«ۋنيۆەرسيادا ۇسىنعان»

سەرتيفيكات 99 قوناق ءۇي مەن 106 مەيرامحاناعا بەرىلدى الماتىدا سوڭعى جىلدارى قوناق ۇيلەر سانى 3 ەسە وسكەنىنە قاراماستان, ولاردىڭ قىزمەت كور­سەتۋ ساپاسى ساناتتارىنا ساي ما دەگەن ساۋال ءجيى الدان شىعا­دى. اسىرەسە, بۇل ۋنيۆەرسيادا جاقىن­داعان سايىن بىلىنۋدە. بۇگىنگى تاڭدا وڭتۇستىك شاھاردا قىزمەتىن جالعاستىرىپ وتىرعان 137 قوناقۇي بار. بۇل – رەسمي دەرەك. ءبىر قىزىعى, وتكەن جىلدىڭ 15 ماۋسىمى مەن 15 قىركۇيەگى ارا­لىعىندا قازاقستاندىق مەيرامحانا مەن قوناقۇيلەر اسسوتسياتسيا­سى ارنايى زەرتتەۋ جۇرگىزگەندە, وعان بارلىعى 165 قوناقۇي قاتىسقان ەدى. سول سياقتى قالادا بيۋدجەتى تومەن حوستەلدەر قاتارى كوبەيە تۇسكەنى بايقالادى. الايدا, برەندكە اينالعان 4, 5 جۇلدىزدىلارىن ايتپاعاندا, الماتىداعى قوناقۇي­لەردىڭ كوپشىلىگىنىڭ ساناتى ايقىن­دالماعانى جۋىردا وتكەن ىسكەرلىك كەڭەسىندە ايتىلدى. سوندىقتان, مەگاپوليس اكىمى باۋىرجان بايبەك كەزەكتى رەت قالا­لىق سەرۆيستىك كلاستەردى دامىتۋ ماسەلەسى بويىنشا كەڭەس وتكىزدى. شاھار باسشىسى الدىمەن تۋريزم, ءتىپتى داعدارىس كەزىندە دە تابىس اكەلەتىنىن ايتا كەلىپ, بۇل سالادا دا باسەكەلەستىك ارتا تۇسكەنىن ناقتى مىسالدارمەن كەلتىردى. حالىقارالىق ساراپشىلاردىڭ باعالاۋىنشا, تۋريزم ەكونومي­كانىڭ ارالاس 30 سالاسىنىڭ دامۋىنا ىقپال ەتەدى ەكەن. بۇل رەتتە الماتىنىڭ الەۋەتى جوعارى, قازىردىڭ وزىندە قازاقستانعا جولى تۇسكەن ءاربىر ەكىنشى شەتەلدىك تۋريست الماتىنى اينالىپ وتپەيدى. اكىم بۇل جيىندا دا قوناقۇيلەر مەن تاماقتانۋ ورىندارىنىڭ سەرۆيسىن جاقسارتۋ, تۋريستىك ازىق-ت ۇلىك ءونىم­دەرىنىڭ ءتۇرىن كوبەيتۋ قاجەتتىگىن اتاپ ءوتتى. ول قا­لالىقتاردىڭ قاۋىپسىزدىگىن قامتاماسىز ەتۋ, باسقا دا كوپتەگەن ماسەلەلەردى ويداعىداي شەشۋ ودان ءارى جالعاساتىنىن, سول ارقىلى تۋريستىك تارتىمدىلىقتىڭ ارتا تۇسەتىنىن قاداپ تۇرىپ جەتكىزدى. قۇزىرلى مەكەمەلەردىڭ بۇل باسقوسۋىندا قوعامدىق ورىنداردىڭ ورنالاسۋى مەن قوناقجايلىلىعىنا قاتىستى الماتى دامۋ ورتالىعى جۇرگىزگەن زەرتتەۋدىڭ قورىتىندىسى شىعارىلدى. ونىڭ باسقارما ءتورايىمى جان­نا تولەگەنوۆا نىسانداردىڭ التى باعىت بويىنشا زەرتتەلگەندىگىن ايتتى. ولار – كەزدەسۋ, تۇتىنۋ تالابىن انىقتاۋ, كوممۋنيكاتسيا جانە ساتۋ, پىكىرتالاستىرۋشىلارمەن جۇمىس ىستەۋ, كەشىرۋ جانە ورتاق ەسكەرتپەلەر. قورىتىندى باعا كليەنتتەر پىكىرىنىڭ 4 دەڭگەيى بويىنشا شىعارىلعان – ۇزدىك, جاقسى, قاناعاتتانارلىق, قاناعاتتانعىسىز. «زەرتتەۋ جۇمىسى «قۇپيا ساتىپ الۋشى» ءادىسى بويىنشا ءجۇردى. وندا ارنايى انكەتا تولتىرىلدى ءارى جاپپاي ىرىكتەۋ بويىنشا ءتيىستى بالدار قويىلدى. قوعامدىق تاماقتاندىرۋدىڭ 106 نىسانىنىڭ 69-ى – «ۇزدىك», 23-ءى – «جاقسى», 13-ءى «قاناعاتتانارلىق», تەك بىرەۋى عانا «قاناعاتتانعىسىز» دەگەن باعا الدى. ورنالاسۋى بويىنشا زەرتتەلگەن 84 نىساننىڭ – 29-ى «ۇزدىك», 35-ءى – «جاقسى», 20-ى «قاناعات­تانار­لىق» باعالارىن يەلەندى. ورنا­لاسۋى جاعىنان بار­لىق نىساندار قاناعاتتانارلىق بولىپ شىقتى. جيىن سوڭىندا «ۋنيۆەرسيادا ۇسى­نادى» سەرتيفي­كات­تارى 99 قوناقۇي مەن 106 قوعامدىق تاماق­تاندىرۋ ورنىنا بەرىلدى. – رەسمي مالىمەت بويىنشا, ۋنيۆەرسيادا جارىستارى كەزىندە قوناقۇيلەر مەن مەيرامحانالاردىڭ جۇمىسى 84 پايىزعا ارتادى. تۋريستىك باعىتتاردىڭ قاۋىرت­تىعى 400 پايىزعا ۇلعايادى. ويىن­­دار اياقتالعان سوڭ قالانىڭ تۋريستىك الەۋەتى 2,5 ەسەگە وسەدى. «ۋني­ۆەر­سيادا ۇسىنادى» سەرتيفيكاتتارى جانە شيلدالارمەن بىرگە ۋنيۆەرسيادانىڭ برەند-بۋكتارىن ەسكەرە وتىرىپ, مەيرامحانالاردى, قوناقۇيلەردى, ويىن-ساۋىق ورىندارىن بەزەندىرۋدىڭ بىرنەشە ءتۇرى كورسەتىلگەن فلەش-كارتالاردى دا تاراتتىق, – دەدى «28-ءشى بۇكىلالەمدىك قىسقى ۋنيۆەرسيادانى وتكىزۋدى ۇيىمداس­تىرۋ ديرەكتسياسى» مق باسشىسى نايل نۋروۆ. ەسكە سالا كەتەيىك, ۋنيۆەرسيادا الماتىدا 2017 جىلدىڭ 29 قاڭ­تارى مەن 8 اقپانى ارالىعىندا وتەدى. ستۋدەنتتىك ويىندار باعدار­لاماسىنا سپورتتىڭ 12 ءتۇرى ەنگەن. الماتىعا الەمنىڭ 57 ەلىنەن 2 مىڭ سپورتشى كەلەدى دەپ كۇتىلۋدە. ايناش ەسالي, «ەگەمەن قازاقستان» الماتى