لەۆيت: سىياقىمدى جۇمساۋعا ۋاقىتىم جوق

ۆاسيلي لەۆيت وليمپيادادان العان سىياقىسىن جۇمساۋعا ۋاقىتى جوق ەكەنىن مالىمدەدى, دەپ حابارلادى sports.kz. «شىنىمدى ايتسام, سىياقىمدى ءالى جۇمساعان جوقپىن. ول جاعىن ويلايتىن مەنىڭ ءتىپتى, ۋاقىتىم دا جوق. ويىمدى بولمەس ءۇشىن بۇل ءىستى كەيىنگە شەگەرىپ قويدىم. قازىر كوپتەگەن ءىس-شارالار ءوتىپ جاتىر. ءبىزدى نازاردان تىس قالدىرماي, كىشكەنتاي دا بولسىن ەڭبەگىمىزدى باعالاپ جاتقانى قۋانتادى. العىسىمنان باسقا ايتارىم جوق», – دەدى ۆاسيلي لەۆيت. ول سونداي-اق, جاڭا جىلعا ارنالعان ءفيلمنىڭ سەمكاسى تۋرالى دا ايتىپ بەردى. «مەن وزىمە قاتىستى ەپيزودتارعا ءتۇستىم. بۇل مەن ءۇشىن ۇلكەن تاجىريبە بولدى. ارينە, ءوزىمدى اكتەرمىن دەپ ايتا المايمىن. مەن نەعۇرلىم سپورتقا جاقىنىراقپىن», – دەدى ول. بۇدان بولەك, ول قازاقستاندىق بوكسشىلاردىڭ الداعى جوسپارلارى تۋرالى ايتۋدى دا ەستەن شىعارمادى. «كوماندامىز وسى ايدا سارىاعاشتا جينالادى, ال كەلەسى ايدا الماتىدا جالپى-فيزيكالىق دايىندىعىمىزدى باستايمىز. جەكپە-جەكتەر ماسەلەسى ءالى شەشىلگەن جوق, ول جاعى جاتتىقتىرۋشىلاردىڭ قولىندا», – دەدى وليمپيادانىڭ كۇمىس جۇلدەگەرى.