«مينيسترلىك قۇرىلعاندا ەلباسى ايتقان مىندەتتەردىڭ ءبىرى دە وسى كوممۋنيكاتسيالىق ينفراقۇرىلىمدى جاقسارتۋ بولاتىن. بيىلعى جولداۋىندا دا وپتيكالىق-تالشىقتى ينفراقۇرىلىممەن جاپپاي قامتۋدى اتاپ تاپسىردى. جالپى, تسيفرلى يندۋستريانى قۇرۋ ءۇشىن ەڭ ءبىرىنشى حالىقتى ينتەرنەتپەن قامتاماسىز ەتۋ قاجەت ەكەنى انىق. ارينە, قازىر اۋىلداردىڭ كوپشىلىگىندە ينتەرنەت بايلانىسى بار. بىراق, ونىڭ ساپاسى سىن كوتەرمەيتىنىن جاقسى بىلەمىز», – دەيدى «ەگەمەن» تىلشىسىنە سۇحبات بەرگەن مينيستر.
د.اباەۆتىڭ ايتۋىنشا, مينيسترلىك قازىر «اۋىلدىق ەلدى مەكەندەردە تالشىقتى-وپتيكالىق بايلانىس جەلىلەرىن قۇرۋ» جوباسىن جۇزەگە اسىرۋعا كۇش سالىپ جاتىر. وسى جوبا ءساتتى جۇزەگە اسىرىلسا, الداعى ءۇش جىلدا 1900 اۋىلعا جەلى تارتىلىپ, 5 ميلليونعا جۋىق ادام ساپالى ينتەرنەتكە قول جەتكىزەدى.
