كوپ كوڭىلىنەن شىققان اۋقىمدى اكتسيا

«تاۋەلسىز قازاقستان» پويىزى الماتى وبلىسىنداعى ۇشتوبە تەمىر جول بەكەتىنە ەرتەلەتە جەتتى. كوپ ادام قاتىسقان تەمىر جول بەكەتىندەگى جيىندى قاراتال اۋدانىنىڭ اكىمى قايرات بيسەمباەۆ اشىپ, تاۋەلسىز ەلىمىزدىڭ بۇگىنى تۋرالى ءسوز قوزعادى. – ۇگىت پويىزىنىڭ قاسيەتتى قاراتال جەرىنە كەلىپ, ەلىمىزدىڭ رۋحىن جانىپ, بولاشاققا سەنىمىمىزدى ارتتىرعانىنا ال­عىسىمىز شەكسىز. مۇندا بارلىعى 43 ەتنوس وكىلى ەڭبەك ەتىپ, تاتۋ-ءتاتتى تىرلىك كەشىپ وتىر – دەدى اكىم. قازاقستان حالقى اسسامبلەياسىنىڭ ۇيىتقى بولۋىمەن ۇيىمداستىرىلعان وسى­ناۋ رەسپۋبليكالىق اكتسيانىڭ جان-جاقتى ويلاستىرىلعاندىعى سول, الەۋ­مەت­تىك ءىس-شارالاردى تولىق اتقارۋعا سالالىق ما­مان­داردىڭ ۋاقىتتارى مولىنان جەتتى. قازاقستان حالقى اسسامبلەياسى عى­لى­مي-ساراپشىلىق كەڭەسىنىڭ جانە ەتنو­ما­دەني بىرلەستىكتەردىڭ وكىلدەرىمەن كەز­­دەسۋگە 150 ادام قاتىستى. «تاۋەلسىز قا­زاقستان» پويىزىمەن كەلگەن كاسىبي مامان­دار­دىڭ ءبىر توبى ۇشتوبە قالاسىنداعى با­لالاردى وڭالتۋ ورتالىعىندا بولىپ, ونىڭ جۇمىسىمەن تانىستى. تاعى ءبىر باسا ايتار دۇنيە – قوعامدىق كەلىسىم كەڭەسىنىڭ جانە «نۇر وتان» پار­تياسىنىڭ قوعامدىق قابىلداۋىنا 12 ادام كەلىپ, كەڭەس الدى. ولار كوكەيلەرىندەگى كوپ ماسەلەگە جاۋاپ العاندارىن  ايتتى. الەۋمەتتىك ماسەلەلەر بويىنشا ءاڭ­گىمە قوزعايتىن بولساق, زەينەتكەرلەر بارعا قاناعات تۇتاتىندارىن, ەڭ باستىسى ەلدىڭ تىنىشتىعى ەكەنىن العا تارتىپ جاتتى. ال ادىلەت مينيسترلىگىنىڭ زاڭگەرلەرى قۇقىقتىق كومەك كورسەتۋ جانە زاڭ ماسەلەلەرى بويىنشا 31 ازاماتقا كون­­سۋلتاتيۆتىك كەڭەس بەردى. اۋىل شا­رۋاشىلىعى, ينۆەستيتسيالار جانە دامۋ مي­نيسترلiكتەرىنىڭ, ۇلتتىق كاسىپكەرلەر پالاتاسىنىڭ وكىلدەرى قاتىسقان باسقوسۋعا كا­سىپكەرلىك جانە اۋىل شارۋاشىلىعى ماسەلەلەرى بويىنشا 33 تۇرعىن كەلىپ, كە­ڭەس الدى. «تاۋەلسىز قازاقستان» پويىزىن كوپتەن كۇتىپ جۇرگەندەرگە دەنساۋلىق ساقتاۋ جانە الەۋمەتتىك دامۋ مينيسترلىگى وكىلدەرىنىڭ قاتىسۋىمەن كونسۋلتاتيۆتىك كەڭەس بەرىل­دى. بارلىعى 336 ادام كەڭەس السا, ولاردىڭ 55-ءى بالالار بولدى. بۇل رەتتە, استانا جانە الماتى قالالارىنداعى مەديتسينالىق ورتالىقتارعا 16 ادام جىبەرىلەتىندىگىن جانە ۇيلەرىندە دارىگەرلىك كومەكتى 25 ناۋقاستىڭ العانىن دا اتاپ وتكەن ابزال. ءبىلىم جانە عىلىم مينيسترلىگىنىڭ ۇيىم­داستىرۋىمەن اۋداننىڭ ۇزدىك مۇعا­لىمدەرىمەن, ءبىلىم بەرۋ ۇيىمدارىنىڭ باس­شىلارىمەن كەزدەسۋگە 140 جانە قا­بىلداۋعا 28 ادام كەلگەنىن دە ايتا كەتەيىك. قورىتا ايتقاندا, بۇل كۇنى بارلىق ءىس-شاراعا 2000-نان اسا ادام قامتىلدى. ارينە, حالىق رازى. سەبەبى, وبلىس ورتا­لى­عىنىڭ ىرگەسىندە ورنالاسقانىمەن, دەر كەزىندە دارىگەرلىك كومەك الۋ دا ۋا­قىتتى تالاپ ەتەدى. ال بۇگىن اۋدان ورتا­لى­عىنا كاسىبي مامانداردىڭ جۇزدەپ كەلىپ, كوڭىلدەر كىلتىن تاپقانى قۋانتتى. سول قۋانىشتارىن ءبىر-بىرىمەن بولىسكەن ۇشتوبەلىكتەر ءبىر جاساپ قالدى. ريزا حالىق «ءاپ, بارەكەلدى» دەپ العىستارىن اعىتا «تاۋەلسىز قازاقستان» پويىزىن شاتتىقپەن شىعارىپ سالدى. نۇربول الدىباەۆ, «ەگەمەن قازاقستان» الماتى وبلىسى, قاراتال اۋدانى