دۇيسەنبى كۇنى, جەرگىلىكتى ۋاقىت بويىنشا ساعات 22.35-تە جۇزدەگەن ادامنىڭ جارىلىسقا ۇقساس دىبىستان كەيىن كونتسەرت زالىنان قاشىپ جاتقانى تۋرالى اقپاراتتار شىعا باستادى. بۇل كەزدە مانچەستەر ارەنا زالىندا امەريكالىق ءانشى اريانا گراندەنىڭ كونتسەرتى اياقتالىپ جاتقان بولاتىن. مالىمەتتەر بويىنشا ەكى قاتتى گۇرسىل ەستىلگەن. ۇلىبريتانيا پرەمەر-ءمينيسترى تەرەزا مەي سايلاۋ كامپانياسىن توقتاتىپ, شابۋىلدىڭ ارتىندا تۇرعان كىمدەر ەكەنىن انىقتاۋ ماقساتىندا ۇكىمەتتىڭ توتەنشە وتىرىسىنىن وتكىزەتىنىن مالىمەدەدى. «بۇكىل ويىمىز قۇربان بولعاندار مەن زارداپ شەككەندەر تۋرالى. وقيعانىڭ ءمان-جايىن تولىقتاي انىقتاۋ ءۇشىن جۇمىس ىستەيمىز» دەدى ول.
