ازاتتىق سيمۆولىن ايشىقتايدى

الماتى جاستارى ايعا جۋىق رەسپۋبليكا الاڭىنداعى تاۋەلسىزدىك مونۋمەنتىنىڭ الدىندا سەلفي جاساۋدى سانگە اينالدىرماق. جاستىققا ءتان جاراسىمدى ءۇردىس قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي, قالاداعى MEGA Park ساۋدا, ويىن-ساۋىق ورتالىعىندا ستۋدەنتتەردىڭ فلەشموبىنا ۇلاستى. «تاۋەلسىزدىك مونۋمەنتىندەگى سەلفي» 15 جەلتوقسانعا دەيىن جال­عاسادى. بۇل باستاماعا 1991 جىلى تۋعان ەلىمىزدىڭ تانىمال ونەر مايتالماندارى مەن سپورت ساڭلاقتارى بەلسەندى قاتىسىپ, وزدەرىنىڭ ءتاۋ­ەل­­سىزدىككە قوسقان ۇلەسىن ناسي­حات­­تايدى. وسىلايشا جاستار ازات­تىق سيمۆولى – ءتاۋ­ەلسىزدىك مو­نۋمەنتىندە سەلفي جاساۋ ارقىلى ەل­جاندىلىقتى الەۋ­مەتتىك جەلىلەر ارقىلى جارنامالاۋ­دى كوزدەپ وتىر. سەلفيدى تاۋەلسىزدىك قۇرداستارى – جاس ىسكەر «Bugin Group» كومپا­نياسىنىڭ كوممەرتسيالىق ديرەكتورى, «Toptyres.kz» جشس ديرەك­تورى قۋانىش سەيسەمباەۆ پەن «جايدارمان» ويىندارىنىڭ جەڭىمپازى, اكتەر نۇرسۇلتان جاق­سى­گەنوۆ باستاپ, زامانداستارىنا ەستافەتا جولدادى. بۇل ءىس-شارالاردىڭ ءتيىمدى وتۋىنە الماتى قالالىق «جاس وتان» جاس­تار قاناتى مەن «الماتى قالا­لىق مۋزەيلەر بىرلەستىگى» كمقك مەكە­مەسى ات سالىسۋدا. ارينە, اكتسيانىڭ ماقساتى جاي عانا سەلفي ەمەس. تاۋەلسىزدىكتىڭ سيمۆولىنداي بولعان مونۋمەنتكە تاعزىم ەتۋ, وزگە جاستاردى دا پاتريوتتىق ءىس-شاراعا شاقىرۋ. اكتسيا قاتىسۋشىسى سەلفي جاساي وتىرىپ, ورتاق مەرەكەگە دەگەن ءوزىنىڭ قۇرمەتىن كورسەتىپ, وتانعا دەگەن لەبىزدەرى مەن تىلەكتەرىن الەۋمەتتىك جەلىگە #مونۋمەنت25كاز حەشتەگىمەن سالادى. ايناش ەسالي, «ەگەمەن قازاقستان» الماتى