كەڭەس وتىرىسى ەاەو-عا مۇشە ەلدەر اقپارات مينيسترلەرىنىڭ قاتىسۋىمەن ءوتتى. قازاقستاننان اقپارات جانە كوممۋنيكاتسيالار ءمينيسترى داۋرەن اباەۆ قاتىسىپ, ءسوز سويلەدى.
ەەك كەڭەسى وتىرىسىنىڭ بارىسىندا بىرقاتار كوكەيكەستى ماسەلەلەر, اتاپ ايتقاندا, 2025 جىلعا دەيىن ەۋرازيالىق ەكونوميكالىق وداقتىڭ تسيفرلى كۇن ءتارتىبىن جۇزەگە اسىرۋ شەڭبەرىندەگى باستامالار بويىنشا ۇسىنىستار قارالدى.
ەاەو-نىڭ تسيفرلى كۇن ءتارتىبىن قالىپتاستىرۋ مۇشە مەملەكەتتەردىڭ, شارۋاشىلىق جۇرگىزۋشى سۋبەكتىلەر مەن ازاماتتاردىڭ اشىق, كەڭ جانە تەڭ قۇقىلى ىنتىماقتاستىعىنا, ءاربىر مۇشە مەملەكەتتىڭ ەكونوميكاسى ءوسىمىنىڭ تيىمدىلىگى مەن كولەمىنە, ەاەو-نىڭ ەكونوميكالىق, تەحنولوگيالىق جانە الەۋمەتتىك دامۋدىڭ جاڭا دەڭگەيىنە وتۋىنە, سونداي-اق, جاھاندىق تسيفرلى كۇن ءتارتىبىن قالىپتاستىرۋداعى ەاەو-نىڭ ءرولىن نىعايتۋعا ىقپال ەتەتىن بولادى. وتىرىس بارىسىندا, سونداي-اق, ەۋرازەق-تىڭ ىشكى رىنوگىنداعى كەدەرگىلەردى جويۋ ماسەلەلەرى قارالىپ, ەۋرازەق-تىڭ ىشكى رىنوگىنداعى بىرقاتار كەدەرگىلەردى جويۋ بويىنشا «جول كارتاسى» قولداۋ تاپتى. ونىڭ سىرتىندا 2016 جىلى ەەك شەشىمدەرى جوبالارىنىڭ رەتتەۋشى ىقپالىن باعالاۋدىڭ ناتيجەلەرى تۋرالى ەسەپ تىڭدالدى.
وسى ءىس-شارالار كەشەنىن جۇزەگە اسىرۋ تاۋارلاردى قازاقستاننان ەۋرازەق ەلدەرىنىڭ رىنوگىنا جەتكىزۋدى قامتاماسىز ەتىپ, شاعىن جانە ورتا بيزنەس ءۇشىن قولايلى جاعدايلار تۋعىزادى.
ءتيىستى ماسەلەنى ۇستىمىزدەگى جىلدىڭ 26 مامىرىندا ەۋرازەق-قا مۇشە مەملەكەتتەر ۇكىمەتتەرى باسشىلارىنىڭ قاراۋىنا ەنگىزۋ جوسپارلانىپ وتىر.
كەڭەس مۇشەلەرى, سونداي-اق, تاۋارلاردى ەۋرازەق-تىڭ يدەنتيفيكاتسيالاۋ قۇرالدارىمەن, سونداي-اق, ەۋرازەق-تىڭ كەدەن كودەكسىندە قارالعان ەەك اكتىلەرىمەن تاڭبالاۋ جۇيەسىن دامىتۋ ماسەلەسىن تالقىلادى.
تاڭبالاۋ جۇيەسىن ەنگىزۋ بولاشاقتا كولەڭكەلى ەكونوميكا مەن كونترافاكتىلى ونىمدەر اينالىمىن قىسقارتۋعا جاعداي جاسايتىن بولادى.
كوميسسيا كەڭەسى ەۋرازەق شەڭبەرىندەگى بالالاردىڭ ويىن الاڭدارىنداعى بىرەگەي قاۋىپسىزدىك تالاپتارىن بەلگىلەيتىن تەحنيكالىق رەگلامەنتتى قابىلدادى. تەحنيكالىق رەگلامەنت ول قابىلدانعاننان كەيىن 18 ايدان سوڭ كۇشىنە ەنەتىن بولادى.
ونىڭ سىرتىندا ۆەتەرينارلىق باقىلاۋ سالاسى, كەدەندىك-تاريفتىك رەتتەۋ ماسەلەلەرى بويىنشا شەشىمدەر قابىلداندى.
بۇتىندەي العاندا, بۇكىل قارالعان ماسەلەلەر بويىنشا ەۋرازەق-تى ودان ءارى دامىتۋعا باعىتتالعان ءوزارا ءتيىمدى شەشىمدەرگە قول جەتكىزۋدىڭ ءساتى ءتۇستى.
