«25 جىلدا ەل جاڭا...»

تاۋەلسىزدىك – ەگەمەن ەل بولۋمەن قاتار, ۋاقىت كوشىنىڭ ءتۇرلى شايقالىسىندا ۇلتىمىزدىڭ تۇيىلگەن جۇگىنەن سۋسىپ ءتۇسىپ, ءار وتكەلدە شاشىلىپ قالعان قۇندى دۇنيە, اسىل قازىنالارىمىزدى قايتا تەرىپ, بولاشاققا اماناتتاۋعا بەرىلگەن مۇمكىندىك. اباي اتىنداعى قازاق ۇلتتىق پە­داگو­گيكالىق ۋنيۆەرسيتەتى تاريح جانە قۇقىق ينستيتۋتى­نىڭ تاۋەلسىز قازاقستان­نىڭ 25 جىلدىعىنا وراي وتكىزگەن «تاۋەلسىز قازاقستان جانە الەم­دىك قوعامداستىق» اتتى حا­لىق­ارالىق عىلىمي-پراكتيكالىق كون­فەرەنتسياسى ەلىمىز تاۋەل­سىزدىك العان كەزدەگى تاريحي مۇمكىندىكتى قالت جىبەرمەي, ۇلت قۇن­­دىلىقتارىن تۇگەندەۋگە كىرىس­كەن تاريحشىلار ەڭ­بە­گىنە ارنالدى. «الەمدىك قوعامداستىقتا وزىندىك ورىنعا يە بولعان قازاقستان الەمدىك ساياساتتىڭ ءبىر مۇشەسى عانا ەمەس, ءبىر سۋبەكتىسى دە بولىپ ۇلگەردى. ىشكى ساياسات جەتىستىكتەرىنەن سىرتقى ساياسات جەتىستىكتەرى الدەقايدا قوماقتى دەسەم, ارتىق ايتپاس ەدىم. بىزگە قازىر سىرتقى ساياسات ۇلكەن پايدا اكەلىپ وتىر. رەسەي, قىتاي, اقش سياقتى ءىرى دەرجاۆالارمەن عانا ەمەس, ورتالىق ازيا ەلدەرىمەن دە, ەۋروپامەن دە قارىم-قاتىناستى جولعا قويا ءبىلۋ كەز كەلگەن مەملەكەت باسشىسىنىڭ قولىنان كەلە بەرمەيتىن ءىس», دەگەن پروفەسسور سايىن بورباسوۆ قازاق­ستاننىڭ سىرتقى ساياساتىنىڭ نەگىزگى باسىمدىقتارىنا توقتالىپ ءوتتى. تاريح جانە قۇقىق ينستيتۋتى­نىڭ دي­رەكتورى, پروفەسسور بولات جۇما­عۇ­لوۆ, اكادەميك قايرات يسا­عا­ليەۆ, تاريح عىلىمدارىنىڭ دوك­تورى ءازىمباي عالي, وسى وقۋ ورنىنىڭ ماگيسترانتتارى مەن وقى­تۋشىلارى, ستۋ­دەنتتەرى, عى­لى­مي ين­س­تيتۋتتاردىڭ, قو­عام­­دىق ۇيىم­دار­دىڭ باسشىلارى قاتىسقان حا­­لىق­ارالىق كونفەرەنتسيا قازاق, ورىس جانە اعىلشىن تىلدەرىندە ءجۇر­گىزىلدى. «قازاقتا «ەلۋ جىلدا ەل جا­ڭا»^­­ دەگەن ءسوز بار. ءبىز «25 جىلدا ەل جاڭا» دەسەك, ارتىق ايتپاسپىز. وعان 90-شى جىلداردان بەرى ەلى­مىز­دىڭ قانشالىقتى وزگەرگەنى ءدا­لەل. ەلى­­مىزدىڭ ءاربىر ازاماتى قا­سيەت­تى تاۋەلسىزدىكتىڭ قادىرىن بىلۋگە ءتيىس», دەپ تۇيىندەدى كونفەرەنتسيا جۇ­مى­سىن قازۇپۋ پرورەكتورى عابيت كەنجەباەۆ. ميرا بايبەك, «ەگەمەن قازاقستان» الماتى