شىعىس قازاقستاندا 3D پرينتەرلەرىنىڭ بولشەكتەرى شىعارىلادى

2017 جىلى «ءۇلبى مەتاللۋرگيالىق زاۋىتى» اق بىرەگەي جوبالاردى - ماگنيتتىك رەزونانستىق توموگرافقا ارنالعان وتكىزگىشتىگى تىم جوعارى سىمداردى, تانتال جابىلعان مەديتسينالىق قوندىرعىلار مەن 3D پرينتەرلەرگە ارنالعان نەگىزگى قۇراۋىشتاردى ءوندىرۋدى جۇزەگە اسىرادى, دەپ حابارلايدى «قازاقپارات». «ءۇلبى مەتاللۋرگيا زاۋىتى» اق باسقارما توراعاسى يۋري شاحۆوروستوۆتىڭ ايتۋىنشا, تانتال - ادام اعزاسىمەن ۇيلەسىم تاباتىن ەرەكشە مەتالل, سونداي-اق, تانتال مىقتى قورىتپالاردا قولدانىلادى. تانتال جابىنى باسقا مەتالداردىڭ سيپاتتاماسىن وزگەرتىپ, ولاردىڭ بەرىكتىگىن ارتتىرادى - بۇل زاۋىتتىق نوۋ-حاۋ. «تيتان ۇنتاعىنان يمپلانت (بۋىن) جاسالىنىپ, ۆاكۋم كامەراسىندا تانتالدى شاڭداتامىز. بۋىندى 3D-پرينتەرىندە باسىپ شىعارامىز. سونداي-اق, 3D پرينتەردە باسىپ شىعارۋدان بولەك, وسى پرينتەردىڭ نەگىزگى قۇراۋىشى سانالاتىن تانتال ۇنتاقتارىن ءوندىرۋدى دە قولعا الامىز. بۇل سيرەك كەزدەسەتىن زات. بيىلعى جىلى وسى جوبانى جۇزەگە اسىرۋدى جوسپارلاۋدامىز», - دەپ اتاپ ءوتتى شاحۆوروستوۆ.