سۋارمالى جەرلەر كوبەيتىلمەك

ورتالىق كوممۋنيكاتسيالار قىز­مە­تىندە قازاقستان رەسپۋب­لي­كاسىنىڭ اگ­رو­ونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باع­دارلاماسى اياسىندا 610 مىڭ گا سۋارما­لى جەردى اينالىمعا ەنگىزۋ مەن جەر قاتى­ناستارىن جەتىلدىرۋگە ارنالعان ءباسپاسوز ءماسليحاتى ءوتتى. وعان اۋىل شارۋاشىلىعى مينيسترلىگى سۋ رەسۋرستارى كومي­تە­تىنىڭ توراعاسى يسلام ابىشەۆ پەن «قازسۋشار» رمك ديرەكتورىنىڭ ورىن­باسارى ەريك ياكۋباەۆ قاتىستى. الداعى 5 جىلدا 610 مىڭ گا اۋ­ماق­­­تاعى تۇراقتى سۋارىلاتىن جەر­دىڭ يرريگاتسيالىق جۇيەسىن قالپىنا كەلتىرۋ جوسپارلانۋدا. اتاپ ايتقاندا, الماتى وبلىسىندا – 127 مىڭ گا, وقو – 99 مىڭ گا, شقو-دا – 92 مىڭ گا, جامبىل وبلىسىندا – 86 مىڭ گا, بقو-دا – 40 مىڭ گا, پاۆلودار وبلىسىندا – 30 مىڭ گا, اقتوبە وبلىسىندا – 29 مىڭ گا, قىزىلوردا وبلىسىندا – 29 مىڭ گا, قاراعاندى وبلىسىندا – 28 مىڭ گا, سقو-دا – 28 مىڭ گا جانە اتىراۋ وبلىسىند 22 مىڭ گا, دەپ حابارلادى يسلام ابىشەۆ. سونىمەن بىرگە, ونىڭ ايتۋىنشا, مەم­لەكەتتىك باعدارلاما اياسىندا 368 مىڭ گا اۋماقتاعى كولدەتىپ سۋارۋ جەرىن قالپىنا كەلتىرۋ جوسپارلانىپ وتىر.  بۇدان باسقا, ەسكىرگەن كوللەكتورلىق-درەناجدىق جەلىلەر قالپىنا كەلتىرىلمەكشى. ونىڭ جالپى ۇزىندىعى 13,2 مىڭ شاقىرىمدى قۇرايتىن بولادى. داستان كەنجالين, «ەگەمەن قازاقستان»