قوستانايدا «كوكتەم-2017» رەسپۋبليكالىق دايىندىق جاتتىعۋلارى ءوتتى

بيىل سۋ تاسقىنىنا قارسى «كوك­تەم-2017» رەسپۋبليكالىق كو­مان­دا­لىق-شتاب­تىق وقۋ-جات­تى­عۋى قوس­تا­نايدا ءوت­تى. ناۋ­رىز-ءساۋىر ايلارىندا كۇن­نىڭ كۇ­رت جىلىنۋىنا وراي ەرىگەن قار­دان وزەن-كولدەردە سۋ تاسىپ, وعان جاقىن ور­نالاسقان ەلدى مەكەندەرگە, مەملەكەتتىك ما­ڭىزى بار نىساندارعا, جولدارعا قاۋى­پ ءتوندىرۋى مۇمكىن. سوندىقتان, وقۋ-جات­تى­عۋ جۇمىستارى توتەنشە جاعداي تۋعان كۇن­دە تىعىرىقتان شىعۋعا, قۇتقارۋ جۇ­مىستارىنا ازاماتتىق قورعانىس جۇيەسى مەن جەرگىلىكتى اتقارۋ ورگاندارىن جۇ­مىل­دى­رۋدى كوزدەيدى. «كوكتەم-2017» رەسپۋب­لي­كا­لىق كو­مان­دالىق-شتابتىق وقۋ-جاتتىعۋ اياسىندا ىشكى ءىس­تەر ءمينيسترىنىڭ ورىنبا­سارى يۋري يلين كەلىپ, قوستاناي وبلىسىنىڭ اكى­مى ارحيمەد مۇحامبەتوۆپەن كەزدەستى. كەز­دەسۋ بارىسىندا ءوڭىردىڭ كوكتەمگى سۋ تاسقىنىنا دايىندىق ماسە­لە­لەرى تال­قى­لان­د­ى. ولار ءتو­تە­ن­شە جاعدايلار دەپار­تا­مە­نتى­نىڭ قۇت­قارۋ بولىمشەلەرىن ارالادى. وب­لىستا بۇل شاراعا 201 ادام, 75 تەحنيكا قا­تىستى. «كوكتەم-2017» رەسپۋب­لي­كا­لىق كومان­دا­لىق-شتابتىق وقۋ-جاتتىعۋدىڭ ەكىنشى كۇ­نى وبلىستا بىرنەشە جەردە جات­تىعۋ شارالارى وتكىزىلدى. دايىن­دىق شاراسى شەڭبەرىندە سۋ تا­س­قىنى كەزىندە بولىپ قالۋى ىقتيمال وقيعالاردىڭ الدىن الۋ نەمەسە قۇتقارۋ تاسىلدەرى جۇزەگە اسىرىلدى. سولتۇستىك اۋماقتىق اەروموبيلدى جەدەل قۇتقارۋ وتريادى توبىل وزەنىندە مۇز استىنا كەتكەن ادامداردى قۇتقارۋدىڭ, ماشينانى شى­عارىپ الۋدىڭ ءتورت كورىنىسىن كورسەتتى. قۇتقارۋشىلار مۇز جا­رۋ, سۋ تاسقىنىنان زارداپ شەك­كەن­دەرگە كومەك, قۇتقارۋ كە­­زىندەگى ارنايى تەحنيكالاردى پاي­دالانۋدى جۇرت نازارىنا ۇسىندى. قوستاناي قالاسىنداعى شاعىن تۇرعىن اۋدانداردا بۇرىنعى جىلدارعى كوكتەمگى سۋ تاسقىنىندا قا­لىپ­تاسقان قيىندىقتاردى نازارعا الا وتىرىپ, قارعىن سۋدىڭ بەتىن بۇرۋ جۇ­مىس­تارى كورسەتىلدى. قوستاناي-2 شاعىن اۋ­دانىندا قۇتقارۋشىلار 45 تۇرعىن ءۇي مەن مەكتەپتى قارعىن سۋدىڭ تۇتقىنىنان امان ساقتاپ قالدى. مۇنداي وقۋ-جاتتىعۋ شارالارى قوستاناي قالاسىنىڭ درۋج­با پو­سەلكەسىندە دە ءوت­كى­زىلدى. رەسپۋبليكالىق شا­را­عا قوستاناي جىلۋ-ەنەر­گە­تي­كا­لىق جانە «قوستاناي-سۋ» مەم­لەكەتتىك كوممۋ­نال­دىق قۋاتتى كاسىپورىندارى دا تارتىلدى. كاسىپورىندارداعى ارنايى تەح­ني­كا­لار­­مەن قارعىن سۋ سورىپ الىنىپ, باسقا ار­ناعا توگىلدى وبلىستىڭ سولتۇستىك جاعىن­دا­عى ۇزىنكول اۋدانىندا قار­دىڭ قالىڭدىعى 43 سانتيمەترگە جەتەدى. سونىمەن قاتار, وسىعان ۇقساس كورىنىس قارابالىق, قوستاناي, ناۋىرزىم, قاراسۋ ءجا­نە اۋليەكول اۋداندارىندا دا بايقالادى. وبلىستىق توتەنشە جاعدايلار دەپارتامەنتىنىڭ باسقارما باستىعى پودپولكوۆنيك رۋسلان ورىنبەكوۆتىڭ ايتۋىنشا, وڭىردە قار­عىن سۋدا قالۋى مۇمكىن 59 ەلدى مەكەن باقىلاۋعا الىنعان. وبلىستا قازىر كوكتەمگى سۋ تاسقىنىنا قارسى قيمىل ءۇشىن 829 تەحنيكا, 129 ءجۇزۋ قۇرالدارى, 263 سۋ سورعىش تەحنيكا, 26700 ىدىس-قاپ, 10 مىڭ توننادان استام ينەرتتى ماتەريالدار, 97 توننا جانار-جاعارماي دايىن. سۋ تاسي قالعاندا ەكى مىڭنان استام ادام قۇتقارۋ جۇمىستارىنا تارتىلاتىن بولادى. «كوكتەم-2017» رەسپۋبليكالىق كوماندالىق-شتابتىق وقۋ-جاتتىعۋ شارالارى وسى دايىندىقتى پىسىقتاي ءتۇستى. ءنازيرا جارىمبەتوۆا, «ەگەمەن قازاستان» قوستاناي