ەلىمىزگە نەگىزگى ينۆەستيتسيا مۇناي-گاز سەكتورىنا سالىنعان

قر ينۆەستيتسيالار جانە دامۋ ۆيتسە-ءمينيسترى ەرلان قايىروۆ «Almaty ءىnvest-2016» فورۋمىندا ينۆەستورلارعا قازاقستانعا ينۆەستيتسيچيا سالۋدىڭ ارتىقشىلىقتارىن ايتتى. «بىزدە بيىلعى جىلدىڭ باسىنان باستاپ, ەلىمىزدىڭ بارلىق وڭىرىندە ينۆەستورلار ءۇشىن «ءبىر تەرەزە» قاعيداتى جۇمىس جاسايدى. جىل باسىنان بەرى 4000 مەملەكەتتىك قىزمەت كورسەتىلدى, ونىڭ ىشىندە ۆيزا الۋدان باستاپ, جۇمىس كۇشىن اكەلۋ, جەر ۋچاسكەلەرىن الۋ قىزمەتتەرى بار», - دەدى ەرلان قايىروۆ. سونىمەن قاتار, ۆيتسە-مينيستر ەلىمىزدە ينۆەستيتسيلىق ومبۋدسمەن بار ەكەنىن دە اتاپ ءوتتى. بۇل سالادا ينۆەستورلاردىڭ پايداسى ءۇشىن سوتقا دەيىن 60 ماسەلە شەشىلگەن. «ەگەر ءسىز قازاقستان ءۇشىن جاڭا تاۋار شىعاراتىن بولساڭىز, ول تاۋار ەكسپورتقا باعىتتالسا وندا ۇكىمەت قۇرىلىس-مونتاج جۇمىستارى جانە ءسىزدىڭ قۇرىلعى باعاسىنا قاتىستى شىعىننىڭ 30 پايىزىن وتەۋگە دايىن. ءبىز شەتەلدىك جۇمىس كۇشىن قۇرىلىس جۇمىستارى بارىسىندا قازاقستانعا كىرگىزۋگە جانە قۇرىلعىنى ىسكە قوسقاننان كەيىن دە ءبىر جىلعا كىرگىزۋگە رۇقسات بەرەمىز», - دەدى ۆيتسە-مينيستر. ە.قايىروۆ 11 جىلدا قازاقستان 230 ملرد دوللار تىكەلەي شەتەل ينۆەستيتسياسىن تارتقانىن ايتتى. مۇنداعى نەگىزگى ينۆەستيتسيا مۇناي-گاز سەكتورىنا سالىنعان. بىراق, يندۋستريالاندىرۋ باعدارلاماسىنا سايكەس, قازىرگى شەتەل ينۆەستيتسياسى وڭدەۋ سەكتورىنا سالىنىپ جاتىر. ايتا كەتەيىك, بۇگىن الماتىدا Ritz-Carlton قوناق ۇيىندە الماتى قالاسى اكىمدىگىنىڭ ۇيىمداستىرۋىمەن «Almaty ءىnvest-2016» فورۋمى ءوتىپ جاتىر. حالىقارالىق ەكونوميكالىق جيىنعا قالا اكىمى باۋىرجان بايبەك, قر ۇب توراعاسى دانيار اقىشەۆ, UBS  Asset Management ستراتەگيالار جانە جاھاندىق نارىقتار بويىنشا باسشىسى ماسسيميليانو كاستەلي مەن Sanlas hoiding كومپانياسىنىڭ نەگىزىن قالاۋشى گيۋنتەر نەبەل سەكىلدى ساراپشىلار قاتىسۋدا.