بۇل ءىس-شارا كوكتەمگى كەزەڭدەگى سۋ تاسقىنى جاعدايىنىڭ قولايسىز دامۋى كەزىندە توتەنشە جاعدايدىڭ الدىن الۋعا جانە ولاردى جويۋعا باعىتتالعان بارلىق جەرلەردە شىنايى سۋ تاسقىنىنا قارسى ءىس-شارالاردى وتكىزۋ بويىنشا بىرىڭعاي كەشەندى مىندەت فورماتىندا ۇيىمداستىرىلدى.
پراكتيكالىق ءبولىم شەڭبەرىندە حالىقتى قۇلاقتاندىرۋ, اقپاراتتاندىرۋ, قورعاۋ بوگەندەرىن نىعايتۋ, سۋ وتكىزۋ قۇرىلىستارىن, كانالدار مەن ارىقتاردى تازارتۋ, ينەرتتى ماتەريالداردى دايىنداۋ, قار شىعارۋ, سونداي-اق اۆاريالىق-قۇتقارۋ جانە ىزدەستىرۋ جۇمىستارىن, زارداپ شەككەن حالىقتى ەۆاكۋاتسيالاۋ جانە ورنالاستىرۋ جونىندەگى ءىس-شارالاردى پىسىقتاۋ بويىنشا ءىس-شارالار وتكىزىلدى.
وقۋ-جاتتىعۋ كەزەڭىندە 87 كم بوگەت نىعايتىلدى, 1715 سۋ وتكىزۋ قۇرىلىستارى, 750 كم ارىقتار مەن كانالدار تازارتىلدى, 59 مىڭ توننا ينەرتتى ماتەريالدار دايىندالدى, سونداي-اق 383 مىڭ تەكشە مەتر قار شىعارىلدى.
حالىقتىڭ الەۋمەتتىك وسال توپتارىنا 933 تۇرعىن ءۇي مەن 70 الەۋمەتتىك نىساننىڭ, ونىڭ ىشىندە قارتتار ۇيلەرىنىڭ, ينتەرناتتار مەن سابيلەر ۇيلەرىنىڭ اۋلا اۋماقتارىن قاردان تازالاۋعا كومەك كورسەتىلدى.
وڭىرلەردە تج الدىن الۋ جانە ولاردى جويۋ جونىندەگى كوميسسيالاردىڭ, سۋ تاسقىنىنا قارسى جانە ەۆاكۋاتسيالىق كوميسسيالاردىڭ, ازاماتتىق قورعاۋ قىزمەتتەرى مەن قۇرالىمدارىنىڭ جەدەل شتابتارىنىڭ جۇمىسى ۇيىمداستىرىلدى, ولاردىڭ ناتيجەلەرى بويىنشا كوكتەمگى كەزەڭنەن قاۋىپسىز ءوتۋ جونىندە ءتيىستى شەشىمدەر قابىلداندى.
اۋماقتىڭ قاۋىپسىزدىك پاسپورتتارىن, تج جويۋ جونىندەگى ءىس-قيمىل جوسپارلارىن, ازاماتتىق قورعاۋدىڭ مەملەكەتتىك جۇيەسى قىزمەتتەرىنىڭ ءوزارا ءىس-قيمىلى جونىندەگى كارتوگرافيالىق ماتەريالداردى ناقتىلاۋ جانە تۇزەتۋ جۇرگىزىلدى, ءتيىستى وزگەرىستەر ەنگىزىلدى.
«كوكتەم-2026»: شىمكەنتتە سۋ تاسقىنىنىڭ الدىن الۋ شارالارى كۇشەيتىلدى
حالىقتى قۇلاقتاندىرۋ جانە اقپاراتتاندىرۋ بويىنشا اۆاريالىق-قۇتقارۋ جۇمىستارىن, ەۆاكۋاتسيالاۋدى, ينجەنەرلىك جۇمىستاردى جۇرگىزۋ بويىنشا پراكتيكالىق ءىس-قيمىلداردى پىسىقتاۋ ماقساتىندا وقۋ-جاتتىعۋ شەڭبەرىندە بارلىق مۇددەلى قىزمەتتەر مەن ۇيىمداردى تارتا وتىرىپ, تاكتيكالىق-ارنايى وقۋ-جاتتىعۋلار وتكىزىلدى, وعان 8,5 مىڭنان استام ادام مەن 3 مىڭعا جۋىق بىرلىك تەحنيكانى جۇمىلدىرىلدى.
