جەر تەلىمدەرى زاتتاي گرانت رەتىندە بەرىلمەيدى - اشم

بۇگىن قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ا.ي. مىرزاحمەتوۆ قر پارلامەنت سەناتىندا «قازاقستان رەسپۋبليكاسى جەر كودەكسىنىڭ جەكەلەگەن نورمالارىنىڭ قولدانىسىن جانە «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 جىلعى 2 قاراشاداعى قر زاڭىنىڭ قولدانىسقا ەنگىزىلۋىن توقتاتا تۇرۋ تۋرالى» قر زاڭىنا وزگەرىستەر ەنگىزۋ تۋرالى» قر زاڭىنىڭ جوباسىن تانىستىردى, دەپ حابارلايدى اۋىل شارۋاشىلىعى مينيسترلىگى. سەنات دەپۋتاتتارى زاڭ جوباسىن تالداي وتىرىپ, قازىرگى تاڭداعى جەر زاڭنامالارىنا سايكەس, جەر ۋچاسكەلەرىنىڭ ينۆەستيتسيالىق جوبانىڭ, ونىڭ ىشىندە اۋىل شارۋاشىلىعى سالاسىندا ىسكە اسىرىلۋىن جۇزەگە اسىراتىن قازاقستان رەسپۋبليكاسىنىڭ زاڭدى تۇلعاسىنا زاتتاي گرانتتار رەتىندە بەرىلۋى مۇمكىن بولىپ وتىرعانىن ءسوز ەتتى. «وسىعان بايلانىستى مىناداي سۇراقتار تۋىندايدى: موراتوري وسى تۇلعالارعا دا قاتىستى بولادى ما, ەگەر قاتىستى بولسا, ينۆەستيتسيالىق شارتتارعا وزگەرىستەر ەنگىزىلۋى مۇمكىن بە؟», – دەپ ساۋال تاستادى دەپۋتاتتاردىڭ ءبىرى. بۇل ورايدا, ا.مىرزاحمەتوۆ جەر كودەكسىنىڭ 24-بابىنا سايكەس, مەملەكەتتىك مەنشiكتەگi اۋىل شارۋاشىلىعى ماقساتىنداعى جەر ۋچاسكەلەرiنىڭ وسى كودەكستە بەلگiلەنگەن تارتiپپەن جانە شارتتاردا قازاقستان رەسپۋبليكاسىنىڭ ازاماتتارىنا جانە زاڭدى تۇلعالارىنا جەر پايدالانۋ قۇقىعىمەن بەرiلۋi مۇمكiن ەكەندىگىن ايتتى. «بىراق, اۋىل شارۋاشىلىعى ماقساتىنداعى جەر ۋچاسكەلەرىن اۋىل شارۋاشىلىعى ءوندىرىسىن جۇرگىزۋ ءۇشىن مەملەكەتتىك زاتتاي گرانتتار رەتىندە جەكە مەنشىككە بەرۋگە جول بەرىلمەيدى. تەك قانا جالعا بەرىلەدى. سوندىقتان, موراتوري تەرىس اسەرىن تيگىزبەيدى», – دەپ اتاپ ءوتتى ۆيتسە-پرەمەر.