ايىپتالۋشىعا قىلمىستىق كودەكستىڭ 99-بابىنىڭ 2-بولىگىنىڭ 3-تارماعىمەن ايىپ تاعىلعان.
بۇل وقيعا قىزىلقوعا اۋدانىنداعى جاسقايرات اۋىلىندا 2025 جىلعى مامىردا بولعان. ك. دەگەن ەر ادام 1942 جىلعى اناسىنا كۇتىم جاساۋ ءۇشىن ايەلىن اۋىلعا الىپ كەلگەن. الايدا ايەلى ج. كۇيەۋىنىڭ بۇل ارەكەتىمەن كەلىسپەي, سوڭى جانجالعا ۇلاسقان.
«2025 جىلدىڭ 27 مامىرىندا كۇيەۋىنىڭ جوقتىعىن پايدالانىپ, ج. دارمەنسىز ەنەسىنىڭ باس اس ءۇي پىشاعىمەن 4-5 رەت سوققى جاساعان. جابىرلەنۋشى اۋداندىق اۋرۋحانادا قايتىس بولدى. كەشەندى ساراپتاماعا سايكەس, 1986 جىلعى ج.-نىڭ سوزىلمالى پسيحيكالىق دەرتكە شالدىققانى انىقتالعان. وعان پارانويدتى شيزوفرەنيا دياگنوزى قويىلعان. ايىپتالۋشىنىڭ كىناسى كۋالاردىڭ ايعاقتارىمەن, وقيعا بولعان جەردى تەكسەرۋ حاتتاماسىمەن, بەينەجازبالارمەن جانە ساراپتاما ناتيجەلەرىمەن تولىق راستالعان», دەپ حابارلادى سوتتىڭ ءباسپاسوز قىزمەتى.
پروكۋرور ج.-عا قارقىندى باقىلاناتىن مامانداندىرىلعان ۇلگىدەگى پسيحياتريالىق اۋرۋحانادا ءماجبۇرلى ەمدەۋ تاعايىنداۋدى سۇرادى. جابىرلەنۋشى تاراپ پروكۋروردىڭ ماجبۇرلەپ ەمدەۋ تۋرالى ۇستانىمىن قولدادى.
ارام اقشاعا قۇنىققان الاياق التى جىلعا سوتتالدى
«سوت قىلمىستىق كودەكستىڭ 99-بابىنىڭ 2-بولىگىنىڭ 3-تارماعىندا كوزدەلگەن ارەكەتتى ج. ەسi دۇرىس ەمەس كۇيدە جاساعانىن انىقتادى. اتالعان كودەكستىڭ 16-بابىنا سايكەس ول قىلمىستىق جاۋاپتىلىقتان بوساتىلدى. سوت قاۋلىسىمەن ج.-عا قارقىندى باقىلاناتىن مامانداندىرىلعان ۇلگىدەگى پسيحياتريالىق اۋرۋحانادا مەديتسينالىق سيپاتتاعى ماجبۇرلەۋ شارالارى تاعايىندالدى», دەپ ءمالىم ەتتى سوتتىڭ ءباسپاسوز قىزمەتى.
