قازاقستانداعى كاسىپكەرلەردىڭ تەڭ جارتىسى ايەلدەر

بۇگىندە قازاقستاندا بيزنەستەگى ايەلدەردىڭ ۇلەسى 50 پايىزدى قۇرايدى, دەپ حابارلايدى kapital.kz. ال ون جىل بۇرىن بۇل كورسەتكىش 38 پايىز ەدى. ەلدەگى شاعىن جانە ورتا بيزنەستىڭ 42 پايىزىن ايەلدەر باسقارادى. جالپى, ايەلدەردىڭ ارقاسىندا ەلدەگى جۇمىس ورىندارىنىڭ 30 پايىزى اشىلعان. ال ءجىو-گە تۇسىرگەن قاراجاتى جالپى كىرىستىڭ 40 پايىزىن قۇرايدى. ايەلدەردىڭ جۇمىسسىزدىق كورسەتكىشى 2006 جىلعى 9,2 پايىزدان 2015 جىلى 5,6 پايىزعا دەيىن تومەندەگەن. دەگەنمەن, مەملەكەتتىك قىزمەتتەگى باسشى ايەلدەردىڭ پايىزدىق كورسەتكىشى ءالى دە بولسا تومەن كۇيىندە قالىپ وتىر. قازىرگى تاڭدا ەلدەگى 411 ساياسي مەملەكەتتىك قىزمەتكەردىڭ تەك 40-ى عانا نازىك جاندىلار ەكەن. جالاقى ماسەلەسىنە كەلەتىن بولساق, ەرلەر مەن ايەلدەردىڭ جالاقى كولەمىندە 33 پايىزدىق ايىرماشىلىق بار. ەستەرىڭىزگە سالا كەتسەك, 2016 جىلى قازاقستان دۇنيەجۇزىلىك ەكونوميكالىق فورۋمنىڭ گەندەرلىك تەڭدىك كورسەتكىشى بويىنشا 144 ەلدىڭ ىشىندە 51-ءشى ورىندا بولدى. ءبىرىنشى ورىندا يسلانديا بولسا, ودان كەيىن يەمەن.