وڭتۇستىكتە – «ناۋرىز-دۋمان»

وڭتۇستىكتە ناۋرىز مە­رەكە­سىنە بايلانىستى «ناۋرىز-دۋ­مان» اپتالىعى باستالىپ كەتتى. شىم­كەنتتەگى تەمىر جول بە­كە­تىنىڭ تۇبىنەن جارىپ شىعىپ, قالانى كوكتەي وتەتىن قوشقار اتا وزەنى بويىندا تاماشا دەمالىس ايماعى بار. 21 ناۋرىزعا دەيىن تۇزىلگەن مەرەكەلىك شارانىڭ العاشقى كۇنىنە وبلىستىق قازاقستان حالقى اسسامبلەياسى ۇيىتقى بولىپ, وڭىردەگى ەتنومادەني بىرلەستىكتەر ۇلتتىق تاعامدارىن كوپشىلىككە ۇسىندى. ءار ەتنومادەني بىرلەس­تىك ناۋرىزكوجەدەن ءدام تاتقىزدى. – بۇل مەرەكەنىڭ كۇن مەن ءتۇننىڭ تەڭەلىپ, ۇلىستىڭ ۇلى كۇنى بولۋىمەن قاتار, ۇلتتار دوستىعىن نىعايتۋداعى ورنى ەرەك, – دەيدى وبلىستىق اسسامبلەيا حاتشىلىعىنىڭ مەڭگەرۋشىسى ءمۇراتالى حالمۇرادوۆ. –حالىق اۋزىندا «مىڭ ءسىز-بىزدەن ءبىر شىج-بىج ارتىق» دەگەن ءسوز بار. ورتاق داستارقان, مەرەكەلىك كوڭىل كۇي, ءار ۇلت پەن ۇلىستىڭ كونتسەرتتىك باعدارلاماسى بارشانى ءبىر ءۇيدىڭ بالاسىنداي ەتىپ جىبەرەدى. بارىنە قازاقستانداي قۋاتتى مەملەكەتتىڭ پەرزەنتى ەكەندىگىن ۇقتىرادى. وسىنداي كۇيدەگى اڭگىمە­لەر­دىڭ اۋانىن ەتنومادەني بىرلەس­­تىكتەردىڭ توراعالارىنان دا ۇعىن­دىق. ناۋرىز اپتالىعى كۇن سايىن وسىنداي ىرىس-بەرەكەگە باس بىرىكتىرەتىن جاڭا لەپپەن اتالىپ وتۋدە. باقتيار تايجان, «ەگەمەن قازاقستان» وڭتۇستىك قازاقستان وبلىسى