كاسىپكەرلەر ەندى ونلاين شاعىم تۇسىرە الادى

2013 جىلدىڭ قازان ايىنان بەرى ۇلتتىق پالاتاعا 15430 ءوتىنىش تۇسسە, 2016 جىلى ولاردىڭ سانى 5419 ارىز-شاعىمدى قۇراعان. «اتامەكەندە» بيزنەس وكىلدەرىنەن ءوتىنىش-تىلەكتەردى قابىلداۋعا ارنالعان ونلاين-سەرۆيستەر ىسكە قوسىلىپ, پروكۋراتۋرا ورگاندارىمەن ءوزارا بايلانىس ورناعان, دەپ حابارلايدى abctv.kz. ەڭ كوپ وتىنىشتەر سالىق سالۋ, جەر زاڭناماسى, ساتىپ الۋ جانە كاسىپكەرلىك سالاداعى داۋ-دامايلارعا قاتىستى بولىپ وتىر. ارىزداردىڭ 40 پايىزىن وڭ شەشۋگە قول جەتكىزىلگەن. سايكەسىنشە كاسىپكەرلەردىڭ 41,7 ملرد تەڭگە سوماسىنداعى م ۇلىكتىك قۇقىعى قورعالىپ قالعان. بيزنەس-ورتانى جەتىلدىرۋ ماقساتىندا, كۇپ, وزەكتى ماسەلەلەر رەەسترىن جاساپ, وعان كەلىپ تۇسكەن 438 ماسەلەنىڭ 65%-ى, ياعني 285-ءى شەشىمىن تاپقان. 2016 جىلدىڭ 11 ايىندا ۇلتتىق كاسىپكەرلەر پالاتاسى 4040 نورماتيۆتىك-قۇقىقتىق اكتى جوباسىن ساراپتاۋدان وتكىزدى. ناقتى ناتيجەلەر بايقالۋدا. «ناقتى جوسپارلاۋ جوبالارى جوقتىعى سەبەبىنەن اكىمدىكتەردىڭ جەر تەلىمدەرىن بەرۋدەن باس تارتۋ ماسەلەسى شەشىلىپ, وزگە كوممەرتسيالىق ماقساتتارعا قولدانعان كەزدە كوممەرتسيالىق جەردىڭ ماقساتتى تاعايىندالۋىن وزگەرتۋ قاجەتتىلىگى جويىلدى. مەملەكەتتىك باقىلاۋ مەن قاداعالاۋ جۇيەسى وڭتايلاندىرىلىپ, جوسپارلى تەكسەرىس تۇرلەرى توقتاتىلدى, 3 تەكسەرىس ءتاسىلى ەنگىزىلدى. رەتتەۋشى اسەر ەتۋ تالداۋىن وتكىزۋ جايلى قاعيدات ىسكە قوسىلدى. ەندىگى ساتتە, جاڭا رۇقسات ەتۋ تۇرلەرىن ەنگىزگەندە نەمەسە تالاپتاردى قاتاڭداتقاندا, مەملەكەتتىك مەكەمە ەكونوميكالىق ەسەپتەۋلەر ارقىلى ونىڭ قاجەتتىلىگىن دالەلدەۋى ءتيىس. تۇبەگەيلى شەشىم ءبىرىنشى ۆيتسە-پرەمەر توراعالىق ەتەتىن ۆەدومستۆوارالىق كوميسسيا دەڭگەيىندە قابىلدانادى. نىساندارداردى جارنامانىڭ قايسىبىر تۇرىنە جاتقىزۋداعى تۇسىنىسپەۋشىلىك تە ءوز شەشىمىن تاپتى. ويتكەنى ماڭدايشالارداعى جازۋلار بارلىق بيزنەس سۋبەكتىلەرى ءۇشىن جارناما تۇرىنەن شىعارىلدى», – دەپ ءمالىم ەتتى نۇرجان التاەۆ ۇكىمەت باسشىسى باقىتجان ساعىنتاەۆ قاتىسقان جيىندا. وتاندىق كاسىپكەرلەردىڭ تاعى ءبىر باس اۋىرتار ماسەلەسى, اسىرەسە اۋىلدىق جەردە, ول قارجىلىق, ينفراقۇرىلىمدىق جانە وتكىزۋ نارىقتارىنىڭ قولجەتىمدىلىگى بولۋدا. بۇل تۇستا ۇلتتىق پالاتانىڭ سۋبسيديالاۋدىڭ اۋىسپالى مولشەرلەمەسىن ورناتۋعا قاتىستى ۇسىنىسى قابىلدانعان. «ۇكپ كەلەسى فورمۋلانى ۇسىنادى: سۋبسيديالاۋ مولشەرلەمەسى = وتىمدىلىك بويىنشا مولشەرلەمە (بازالىق مولشەرلەمە + ءدالىز) + بانك مارجاسى. وسى ورايدا سۋبسيديالاۋ ۇستانىمىن ساقتاپ قالۋ قاجەت. سونداي-اق, پالاتا, «بيزنەستىڭ جول كارتاسى-2020» باعدارلاماسى اياسىندا كۋپوندىق سىياقىلىق سۋبسيديالاۋ تەتىگىن ەنگىزۋدى, اينالىم قاراجاتىنىڭ وڭتايلى مولشەرلەمەسىن 12%-دان, ينۆەستيتسيالىق ماقساتتارعا 7%-دان اسپايتىنداي دەڭگەيدە قامتاماسىز ەتۋدى, «ءتيىمدى جوبا» ۇعىمىن الىپ تاستاۋدى ياكي قايتا قاراستىرۋدى, ساۋىقتىرۋ باعدارلاماسىن جانداندىرۋدى, مەملەكەتتىك-جەكەمەنشىك سەرىكتەستىك جوبالارىن سۋبسيديالاۋدى ۇسىندى», – دەدى كۇپ باسقارما توراعاسىنىڭ ورىنباسارى.