«ۇلتتىق زياتكەرلىك مەنشىك ينستيتۋتى»

كەشە ەلوردادا گەوگرافيالىق كورسەتكىشتەر مەن تاۋار شىققان جەرلەردىڭ نەگىزىندە ايىرۋ بەلگىلەرىن قورعاۋ قۇرالدارى ماسەلەلەرى بويىنشا سۋبوڭىرلىك سەمينار ءوتتى. اتالعان شارانى دۇنيەجۇزىلىك زياتكەرلىك مەنشىك ۇيىمى (دزمۇ) جانە ەلىمىزدىڭ ادىلەت مينيسترلىگى مەن ۇلتتىق زياتكەرلىك مەنشىك ينستيتۋتى بىرلەسە ۇيىمداستىردى. سەميناردىڭ ماقساتى گەوگرا­فيا­لىق كورسەتكىشتەردى قورعاۋ ءما­سەلەلەرىن تالقىلاۋ جانە شەتەلدىك زياتكەرلىك مەنشىك ۆەدومستۆولارىمەن تاجىريبە الماسۋ بولدى. ءوزىنىڭ قۇتتىقتاۋ سوزىندە ۇلتتىق زياتكەرلىك مەنشىك ينستيتۋتىنىڭ ديرەكتورى سىرىم بەكەنوۆ سەمينار قازاقستاندىق زياتكەرلىك مەنشىك نىساندارىن قورعاۋ جۇيە­سىن جەتىلدىرۋدە ماڭىزدى ءىس-شارا ەكەندىگىن العا تارتتى. ال ءدۇ­نيە­جۇزىلىك زياتكەرلىك مەنشىك ۇيىم­ىنىڭ ەكونوميكاسى وتپەلى جانە دا­مىعان ەلدەر دەپارتامەنتىنىڭ كاۆكاز, ورتالىق ازيا جانە شىعىس ەۋروپا ەلدەرى بويىنشا سەكتسيا باسشىسىنىڭ مىندەتىن اتقارۋشى يليا گريبكوۆ قازىرگى تاڭدا ۇيىم 70-كە تارتا ەلمەن ىنتىماقتاستىق قاتىناستا ەكەندىگىن جەتكىزدى. ونىڭ قاتارىندا دامىعان اقش, كانادا, جاپونيا سياقتى ەلدەرمەن بىرگە, دامۋشى ەلدەر دە بار. اتالعان ۇيىمنىڭ ەلدەر ەكونوميكاسىنىڭ دامۋىنا ىقپالداسۋ, نورمالاردى ازىرلەۋگە كومەك كورسەتۋ جانە ينفراقۇرىلىمدى قۇرۋ سياقتى ءۇش باعىتتا جۇمىس ىستەپ كەلە جاتقانى دا اتالدى. وتىرىس بارىسىندا دزمۇ, اقش, يتاليا, تۇرىكمەنستان, تاجىكستان, قىرعىزستان, مول­دو­ۆا جانە گرۋزيا پاتەنت ۆەدوم­س­تۆولارىنىڭ وكىلدەرى باياندامالار جاساپ, ءوز ويلارىمەن ءبولىستى. ولار ءوز سوزدەرىندە گەوگرافيالىق كور­­سەتكىشتەر ءما­سەلە­لەرى مەن ءون­­­دى­­رۋشىلەردىڭ ەكس­پورتتىق ءبا­سە­كەلەستىككە قابىلەتتىلىگىن ارتتىرۋ ءۇشىن پايدالانۋ, تاۋار تاڭبالارىن حالىقارالىق تىركەۋدىڭ مادريد جۇيەسى, تاۋارلاردىڭ شىققان جەرىنىڭ اتاۋلارىن قورعاۋ جايى, ليسسابون كەلىسىمىنىڭ ماقساتتارى تۋرالى جان-جاقتى مالىمەتتەر كەلتىردى. جالپى, تاۋاردىڭ شىعۋى گەوگرافيالىق كورسەتكىشى رەتىندە ەلدىڭ ەسكى نەمەسە جاڭا, رەسمي نەمەسە بەيرەسمي, تولىق نەمەسە قىسقارعان اتاۋى تىركەلۋى مۇمكىن. سونىمەن بىرگە, ول ءوڭىردىڭ, ەلدى مەكەننىڭ, جەرگىلىكتى جەردىڭ نەمەسە وزگە دە گەوگرافيالىق نىساننىڭ اتاۋىمەن دە بايلانىستىرىلىپ جاتادى. قازىرگى تاڭدا قازاقستاندا 28 شەتەلدىك تاۋار بەلگىلەرى ءتىر­كەل­گەن. اتاپ كورسەتكەندە, ەلى­مىز­­­دە يتاليالىق PARMIGIANO REGGIANO ىرىمشىگى, 18 گرۋزيالىق شا­راپ, رەسەيلىك «رۋسسكايا ۆودكا» مەن «بۋدەيوۆيتسكوە پيۆو» سياقتى اتاۋداعى ونىمدەرى. سونداي-اق, 10 قازاقستاندىق اتاۋلار تىركەلسە, ولاردىڭ قاتارىندا «سارىاعاش», «اقساي», «تاڭ» سياقتى سۋسىندار دا بار. شارا اياسىندا ادىلەت ميني­ستر­لىگىنىڭ «ۇلتتىق زياتكەرلىك مەنشىك ينستيتۋتى» رمك مەن اقش پاتەنت جانە تاۋار تاڭبالارى جونىندەگى ۆەدومستۆو اراسىندا ءوزارا تۇسىنىستىك جانە ەكىجاقتى ىنتىماقتاستىق مەموراندۋمىنا قول قويىلدى. اسقار تۇراپباي ۇلى, «ەگەمەن قازاقستان»