سايلاۋ تۋرالى كونستيتۋتسيالىق زاڭعا سايكەس, حالىقارالىق ۇيىمدار مەن شەت مەملەكەتتەردىڭ بايقاۋشىلارىن قازاقستان رەسپۋبليكاسى سىرتقى ىستەر ءمينيسترى جانە ورتالىق سايلاۋ كوميسسياسىنىڭ توراعاسى شاقىرادى. وسك توراعاسى بەرىك يماشەۆ سايلاۋ سالاسىندا ەكىجاقتى بايلانىس ورناتىلعان شەت مەملەكەتتەردىڭ ورتالىق سايلاۋ ورگاندارى باسشىلارىنىڭ اتىنا شاقىرۋ حاتتارى جىبەرىلگەنى جونىندە حاباردار ەتتى. تمد اتقارۋ كوميتەتىنە سىرتقى ىستەر ءمينيسترىنىڭ شاقىرۋى جىبەرىلدى. سونداي-اق, شانحاي ىنتىماقتاستىق ۇيىمىنان, تۇركىتىلدەس مەملەكەتتەردىڭ ىنتىماقتاستىق كەڭەسىنەن, تۇركىتىلدەس ەلدەردىڭ پارلامەنتتىك اسسامبلەياسىنان, يسلام ىنتىماقتاستىعى ۇيىمىنان بايقاۋشىلاردى سايلاۋعا شاقىرۋ جوسپارلانىپ وتىر.
وسك باسشىسىنىڭ اتاپ وتۋىنشە, قازىرگى كەزدە تمد اتقارۋ كوميتەتى تمد پارلامەنتارالىق اسسامبلەياسىنا, رەسەي مەن بەلارۋس وداعىنىڭ پارلامەنتتىك جينالىسىنا, ۇقشۇ پارلامەنتتىك اسسامبلەياسىنا جانە دوستاستىققا مۇشە مەملەكەتتەرگە ءتيىستى حاتتار جىبەرىلىپ, تمد-دان بايقاۋشىلار ميسسياسىن قالىپتاستىرۋ جۇمىستارى باستالىپ كەتكەن. وسك قاۋلىسىمەن شەت مەملەكەتتەردىڭ, حالىقارالىق ۇيىمداردىڭ بايقاۋشىلارى ءۇشىن ساۋالداما ءماتىنى بەكتىلىپ, ولاردى اككرەديتتەۋدى جۇرگىزۋ مەرزىمدەرى 2017 جىلعى 22 ماۋسىمعا دەيىن بەلگىلەندى. شەت مەملەكەتتىڭ, حالىقارالىق ۇيىمداردىڭ بايقاۋشىسىنا, سونداي-اق شەتەلدىك بۇقارالىق اقپارات قۇرالدارىنىڭ وكىلىنە جەكە باسىن كۋالاندىراتىن قۇجاتىن كورسەتكەن جاعدايدا اۋدارماشى ىلەسىپ جۇرە الادى. سونىمەن بىرگە, شەتەلدىك بۇقارالىق اقپارات قۇرالدارىنىڭ وكىلدەرى سايلاۋدى بايقاۋدى قازاقستان سىرتقى ىستەر مينيسترلىگى بەرگەن اككرەديتتەۋ تۋرالى كۋالىگى بولعان جاعدايدا جۇزەگە اسىرادى.
ەكىنشى ماسەلە – 2017 جىلعى 28 ماۋسىمعا تاعايىندالعان پارلامەنت سەناتىنىڭ دەپۋتاتتارىن سايلاۋدا پارلامەنت سەناتىنىڭ دەپۋتاتتىعىنا كانديداتتىڭ رەسپۋبليكالىق بيۋدجەت قاراجاتىنان جابىلاتىن شىعىستارىنىڭ مولشەرلەرىن بەلگىلەۋگە قاتىستى بولدى. وسك توراعاسىنىڭ ورىنباسارى ۆ.فووستىڭ اتاپ وتكەنىندەي, «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابىنىڭ 3-تارماعىنا سايكەس, مەملەكەت كانديداتتارعا ءوز باعدارلامالارىمەن بۇقارالىق اقپارات قۇرالدارىنا شىعۋى ءۇشiن بiردەي قاراجات بولiنۋىنە كەپىلدىك بەرەدى.
مىسالى, رەسپۋبليكالىق بيۋدجەت قاراجاتىنان سايلاۋ كوميسسيالارىن ۇيىمداستىرۋ مەن ونىڭ قىزمەتiنە, ءۇي-جايدى جالعا الۋعا, iسساپار شىعىستارىنا, كانديداتتاردىڭ بۇقارالىق اقپارات قۇرالدارىنداعى سوزدەرiنە – ءار كانديداتقا تەلەديداردان 15 مينۋتتىق ءسوز سويلەۋiنە, راديودان 10 مينۋتتىق ءسوز سويلەۋىنە جانە باسپا باسىلىمدارىندا 0,1 باسپا تاباقتان اسپايتىن كولەمدە ەكi ماقالا جاريالاۋىنا قاراجات بەرىلەدى.
كانديداتتاردىڭ سايلاۋ الدىنداعى كوپشiلiك شارالارىن وتكiزۋگە جانە كانديداتتاردىڭ ۇگiت ماتەريالدارىن (پلاكاتتار, پاراقشالار (ليستوۆكالار), ۇراندار مەن وزگە دە ۇگىتتiك باسپا ماتەريالدارىن) شىعارۋعا, كانديداتتاردىڭ ورتالىق سايلاۋ كوميسسياسى بەلگiلەگەن مولشەردە كولiككە, سايلاۋ كوميسسياسىنىڭ ءۇي-جايى مەن داۋىس بەرۋگە ارنالعان ءۇي-جايدا ورنالاستىرىلاتىن پارلامەنت سەناتىنىڭ دەپۋتاتتىعىنا كانديداتتار تۋرالى اقپاراتتىق پلاكاتتاردى دايىنداۋعا جۇمساعان شىعىندارى جابىلادى.
جالپىلاي العاندا, پارلامەنت سەناتى دەپۋتاتتارىنىڭ كەزەكتى سايلاۋىنا رەسپۋبليكالىق بيۋدجەتتەن 92 ملن تەڭگە ءبولىندى. رەسپۋبليكالىق بيۋدجەت قاراجاتىنان قارجىلاندىرۋ جەرگىلىكتى اتقارۋشى ورگانداردىڭ وسى ماقساتتارعا ارناپ اشىلعان شوتتارى ارقىلى جۇزەگە اسىرىلادى. بۇل شوتتارعا تۇسەتىن بيۋدجەت قاراجاتىنا يەلىك ەتۋدى وبلىستىق, استانا جانە الماتى قالالىق سايلاۋ كوميسسيالارى جۇزەگە اسىرادى.
ءاليسۇلتان قۇلانباي,
«ەگەمەن قازاقستان»
