسىمى بولىپ ءوتتى. ماراپاتتاۋدى جۇرگىزگەن “نۇر وتان” حدپ توراعاسىنىڭ ءبىرىن­شى ورىنباسارى نۇرلان نىع­ماتۋلين مەملەكەت باسشىسى, پارتيا كوش­باسشىسى نۇرسۇلتان نازارباەۆ جەمقورلىقپەن كۇرەس ەلىمىزدىڭ نە­گىزگى, باسىم جۇمىس باعىتتارىنىڭ ءبىرى ەكەندىگىن ايتقاندىعىن اتاپ ءوتتى. بۇل ورايدا ول ەلباسىنىڭ باق تۇراق­تى تۇردە جەمقورلىققا قارسى اۋقىمدى ناسيحاتتاۋ جۇمىس­تارىن جۇرگىزۋى ءتيىس, دەگەن ءسوزىن تىلگە تيەك ەتتى. ن.نىعماتۋلين نەگىزگى ماق­سات­قا قول جەتكىزۋ ءۇشىن جەم­قور­لىققا قارسى جالپىحالىقتىق قوزعا­لىس­تى قۇرۋدا پارتيا ءار ءتۇرلى فور­ما­لار مەن ادىستەردى پايدالانا­تى­نىن ايتتى. وتكەن جىلى قۇرىلعان مەديا-ورتالىق جارتى جىلدا جەمقورلىق دەرەك­تەرى بويىنشا 20 جۋرناليستىك تەرگەۋلەر جۇرگىزدى. قوعامدا جەم­قورلىققا قارسى كوز­قا­راس قا­لىپتاستىرۋ ءۇشىن قازاق­ستان­دىق بۇقارالىق اقپارات قۇرال­دارى ۇلكەن الەۋەتكە يە بولعان­دىق­تان, ەكىنشى جىل قاتارىنان پارتيا ۇيىمداستىرىپ وتىرعان جۋرنا­ليستەر اراسىنداعى بايقاۋ ءتيىمدى فورمالاردىڭ ءبىرى بولىپ تابى­لادى. بايقاۋعا بارلىعى 64 قا­تىسۋشى اتسالىسىپ, بەدەلدى قا­زىلار القاسىنىڭ قاراۋىنا 136 ماتەريال ۇسىنىلعان. ءسويتىپ, ولار باق-تارداعى ۇزدىك جاريا­لانىم­دار”, “ەڭ ۇزدىك بەينە­سيۋجەت/تەلە­ۆيزيالىق باعدار­لاما”, “ەڭ ۇزدىك جۋرناليستىك تەرگەۋ” سەكىلدى ءۇش نو­مي­ناتسيا بويىنشا جۇزدەن جۇيرىك جەڭىم­پازدار مەن لاۋرەاتتاردى انىقتادى. “ەگەمەن-اقپارات”. بريۋسسەلدە ەۋرووداقپەن كەڭەس وتكىزىلەدى كەشە سىرتقى ىستەر مينيستر­لىگى­نىڭ رەسمي وكىلى اسقار ابدراح­مانوۆ اپتالىق بريفينگ وتكىزدى. وندا سىرتقى ساياسات سالاسىنداعى وسى اپتادا بولاتىن نەگىزگى ءىس-ارەكەتتەر تۋرالى ايتىلدى. سونىڭ ىشىندە 20 قاڭتاردا ەقىۇ-نىڭ ءىس باسىنداعى توراعاسى, مەملەكەتتىك حاتشى – سىرتقى ىستەر ءمينيسترى قانات ساۋداباەۆتىڭ ەلىمىزدە ءتىر­كەل­گەن ديپلوماتيالىق كورپۋس وكىل­دەرىمەن كەزدەسۋ وتكىزەتىنى بەل­گىلى بولدى. وندا ءىس باسىنداعى ءتور­اعا ديپلوماتيالىق كورپۋس باس­شىلارىن حالىقارالىق قاتى­ناس­تارداعى كوكەيكەستى ماسەلەلەردى شە­شۋدەگى ۇيىمنىڭ ۇلەسى مەن ءتيىم­دىلىگىن ارتتىرۋعا باعىتتالعان قا­زاقستان توراعالىعىنىڭ باسىم با­عىتتارىمەن تانىستىرادى دەپ كۇتىلۋدە. سونىمەن بىرگە, 20 قاڭتاردا مەم­لەكەتتىك حاتشى – سىرتقى ىستەر ءمينيسترى قازاقستان رەس­پۋب­ليكاسى پرەزيدەنتىنىڭ جانىنداعى جاپپاي قىرىپ-جوياتىن قارۋلاردى تاراتپاۋ ماسەلەلەرى جونىندەگى كوميسسيانىڭ العاشقى وتىرىسىن وتكىزەدى ەكەن. اتالمىش كوميسسيا ەل­باسىنىڭ 2010 جىلعى 11 قاڭتار­داعى جارلىعىمەن قۇرىلعان بولاتىن. 26 قاڭتاردا ءىس باسىنداعى ءتور­اعا, مەملەكەتتىك حاتشى – سىرت­قى ىستەر ءمينيسترى قانات ساۋدا­باەۆ بريۋسسەلدە مينيسترلەر دەڭ­گەيىندەگى ەقىۇ – ەو بىرلەسكەن وتىرىسىنا قاتىسادى. جوسپارلان­عان كەلىسسوزدەر بارىسىندا اۋعان­ستان پروبلەماتيكاسى, “سوزىلىپ كەتكەن جانجالداردى” رەتتەۋ, “كور­فۋ ۇدەرىسىن” ودان ءارى ىلگە­رىلەتۋ جانە ەۋروپا قاۋىپسىزدىگىنىڭ بولاشاعى جونىندەگى ۇنقاتىسۋلار سياقتى ەكى جاقتى دا قىزىقتىرا­تىن ماسەلەلەر بويىنشا پىكىر الما­سىلادى دەپ كۇتىلۋدە. ساپار اياسىندا ق.ساۋداباەۆ­تىڭ بەلگيا كورولدىگى, ەۋرووداق جانە ناتو باسشىلارىمەن كەزدەسۋى جوسپارلانعان. قازاقستاننىڭ ساۋد ارابياسى كورولدىگىندەگى ەلشىلىگىنىڭ اقپا­را­تىنا قاراعاندا, قازاقستان رەس­پۋب­ليكاسىنىڭ پرەزيدەنتى نۇرسۇلتان نازارباەۆتىڭ باستاماسىمەن بۇۇ-نىڭ 2010 جىلدى مادەنيەتتەر جا­قىنداسۋىنىڭ جىلى دەپ جاريا­لاۋ­ىنا سايكەس يسلام كونفەرەن­تسيا­سى ۇيىمىنىڭ (يكۇ) باس حات­شىسى قا­تىسۋشى مەملەكەتتەردەن ءدىنارا­لىق جانە مادەنيەتارالىق ۇنقا­تى­سۋ­لاردى, تۇسىنىستىك پەن ىنتى­ماق­تاس­تىقتاردى بۇرىنعىدان گورى ىن­تا­لاندىرا تۇسەتىن قوسىمشا شارا­لار وتكىزۋدى سۇرادى. سونىمەن ءبىر­گە, بەلگىلەنگەن شارالار مەن ۇسى­نىس-پىكىرلەر تۋرالى قازاقستان تا­را­بىن قۇلاقتاندىرىپ قويۋدى ۇسىندى. ا.ابدراحمانوۆ ءسوزىنىڭ سوڭىندا قازاقستاننىڭ  2011 جىلى يكۇ-نىڭ توراعاسى بولىپ سايلانۋىن ەلىمىزدىڭ مۇسىلمان الەمىندەگى زور بەدەلىنىڭ كورىنىسى ەكەندىگىمەن باي­لانىستىردى. استانا يكۇ سىرتقى ىستەر مينيسترلەرى كەڭەسىنىڭ 38-ءشى توراعاسى بولىپ سايلانۋىنا  ۇلكەن ءمان بەرەدى جانە ول قازاقستان ديپلوماتياسىنىڭ 2010 جىلى ەقىۇ-عا توراعالىق ەتۋىمەن باس­تالعان بەلسەندى ارەكەتىنىڭ جالعاسى بولادى دەپ ۇمىتتەنەدى, دەدى ول. وسىدان كەيىن رەسمي وكىل جۋر­نا­ليس­تەردىڭ سۇراقتارىنا جاۋاپ بەردى. جاقسىباي سامرات. مىندەت ورىندالۋىمەن قۇندى كەشە ءماجىلىس توراعاسىنىڭ ورىنباسارى سەرگەي دياچەنكونىڭ جەتەكشىلىگىمەن وتكەن ۇكىمەت ساعاتىندا ەڭبەك جانە حالىقتى الەۋمەتتىك قورعاۋ ءمينيسترى گۇلشارا ابدىقالىقوۆا “الەۋمەتتىك-ەڭبەك سالاسى: 2009 جىلدىڭ قورىتىندىلارى جانە 2010 جىلدىڭ نەگىزگى باسىمدىقتارى” تاقىرىبىندا بايانداما جاسادى. 2009 جىلدىڭ باسىندا ەلىمىزدىڭ ەڭبەك رىنوگىندا كۇردەلى احۋال قالىپتاسقاندىقتان, جۇمىسسىزداردىڭ سانى ارتقان. “جۇمىسسىز­دار­دىڭ جالپى سانى 135 مىڭ ادامدى قۇراي­تىن 264 كاسىپورىن ءوندىرىسىن تولىقتاي جانە جارىم-جارتىلاي توقتاتتى. 25 مىڭى جار­تىلاي جۇمىس كۇنىمەن قامتىلسا, 15,6 مىڭى ەڭ­بەكاقىسى ساقتالمايتىن دەمالىسقا شىق­تى”, دەدى مينيستر وسى ورايدا. جۇمىس­سىز­دىقتىڭ كوبەيۋى مۇناي-گاز ءوندىرىسى باسىم ءول­كەلەردە بايقالعان. ساراپشىلار 136 مىڭنان استام جۇمىس ورنى قىسقارادى دەپ بولجاعان, ال بۇعان سول كەزدەگى جۇمىسسىزداردى قوسقاندا 700 مىڭعا تارتا ازامات جۇمىسپەن قامتۋ پروبلەماسىنا تاپ كەلۋى ىقتيمال ەدى. وسىنداي جاعدايلاردا ۇكىمەت ستراتەگيالىق ءۇش باعىتتى – جۇمىستان بوساپ قالعاندارعا نازار اۋدارۋ, جاڭا جۇمىس ورىندارىن اشۋ, كادرلاردى دايارلاۋ جانە قايتا دايارلاۋ با­عىت­تارىن انىقتادى. مەملەكەت باسشىسىنىڭ تاپسىرماسىنا وراي ۇلتتىق قوردان جانە رەسپۋبليكالىق بيۋدجەتتەن 1,2 ترلن. تەڭگە ءبولىندى. سونىڭ ناتيجەسىندە, وتكەن جىلدىڭ ءساۋىر ايىنان باستاپ ەلدەگى جاسىرىن جۇمىسسىزدىقتىڭ كولەمى 3,5 ەسەگە تومەندەدى. مەملەكەت باسشىسىنىڭ جولداۋىن ىسكە اسىرا وتىرىپ, ەڭبەك رىنوگىن تۇراقتاندىرۋ, ايماق­تىق جۇمىسپەن قامتۋدى جانە مامانداردى قايتا دايارلاۋدى قامتاماسىز ەتۋ ءۇشىن رەسپۋبليكالىق جانە جەرگىلىكتى بيۋدجەتتەردەن قوسىمشا 191,5 ملرد. تەڭگە نەمەسە 1,3 ملرد. اقش دوللارى بولىنگەن. “جول كارتاسى” بويىنشا 5 261 جوبا ىسكە اسىرىلسا, بۇل – جوسپارلانعاننىڭ 99,8 پايىزى. ءسويتىپ, 2009 جىلى 109,3 مىڭ جۇمىسسىز قوعامدىق جۇمىستارعا جىبەرىلسە, بۇل – 2008 جىلعى دەڭگەيدەن 80,5 پايىزعا ارتىق. سوڭعى 3 جىلدا قازاقستانداعى زەينەتاقى تولەمدەرىنىڭ ورتاشا مولشەرى 1,6 ەسەگە ارتقان. سونىمەن بىرگە, 677 مىڭعا تارتا ادام جي­ناقتاۋشى زەينەتاقى جۇيەسىنەن زەينەتاقى الا باستادى. مەملەكەتتىك الەۋمەتتىك جاردەماقىلار مولشەرى (ونىڭ ىشىندە): مۇگەدەكتىك بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 2007 جىلى 9 331 تەڭگەدەن 2009 جىلى 14 094 تەڭگەگە دەيىن; اسىراۋشىسىنان ايىرىلۋ بويىنشا 8 507 تەڭگەدەن 12 534 تەڭگەگە دەيىن; جاسىنا بايلانىستى – 4 670 تەڭگەدەن 6 858 تەڭگەگە دەيىن وسكەن. بالا تۋعاندا بەرىلەتىن بىرجولعى جاردەم­اقى 2 ەسەگە, بالانى ءبىر جاسقا تولعانعا دەيىن كۇتۋگە تولەنەتىن اي سايىنعى جاردەماقى 1,6 ەسەگە ۇلعايتىلدى. وسىنداي جاردەماقىلاردى 410 مىڭعا جۋىق وتباسى الدى. №2 تىزىمگە جاتاتىن ادامدارعا جاردەماقىلار ەنگىزىلىپ, تولەنۋدە. مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى ءۇشىن تولەمدەردىڭ وتكەن جىلعى ورتاشا مولشەرى 5 199 تەڭگە بولدى. تەك قانا جۇكتىلىك پەن بالا تۋعا جانە بالانى ءبىر جاسقا تولعانعا دەيىن كۇتۋگە 41,8 ملرد. تەڭگە ءبولىندى. 1,2 ملن.-نان استام ادام جاردەماقى الۋشىلاردىڭ زاڭنامادا بەلگىلەنگەن ساناتتارىنا قاراي 1-دەن 15-اەك (ايلىق ەسەپتىك كورسەتكىش) مولشەرىندە ارنايى مەملەكەتتىك جاردەماقىلار الدى. ءسويتىپ, 4 ملن.-عا جۋىق ادام نەمەسە ەلدەگى حالىقتىڭ تورتتەن ءبىر بولىگى اي سايىن جانە ۋاقتىلى رەسپۋبليكالىق بيۋدجەتتەن الەۋمەتتىك جاردەماقىلار الىپ تۇردى. قوسىمشا باياندامانى پالاتانىڭ الەۋ­مەتتىك-مادەني دامۋ كوميتەتىنىڭ ءتورايىمى دي­نارا نوكەتاەۆا جاسادى. دەپۋتات وتكەن جىلى قابىلدانعان زاڭدىق قۇجاتتاردى ەرەك­شە اتاپ ءوتتى. ەڭبەك كودەكسىنە, “جۇمىسپەن قامتۋ تۋرالى” جانە “مىندەتتى الەۋمەتتىك ساقتاندىرۋ تۋرالى” زاڭدارعا وزگەرىستەر مەن تولىقتىرۋلار ەنگىزىلسە, ولار “جول كارتا­سى­نىڭ” ويداعىداي ىسكە اسىرىلۋىن قامتاماسىز ەتۋگە, ەڭبەك رىنوگىنداعى احۋالدى ءبىرشاما تۇراقتاندىرۋعا جانە ەلدە جۇمىسسىزدىقتىڭ وسۋىنە جول بەرمەۋگە مۇمكىندىك تۋعىزدى. سول سياقتى “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكە­لە­گەن ساناتتارىن الەۋمەتتىك قولداۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭدىق قۇجات تا ايتارلىقتاي يگى ىقپا­لىن تيگىزگەنى ءمالىم. ء“بىزدىڭ الدىمىزدا اسا ماڭىزدى مىندەتتەر تۇر. ءبارىمىز دە “نۇر وتان” حدپ-نىڭ حالىقتى الەۋ­مەتتىك قورعاۋ سالاسىندا قانداي ۇلكەن مىندەتتەر العانىن جاقسى بىلەمىز. ارينە, ولاردىڭ تولىق ىسكە اسىرىلۋىنا الەمدىك ەكو­نوميكاداعى بولىپ جاتقان قيىندىقتار ەداۋىر كەرى ىقپالىن تيگىزىپ وتىر. الايدا, بىزدەر وعان قاراماستان, العان بارلىق مىندەتتەرىمىزدى ورىنداۋعا قوسىمشا كۇش-جىگەر تابۋىمىز كەرەك”, دەدى كوميتەت ءتورايىمى. ۇكىمەت ساعا­تىن­دا دەپۋتاتتار ن.سابيليانوۆ, ا.ساماقوۆا, ا.مومىشەۆ, م.تىنىكەەۆ جانە وزگەلەرى سۇراقتار قويدى. سونىڭ بارىسىندا الەۋمەتتىك سالانىڭ زاڭنامالىق بازاسىن جەتىلدىرۋ بوي­ىن­شا بىرلەسىپ جۇمىس ىستەۋ قاجەتتىگىنە نازار اۋدارىلدى. ۇكىمەت ساعاتىن ءماجىلىس توراعا­سى­نىڭ ورىنباسارى س.دياچەنكو قورىتىندىلادى. اسقار تۇراپباي ۇلى. ەل بولاشاعى – عىلىمدا, عىلىم بولاشاعى – جاستاردا ەل پرەزيدەنتى نۇرسۇلتان نازارباەۆپەن وتكەن تىكەلەي تەلەجەلىدە ءبىلىم سالاسىنا بايلانىستى بەس مىڭنان استام سۇراق تۇسكەن ەكەن. بۇل ورىندى دا. ويتكەنى, بۇگىنگى تاڭدا تاۋەلسىز ەلىمىزدىڭ اياعىنا نىق تۇرۋى ءۇشىن ءبىلىم مەن عىلىم سالاسىنىڭ اتقارار ءرولى ەرەكشە. ەلباسى نۇرسۇلتان نازارباەۆ ءال-فارابي اتىنداعى قازاق ۇلتتىق ۋني­ۆەرسيتەتىندە بولىپ, وسىندا وقىعان دارىسىندە بۇل ماسەلەگە ايرىقشا نا­زار اۋدار­دى. ءبىر مەزگىلدە قازاق­ستان­نىڭ بار­لىق ۋنيۆەرسيتەتتەرىنىڭ ستۋ­دەنت­تە­رى ونلاين جۇيەسىندە تىكەلەي تىڭ­داعان بۇل دارىستە ەلباسى قازاق­ستاننىڭ ەندىگى بولاشاعى ءبىلىمدى جاستاردا ەكەندىگىن قاداپ ايتتى. ءدارىستىڭ “ينتەللەكتۋالدى ۇلت” اتتى تاراۋىندا عىلىم مەن ءبىلىم­نىڭ يننوۆاتسيالىق دامۋىنا اي­رىق­شا توقتالا كەتكەن ەلبا­سى­نىڭ جاستارعا: “عىلىمعا با­رىڭ­دار, قۇلشىنىڭدار, وزدەرىڭ­نىڭ زەرتتەۋ تالانت­تارىڭدى جۇزە­گە اسى­رىڭدار! قازىرگى قازاقستان ءۇشىن ۇلكەن ءمۇم­كىندىكتەر بار”, – دەگەن ءسوزى تەك جاس ستۋدەنتتەر عانا ەمەس, وزدە­رىنىڭ سانالى عۇمى­رىن جاس ۇر­پاق­قا ءبىلىم بەرۋ مەن عىلىم سالا­سىنا ارناپ كەلە جاتقان ۇستازدار قاۋىمىنا دا ۇلكەن اسەر ەتتى. ۋنيۆەرسيتەتتىڭ حيميا فا­كۋل­تە­تىنىڭ جاڭادان اشىلعان عيماراتىندا بولعان ەلباسى ءبىزدىڭ “حيميالىق في­زيكا جانە جوعارى مولەكۋلالىق قو­سىلىس­تار حيميا­سى” كافەدراسى­نىڭ دا جۇ­مىس­تارى­مەن تانىسىپ, مۇن­دا­عى اتقارىلىپ جاتقان شارا­لار­عا وڭ باعا بەردى. راسىن ايتۋ كەرەك, پوليمەرلەر حي­ميا­سى سالاسىندا اۋىز تولتىرىپ اي­تارلىقتاي جە­تىس­تىكتەرگە جەتكەن ءبىزدىڭ كافە­درا­نىڭ ۇستازدارى, عا­لىم­دارى, ستۋ­دەنتتەرىنە ەلبا­سى­نىڭ بۇل ءسوزى ۇلكەن كۇش-جىگەر بەردى. بۇگىندە قوعامدا “جاستار عى­لىم­مەن اينالىسپايدى, وعان قا­را­عاندا اقشاسى كوپتەۋ ورىن­دارعا كەتىپ قالا­دى” دەگەن پىكىر قا­لىپ­تاسقان. بۇل ءسوز­دىڭ ءبىر جاعى­نان قاراعاندا جانى بار شىعار. بىراق, قانشالىق­تى قيىن جاع­دايدا بولسا دا عىلىم­مەن اينا­لى­سۋ­دى جۇرەك قالاۋىمەن تاڭداعان جاس­تاردىڭ دا ارامىزدا بار ەكەندىگىن ايتا كەتۋ كەرەك. پەريزات ۇركىمباەۆا, حيميا عىلىمدارىنىڭ كانديداتى, ءال-فارابي اتىنداعى قازۇۋ-ءدىڭ دوتسەنتى. “ارداگەرلەردى  ارداقتايىق” اكتسياسى  باستالدى وزدەرىڭىزگە ءمالىم, ەلباسىنىڭ باستاماسىمەن ۇلى جەڭىستىڭ 65 جىلدىعى قارساڭىندا “ارداگەر­لەر­دى ارداقتايىق” ۇرانىمەن قاي­ىرىم­­دىلىق اكتسياسىنىڭ ۇيىم­داس­تىرىلۋى اعا بۋىنعا كورسەتىلەر قو­شەمەت پەن قۇرمەتتىڭ كورىنىسى بول­ماق. جىلدار جىلجىپ وتكەن سايىن قاتارلارى سيرەپ بارا جاتقان ار­داگەرلەرگە قۇرمەت كورسەتۋدىڭ ماقساتى ولارعا الەۋمەتتىك كومەك كورسەتۋ بولىپ تابىلادى. وسىنداي ىزگىلىكتى شارا “نۇر وتان” حدپ وبلىستىق فيليالى­نىڭ باستاماسىمەن سىر ايماعىندا باستاۋ الدى, ياعني وبلىس اردا­گەر­لەرىنە ارناپ, ۇلكەن ءىس-شارا وتكى­زىلدى. وبلىستىق فيليال توراعاسى­نىڭ ءبىرىنشى ورىنباسارى ولمەسحان بولاتبەكوۆ مايدانگەرلەردىڭ ەرلىك ىستەرىن, ولاردىڭ جاس ۇرپاقتى وتان­سۇيگىشتىككە, پاتريوتتىققا تاربيە­لەۋدەگى ءرولىن جان-جاقتى بايان ەتىپ, مەملەكەت تاراپىنان ولارعا جا­سالىپ جاتقان قامقورلىق اياسىنىڭ كەڭەيىپ كەلە جاتقانىن جەتكىزدى. باسقوسۋدا سوعىس ارداگەرلەرى ءتا­نەش ورازوۆ, كەڭەس قاليەۆ, ىدى­رىس قاليەۆ ەلباسىنا دەگەن ريزا­شىلىقتارىن جۇرەكجاردى لەبىز­دەرى­مەن جەتكىزدى. ارداگەرلەرگە جەر­گىلىكتى ونەرپازدار توبى ءان-جىرمەن شاشۋ شاشتى. “ارداگەرلەردى ارداقتايىق” اتتى رەسپۋبليكالىق اكتسيا شىلدە ايىنا دەيىن جالعاسادى. ەركىن ءابىل, قىزىلوردا.