تۇركىستان بوكستان əلەمنىڭ ۆيتسە-چەمپيونى بەك نۇرماعانبەتتى كۇتىپ الدى

بۇگىن تۇركىستاندىق جاس بوكسشى بەك نۇرماعانبەت رەسەيدىڭ سانكت-پەتەربۋرگ قالاسىندا وتكەن جاستار اراسىنداعى الەم چەمپيوناتىنان كۇمىس مەدالمەن ورالدى, دەپ حابارلادى قالا اكىمدىگىنىڭ ءباسپاسوز قىزمەتى. تاڭەرتەڭ تۇركىستاندىقتار تەمىرجول ۆوكزالىنان باتىرىن ءسان-سالتاناتىمەن كۇتىپ الىپ, ب.نۇرماعانبەت جانە ونىڭ جاتتىقتىرۋشىسى ا.كەرىمجانوۆقا ەرەكشە سىي-قۇرمەت كورسەتتى. جاس جەڭىمپازدى كۇتىپ الۋ راسىمىنە تۇركىستان قالاسى اكىمىنىڭ ورىنباسارى ع.رىسبەكوۆ, ق.ا.ياساۋي اتىنداعى حقتۋ سپورت فاكۋلتەتىنىڭ دەكانى ە.ماحانبەتوۆ, «ءا.نۇرماحانوۆ اتىنداعى وليمپيادا رەزەرۆىن دايىندايتىن مەكتەپ ديرەكتورى, قالالىق ءماسليحات دەپۋتاتى ە.تاڭىربەرگەنوۆتەر قاتىسىپ, ب.نۇرماعانبەتكە شاپان جاۋىپ, قارجىلاي سىي-سياپات جاساسا, بوكسشىنىڭ ءوزى ءبىلىم الاتىن حقتۋ باسشىلىعى تارىپانان اي سايىن شاكىرتاقى بولىنەتىنىن قۋانىشتى تۇردە جەتكىزدى. تالانتتى جاس سپورتشىنىڭ بۇل جەتىستىگىن ماماندار جوعارى باعالاپ وتىر. بويشاڭ ءارى قيمىلى شاپشاڭ, قولدارى دا ۇزىن. بەكزات باتىردىڭ ءىزىن جالعاپ جۇرگەن ورەن بۇدان بىلاي قازاقستان ەرلەر اراسىنداعى ۇلتتىق قۇراما ساپىندا ونەر كورسەتەتىن بولادى. ايتا كەتەيىك ب.نۇرماعانبەت ق.ا.ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ سپورت ءبولىمىنىڭ 2-كۋرس ستۋدەنتى. بوكسشىنى جەڭىسىمەن قۇتتىقتاي كەلگەن جەرلەستەرى الدىندا بۇل جۇلدەسىن ەل تاۋەلسىزدىگىنىڭ 25 جىلدىق مەرەيتويىنا ارنايتىندىعىن جەتكىزدى.