ع.جۇبانوۆا اتىنداعى وبلىستىق فيلارمونيانىڭ حالىقارالىق "زوۆى ۋرالا -2013", "جۇبانوۆ كوكتەمى" فەستيۆالدەرىنىڭ لاۋرەاتى «دوستىق سازى» فولكلورلىق ءانسامبلى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي جانە قۇرىلعانىنا 5 جىل تولۋىنا ارناپ «تاۋەلسىزدىك - تىرەگىم» اتتى كونتسەرت باعدارلاما ۇسىندى.
ونەر ۇجىمىنىڭ كوركەمدىك جەتەكشىسى - قر مادەنيەت سالاسىنىن ۇزدىگى باقىتبەك زەينەلوۆ. انسامبل رەپەرتۋارى وتە باي. حالىق كومپوزيتورلارىنىڭ كۇيلەرى مەن اندەرى, قازاق, ورىس جانە شەتەل كومپوزيتورلارىنىڭ شىعارمالارى دا بار. انسامبل مەرەكەلىك باعدارلامانىڭ شىمىلدىعىن مىرزانىڭ «ىلمە» كۇيىمەن اشتى. انسامبل انشىلەرى ن.ابدىبەكوۆ پەن د.شىنارباەۆانىڭ ورىنداۋىنداعى «ارناۋ», «سىپىرا جىراۋ تەرمەسى», «اقبۇلاق» اندەرى كورەرمەن كوڭىلىنەن شىقتى. انسامبل بۇدان باسقا «سەرپىن», «گرۋزين حالىق اۋەندەرى», «تاجىك بيلەرىنەن پوپۋرري», «جىبەك جەتىسۋ» جانە باسقا مۋزىكالىق شىعارمالار ورىندادى. سونىمەن قاتار كونتسەرتتە فيلارمونيا انشىلەرى ج.نۇرقاسىموۆا, پ.قالۋوۆا ونەر كورسەتتى.
ساتىپالدى ساۋىرباەۆ,
"ەگەمەن قازاقستان". اقتوبە.
