وبلىس اكىمى مالىك مىرزالين رەسەيدە جانە شەت ەلدەردە اۋىل شارۋاشىلىعى ءونىمىنىڭ كوتەرمە ساۋداسىمەن اينالىساتىن «سكاي» جشC كومپانياسىنىڭ باسشىسى ميحايل ۆاسەنكەۆيچپەن كەزدەستى.
كەزدەسۋدە وبلىس باسشىسى اقمولا وبلىسىنىڭ قازاقستاندا وسىرىلەتىن بيدايدىڭ ەداۋىر بولىگىن وندىرەتىن اگروونەركاسىپتىك ءوڭىر ەكەنىن اتاپ ءوتتى. جىل سايىن وبلىس 32 ەلگە 2 ملن تونناعا جۋىق استىق ەكسپورتتايدى.
«اقمولا وبلىسى ينۆەستيتسيالاردى تارتۋ ءۇشىن ۇلكەن الەۋەتكە يە جانە ىنتىماقتاستىقتى كەڭەيتۋ ءۇشىن ۇسىنىستاردى قاراۋعا دايىن. ءبىزدىڭ وبلىسىمىز استانا ماڭىنداعى ءوڭىر بولىپ تابىلادى جانە استانا نارىعى ءۇشىن اۋىل شارۋاشىلىعى ءونىمىن باستى جەتكىزۋشىلەردىڭ بىرىنە اينالۋى ءتيىس», – دەدى اكىم.
«سكاي» جشس كومپانياسىنىڭ باسشىسى ميحايل ۆاسەنكەۆيچ يرانمەن جانە جەرورتا تەڭىزى ەلدەرىمەن استىق داقىلدارىن ەكسپورتتاۋ بويىنشا ىنتىماقتاستىق جاسايتىنىن ايتتى. ول استىق داقىلدارىن وسىرۋگە, اۋىل شارۋاشىلىعى تاۋار وندىرۋشىلەرىنەن 500 مىڭنان 1 ملن تونناعا دەيىن استىق ساتىپ الۋعا جانە اقمولا وبلىسىندا استىقتى تەرەڭ وڭدەۋ تەرمينالدارىنىڭ قۇرىلىسىن ينۆەستيتسيالاۋعا دايىن ەكەنىن جەتكىزدى.
«ءبىز ءۇشىن ەڭ باستىسى – استىق ساپاسىن ارتتىرۋ. سەبەبى قازىرگى ۋاقىتتا تۇتىنۋشىلار ەكولوگيالىق تازا ءونىمدى تالاپ ەتەدى, ال ءسىزدىڭ وڭىرىڭىزدە استىق ساپاسى وتە جاقسى», - دەدى م. ۆاسەنكەۆيچ.
كەزدەسۋ سوڭىندا تاراپتار ەت جانە ءسۇت ونىمدەرىن وڭدەۋ سالاسىنداعى جوبالاردى ىسكە اسىرۋداعى ىنتىماقتاستىق ماسەلەلەرىن تالقىلادى.
