كاسىپكەرلەر انيانى ەسكە الادى

...سوناۋ توقسانىنشى جىلدار­دىڭ باسىنداعى اۋمالى-توكپەلى كەزدە كاسىپكەرلىككە بەت بۇرعان ساناۋلى قازاق قىزدارىنىڭ ءبىرى – وسكەمەندىك ءانيا جامبىلقىزى مۋسينا ەدى. ەڭبەك جولىن ء“مادي” فيرماسىندا باس ەسەپشىدەن باستا­عان ءانيا جامبىلقىزى ابدەن ىسىلىپ, تيىننان تەڭگە قۇراۋعا ىزدەنىس تانىتقان سوڭ جۇبايى قايرات مارات ۇلى مۋسينگە ءوز ويىن بىلدىرەدى. ول كەزدە قايرات تا كا­سىپكەرلىككە بەت بۇرىپ, ءوز بەتىنشە ارەكەت ەتىپ جاتقان. بانكتەن ءىرى كولەمدە نەسيە الىپ “زاڭعار” ءۇيىن ساتىپ الدى. ءانيا سول ساۋدا ۇيىنە ديرەكتور بولدى. امال بار ما, بۇل جالعان ءومىر سونشاما قىسقا بولار دەپ كىم ويلاعان, ساۋدا ءۇيىنىڭ قىز­مەتىن ۇيلەستىرىپ, ەلۋدەن استام ادامعا جۇمىس تاۋىپ بەرگەن ءسۇي­كىمدى دە قاراپايىم كەلىنشەك ومىرلىك جولداسى قايرات پەن ءۇش بالاسىن ارتقا تاستاپ ماڭگىلىك ساپارعا اتتانىپ كەتتى. “جاقسىنىڭ جاقسىلىعىن ايت, نۇرى تاسىسىن” دەمەكشى, وسىدان ءتورت جىل بۇرىن قايرات مارات ۇلى, دوستارى, تۋىستارى ءانيانىڭ بەي­نەسىن ەستە ساقتاۋ ءۇشىن كاسىپكەر­لەردىڭ سپارتاكياداسىن وتكىزۋدى قولعا الدى. قايرات مۋسين كەزىندە بوكسپەن شۇعىلدانىپ, سپورت شە­بەر­لىگىنە كانديدات نورماسىن ورىن­داعان, سان مارتە وبلىستىق, رەسپۋب­ليكالىق جارىستاردا جۇلدەگەر اتانعان ازامات. سپورت دەسە ىشكەن اسىن جەرگە قوياتىن قايرات مارات­ ۇلىنىڭ ماقساتى – زايىبى ءانيا­نى ەسكە الا وتىرىپ جاستاردى سپورت­قا كوپتەپ تارتۋ, ونىڭ بۇقا­رالىعىن ارتتىرۋ. تاعى ءبىر ايتا كەتەتىن جاڭالىق, جاقىندا عانا قايرات ءمۋسيننىڭ ۇجىمى “پارىز” سىيلىعىنىڭ لاۋرەاتى اتاندى. قۇرىلىسشىلاردىڭ مادەنيەت ۇيىندەگى ءانيا جامبىلقىزىن ەسكە الۋعا ارنالعان كاسىپكەرلەردىڭ سپارتاكياداسى سالتاناتتى جاعدايدا اشىلدى. وعان وبلىستىڭ التى كومانداسى قاتىستى. ورتالىق بازار, “قانجار” جشس, “سۋلەي­مەنوۆ” جەكە كاسىپورنى, “دايد­جەست” جارناما, “مارات م” جانە ءۇش ۇيىمنىڭ كومانداسى (“ۇلان-كۇزەت”, “زاڭعار” ساۋدا ءۇيى, “پو­ليسەرتيكو” فيرماسى) سپورتتىڭ ءتورت ءتۇرى بويىنشا ءۇش كۇن بويى كۋبوكتى ساراپقا سالدى. تەننيستەن ءبىرىنشى ورىندى قۇ­رالاي مايلىشەۆا باسقاراتىن “دي­نا” ورتالىق بازارى سەرىكتەستىگىنىڭ كومانداسى جەڭىپ الدى. ەكىنشى ورىندا “مارات م” كومانداسى. ال ءۇشىنشى ورىنعا جومارت جاڭاباەۆ­تىڭ “دايدجەست” كومانداسى يە بولدى. “كوڭىلدى ستارت” ويىندارى كوپ­شىلىكتى ءبىر سەرپىلتىپ تاستادى. مۇن­دا جۇلدەلى ورىندارعا “مارات م” جانە “دايدجەست” جارناما, ء“سۇ­لەي­مەنوۆ جك” ۇجىمدارى يە بول­دى. كوماندا كاپيتاندارى قۇرالاي مايلىشەۆانىڭ, ۆ. نەشۋناەۆتىڭ, اسەت قايىرباەۆتىڭ, ميرجان قۇ­سايىنوۆتىڭ, ا. امىرەنوۆتىڭ, قا­نىبەك ءجارۋليننىڭ سپارتاكياداعا تىڭعىلىقتى ازىرلىكتەرى اتالىپ ءوتتى. بۇعان قوسىمشا دۆد, دكس-1, دكس-2, “كم كومپانيا” ويىن­شى­لارى ۆولەيبولدان جارىس وتكىزىپ, (بارلىعى 9 كوماندا) دۆد,ءۇمز, دكس جۇلدەگەرى اتاندى. سونىمەن ەسكە الۋ ءتۋرنيرى اياق­تالدى. شىعىس قازاقستان مەملە­كەتتىك تەحنيكالىق ۋنيۆەرسيتەتىنىڭ ءبىرىنشى پرورەكتورى, تەحنيكا عى­لىمدارىنىڭ دوكتورى, پروفەسسور جەڭىس كۇلسەيىتوۆ, تاريحشى, جا­زۋشى ساعدي قاپاسوۆ, قايرات مۋ­سين كوماندالىق ەسەپتە توپ جارعان “مارات م” “دينا” ساۋدا ۇيىنە جانە “پوليسەرتيكو” سەرىكتەستىگىنە كومپيۋتەر, توڭازىتقىش, فاكستى سىيعا تارتۋ ەتتى. كەلەر جىلى دا بۇل تۋرنير جالعاسپاق. وڭداسىن ەلۋباي, وسكەمەن.