الماتىلىق قوعامدىق كولىكتەردە كىتاپحانا اشىلدى. كىتاپتار اۆتوبۋستاردىڭ ءار ورىندىعىنا تاڭىلعان. مۇحتار اۋەزوۆ, قادىربەك سەگىزباەۆ سىندى كوپتەگەن جازۋشىلاردىڭ تۋىندىلارى ءنومىرى 11, 17, 133 جانە 406 باعىتتاعى اۆتوبۋستارعا قويىلعان. «كىتاپ Talking» اتتى اكتسيانى «نۇر وتان» پارتياسى مەدەۋ اۋداندىق اكىمشىلىگىمەن بىرلەسە جۇزەگە اسىرىپ وتىر. ال الداعى ۋاقىتتا كىتاپتار ۇرلانباي, جىرتىلماي, وقىرمان اراسىنان قولداۋ تاپسا, وندا اۆتوبۋستارعا قويىلاتىن تۋىندىلار سانى دا كوبەيمەك, دەپ جازادى الماتى تەلەارناسى.
«بۇل اكتسيانى تاۋەلسىزدىكتىڭ 25 جىلدىعى, الماتى قالاسىنىڭ 1000 جىلدىعىنا وراي ۇيىمداستىرىپ وتىرمىز. تاريحقا بايلانىستى, الماتىنىڭ كورىكتى جەرلەرىنە قاتىستى, تانىمدىق, ادەبي كىتاپتار بار. وسىلاردى قويىپ جاتىرمىز. باستى ماقساتىمىز - قوعامدىق ورىنداردا جاستاردىڭ كىتاپقا دەگەن قىزىعۋشىلىعىن ارتتىرۋ»,- دەدى «نۇر وتان» پارتياسى مەدەۋ اۋداندىق فيليالى توراعاسىنىڭ ءبىرىنشى ورىنباسارى ارمان حالبەكوۆ.
