كەز كەلگەن قوعام ءومىردىڭ تالاپتارىنا سايكەس وزگەرىستەر جاساپ وتىرۋى كەرەك. قازاقستان قوعامىنىڭ بارلىق سالاسىندا دا قازىرگى جاھاندانعان زاماننىڭ تالاپتارىنا ساي ءارتۇرلى وزگەرىستەر ءجۇرىپ جاتىر. بۇل – ءومىردىڭ وزىندىك زاڭى, الەۋمەتتىك پروگرەستىڭ ىشكى قيسىنى. ەلباسىمىز قازاقستان حالقىنا ارنالعان سوڭعى ۇندەۋىندە جاڭا ستراتەگيالىق ماقساتتاردى ايقىنداپ, ساياسي بيلىككە قاتىستى دەموكراتيالىق سيپاتتاعى رەفورمالاردى ۇسىندى. ءبىزدىڭ جاس مەملەكەتىمىزگە بىردەن وركەنيەتتىڭ بيىگىنە كوتەرىلىپ كەتۋ وڭاي ەمەس. دەگەنمەن, وسى باعىتتا ۇنەمى بەلسەندى قادامدار جاساعان ورىندى جانە ونداي تالپىنىستاردىڭ جەمىستى ناتيجەلەرى بولارى انىق. اسىرەسە, قازىرگى جاھاندىق سىن-قاتەرلەر مەن قاۋىپتەردى ەڭسەرىپ وتىرۋ ءۇشىن بيلىك پەن قوعام تاراپىنان دەر كەزىندە ءتيىمدى ءىس-قيمىلدار اتقارىلۋى ءتيىس. مىنە, وسىنداي جاعداي ەلىمىزدە وركەندەپ كەلە جاتقان دەموكراتيالىق قۇندىلىقتاردى بەكىتە تۇسەتىن قادامداردى قاجەت ەتەدى. قازىرگى تاڭدا ەلىمىزدەگى مەملەكەتتىك بيلىك قىزمەتىنىڭ تيىمدىلىگىن ارتتىرۋ ءۇشىن ونىڭ قۇرىلىمىنىڭ الەۋەتىن نىعايتۋ, تەڭگەرىمدىلىگىن ورنىقتىرۋ كوزدەلۋدە. جاڭا الەۋمەتتىك ينستيتۋتتارعا ارقا سۇيەيتىن تەڭگەرىمدەلگەن جانە ءتيىمدى بيلىك جۇيەسىن, باسقارۋ سالالارىنىڭ قىزمەتىن جانداندىرۋ – ۋاقىت تالابى. كونستيتۋتسيالىق رەفورمالار اياسىندا ۇكىمەتتىڭ قىزمەتىن ءارى قاراي جەتىلدىرۋ جانە ونى باقىلاپ وتىرۋدا ەل پارلامەنتىنىڭ ءرولىن كۇشەيتۋ وتە ورىندى. كەزىندە پارلامەنت جاس مەملەكەتتىڭ كونستيتۋتسياسىن قابىلداپ, كوپتەگەن زاڭداردى الەۋمەتتىك ومىرىمىزگە ورنىقتىردى, تاۋەلسىزدىگىمىزدى قۇقىقتىق تۇرعىدان قامتاماسىز ەتتى, «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى», 5 ينستيتۋتتىق رەفورما مەن «100 ناقتى قادام» ۇلت جوسپارى سياقتى ماڭىزدى قۇجاتتاردىڭ قۇقىقتىق بازاسىن جاساۋعا بەلسەندى تۇردە اتسالىستى. سونىڭ ارقاسىندا قۇقىقتىق ورىستە كوپتەگەن ناقتى قادامدار جۇزەگە اسىرىلۋدا. ءسويتىپ, ەلىمىزدىڭ كوپپارتيالى پارلامەنتى ءوزىنىڭ بيىك كاسىبي دەڭگەيىن الەمنىڭ كوپتەگەن ەلدەرىنە كەلگەن الەۋمەتتىك داعدارىستىڭ ءوربىپ تۇرعان شاعىندا دالەلدەپ بەردى. قازاقستان رەسپۋبليكاسىنىڭ پرەزيدەنتى ۇسىنعان ساياسي بيلىكتىڭ جاۋاپكەرشىلىگى مول اۋقىمىن پارلامەنتتىڭ بارىنشا ساپالى, ناقتى جانە جۇيەلى تۇردە اتقارا الاتىنىنا سەنۋگە بولادى. قازىرگى كەزەڭدە ساياسي پارتيالارمەن قاتار, مەملەكەتتىك بيلىك ورگاندارىنىڭ جاۋاپكەرشىلىگى مەن كاسىبيلىگىنىڭ, مەملەكەتتىڭ باسقارۋ جۇيەسى قىزمەتىنىڭ تيىمدىلىگىنىڭ ماڭىزى ارتا ءتۇسىپ وتىر. اكىمدىكتەر مەن مينيسترلىكتەر ءوزىنىڭ مەملەكەتتىك باسقارۋ سالاسىنىڭ اۋقىمىندا كوپتەگەن ماسەلەلەردى پرەزيدەنت اكىمشىلىگىنە جەتكىزبەي-اق رەتتەي الاتىن دەڭگەيگە جەتۋى كەرەك. وسى تۇرپاتتاعى ءىس-ارەكەتتەردىڭ ارتىقشىلىقتارىن بارشامىز كوپ ۇزاماي-اق سەزىنۋگە ءتيىستىمىز. مينيسترلەر مەن اكىمدەر وزدەرىنە باعىنىشتى قىزمەتكەرلەرگە بارىنشا قامقورلىق جاساپ, كۇردەلى ماسەلەلەردى ءموبيلدى, وڭتايلى تۇردە شەشىپ ۇيرەنۋى قازىرگى كۇننىڭ تالابىنا اينالۋدا. بۇل دەموكراتيالىق رەفورمالار – وركەنيەتتىك دامۋ تۇرعىسىنان العاندا, ەلىمىزدىڭ قازىرگى زامان سۇرانىستارىنا ساي, قيسىندى دا دايەكتى دامۋ جولىنىڭ جانە پرەزيدەنتتىڭ كورەگەن جانە سارابدال ساياساتىنىڭ تاعى دا ءبىر جارقىن كورىنىسى. ەلىمىزدەگى بيلىك تارماقتارىنىڭ قىزمەتىنە جاڭا سەرپىن بەرۋ, بۇرىن نەگىزىنەن پرەزيدەنتتىك بيلىكتىڭ قۇزىرىندا بولىپ كەلگەن كوپتەگەن قوعامدىق, ساياسي جانە مەملەكەتتىك جاۋاپكەرشىلىكتەردى قازاقستان پارلامەنتى مەن ۇكىمەتىنە, ءارتۇرلى مينيسترلىكتەرگە, اكىمدەرگە تىكەلەي جۇكتەۋ, ولارعا بيلىك تەتىكتەرىن سەنىممەن تاپسىرۋ مەملەكەتىمىزدىڭ ءوز تاۋەلسىزدىگىن نىعايتۋ مەن ەلىمىزدەگى دەموكراتيالىق رەفورمالاردى ءارى قاراي ورىستەتە ءتۇسۋ جولىنداعى وركەنيەتتىك سيپاتتاعى قادام بولىپ تابىلادى. ءوزىنىڭ دەربەس مەملەكەتتىلىگىن تۇراقتاندىرۋ مەن قازاقستان قوعامى وكىلدەرىنىڭ ازاماتتىق جانە ۇلتتىق بىرەگەيلىگىن ايقىنداۋ ءۇشىن, ىشكى بىرلىگىن نىعايتۋ جولىندا تاۋەلسىزدىكتىڭ العاشقى 25 جىلىندا كۇشتى پرەزيدەنتتىك بيلىك قاجەت بولاتىن. ونداي بيلىكتىڭ كەلبەتى كەڭەستىك نەگىزدەگى ەكونوميكامىزدى زاماناۋي نارىقتىق فورماتقا اۋىستىرۋعا, كۇردەلى الەۋمەتتىك كەڭىستىگىمىزدە ۇلتارالىق جانە كونفەسسياارالىق كەلىسىمدى ورناتۋعا, جاڭا مەملەكەتىمىزدىڭ ساياسي, مادەني قۇندىلىقتار نەگىزدەرىن انىقتاۋعا, ەلىمىزدىڭ ستراتەگيالىق باعدارلارىن ناقتىلاپ, ايقىنداۋعا مۇمكىندىكتەر بەردى. پرەزيدەنتتىك بيلىكتىڭ ءتيىمدى قىزمەتىنىڭ ارقاسىندا شيرەك عاسىردىڭ ىشىندە الەمدىك قوعامداستىقتىڭ جەتەكشى مەملەكەتتەرى تولىقتاي مويىنداعان, دامىعان 30 ەلدىڭ قاتارىنا قوسىلۋعا ۇمتىلعان جاس مەملەكەتكە اينالدىق. سوندىقتان, ەلباسى ن.ءا.نازارباەۆتىڭ ەلدىڭ ساياسي بيلىگىنە, بيلىك تارماقتارىنا قاتىستى جانە ونىڭ بولاشاعىن ايقىنداۋعا ارنالعان ۇندەۋىنىڭ جاريالانۋىن ەلەۋلى وقيعا دەپ قابىلداۋعا ءتيىسپىز.
زارەما شاۋكەنوۆا,
بعم عك فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى, ۇعا كوررەسپوندەنت-مۇشەسى
