ورگە ورلەگەن ورەندەر

جاقىندا الماتىداعى رەس­پۋب­ليكالىق سپورت كوللەدجىنىڭ شار­شى الاڭىندا بوكستان جاسوسپىرىمدەر اراسىن­داعى قازاقستان چەمپيوناتى مارەسىنە جەتتى. بۇل با­سە­كەگە 1994-1995 جىلدارى تۋعان 100-دەن استام جەت­كىن­شەك قاتىسىپ, 14 سالماق دارەجەسى بويىنشا كۇش سىناستى. ەڭ جەڭىل, ياعني 44 كيلو سالماقتا قاراعاندىلىق تا­بىسحان تۇرماحانبەتوۆ قۇرمەت تۇعىرىنىڭ ەڭ بيىك ساتىسىنا كوتەرىلدى. كەلەسى, 46, 48 جانە 50 كيلو سالماق دارەجەلەرىندە وتكەن سىنداردا الىشەر جۇما­تاەۆ (جامبىل وبلىسى), سەر­گەي ماكاريحين مەن الماتى­لىق بوكسشى ايدار يمانعا­ليەۆ چەمپيون اتاندى. ولار اقتىق ايقاستا ەسىمدەرى جالپاق جۇرتقا ونشا تانىس بولماسا دا بۇكىل جەكپە-جەكتەرىندە قار­سى­لاستارىنا قاسقايا تۇرىپ قول­عاپ تۇيىستىرگەن باسەكە­لەس­تەرىنەن ايلاسىن اسىردى. بۇ­دان باسقا چەمپيوناتتا­عى بار­لىق كەزدەسۋلەردە باسە­كەلەستە­رىنىڭ ءبارىن جارىس جو­لىنان شى­عارىپ تاستاعان قى­زىل­وردالىق اقىلبەك جولاما­نوۆ (52 كيلو), ارمان قۇلوۆ (54 كيلو, ماڭعىستاۋ وبلىسى), 57 جانە 60 كيلو سالماقتاردا وڭ­­تۇستىك قازاقستان وبلىسى­نىڭ ورەندەرى اقماديار يساق پەن ادىلەت الىبەك, ايتجان شى­لەەۆ (63 كيلو, جامبىل وب­لى­سى), رومان جايلاۋوۆ (66 كي­لو, اس­تانا قالاسى) قۇرمەت تۇعى­رى­نىڭ ەڭ بيىك ساتىسىنا شىق­تى. سونىمەن بىرگە, الما­تى­­داعى شار­شى الاڭدا قارسى­لاستا­رى­نىڭ سىرىن تاپقان سىر بويى­نىڭ جاس بىلعارى قولعاپ شەبەرى تۇر­سىن­باي قۇ­لاحمەتوۆ (70 كيلو), ءدىنيسلام ابدەشوۆ (75 كيلو, وقو), اي­تاس تويباەۆ (80 كيلو, الماتى وبلىسى) پەن 80 كي­لودان استام سالماقتا ونەر كور­سەتكەن پاۆ­لودارلىق تەمىر­لان باقتىباي­دىڭ مەرەيى ۇستەم بولدى. ءسويتىپ, اتالمىش باسەكە­لەردىڭ قورىتىندىسىندا كو­مان­­دالىق ەسەپتە وڭتۇستىك قا­زاق­ستان وبلىسىنىڭ ورەن­دەرى جەڭىپ العان جۇلدەلەرىنە قاراي جەكە-دارا كوش باس­تادى. ولار 3 التىن, 1 كۇمىس جانە 3 قولا مە­دالعا قول جەت­كىزدى. ودان كەي­ىنگى ورىن­دى 2 التىن, 3 كۇ­مىس جانە 5 قولانى ەنشىلەگەن جامبىل وبلىسىنىڭ بوكس­شى­لارى يە­لەندى. كەلەسى ءۇشىنشى جانە ءتور­تىنشى ورىندار كو­مىرلى قاراعاندى ءوڭىرى ورەن­دەرى مەن سىر بويىنىڭ جاس بوكس­شىلارىنا بۇيىردى. مۇن­دا ورتا­لىق قازاقستاننىڭ ەكى بوكس­شىسى التىن جۇلدەنى ال­سا, تاعى بەسەۋى قولا مەدالدى قا­­نا­عات تۇتتى. ال قىزىلوردا وبلىسىنىڭ وكىلدەرى 2 التىن, 1 قولا جۇلدەمەن شەكتەلدى. ال­ماتى قالاسى 1 التىن, 2 كۇمىس جانە 3 قولانى وزدەرىنە قال­دىر­دى. سونىمەن بىرگە, پاۆ­لودار, الماتى مەن ماڭ­عىستاۋ وبلىستارىنىڭ كومان­دا­لارى چەمپيوناتتان ءبىر-ءبىر التىن جۇلدەنى الىپ قايتتى. ەندى بيىلعى جىلى جاسوس­پى­رىمدەر بىرنەشە ەلدە وتە­تىن حالىقارالىق تۋرنيرلەرگە قاتى­ساتىن بولادى. ولار كوك­تەمدە ۋكراينانىڭ لۆوۆ پەن دو­نەتسك, ءازىربايجاننىڭ باكۋ, جاز­دا جانە كۇز ايلارىندا رە­سەيدىڭ ماسكەۋ قالاسىندا جا­لاۋ­ىن كوتەرەتىن بوريس لا­گۋ­تين­نىڭ, قاسكەلەڭدە پرەزي­دەنت نۇرسۇلتان نازارباەۆتىڭ, ال­ما­تىدا سەرىك تولەباەۆ پەن شىم­كەنتتىك ءساۋىرباي ەسجا­نوۆتىڭ تۋرنيرلەرىندە قولعاپ تۇيىستىرەدى. بوكستان كادەتتەر اراسىن­داعى ۇلتتىق قۇرامانىڭ اعا باپ­كەرى سۇلتان كوستوەۆتىڭ اي­تۋىنشا, بۇل باسەكەلەردە وتان­داستارىمىزعا قاسقايا قار­سى ۇمتىلاتىن قارسىلاستار از بولمايدى. بيىلعى ەل بىرىن­شىلىگى وسى تۋرنيرلەرگە جانە كەلەسى جىلى استانادا وتەتىن الەم چەمپيوناتىنا دايىندىق بولىپ تابىلادى. داستان كەنجالين. جاۋىنگەرلىك ازىرلىك قاي دەڭگەيدە؟ گۆاردەيسكىدە رەسپۋبليكا قارۋ­لى كۇشتەرى قۇرلىق اسكەرلەرىنىڭ باسشىلىق قۇرامىمەن جەدەل جيىن وتكىزىلدى. وعان قورعانىس ءمينيسترى ادىلبەك جاقسىبەكوۆ قاتىستى. مۇنداعى باسقوسۋ ماقساتى اتۋ قارۋلارىنىڭ, وق-دارىلەردىڭ ساقتا­لۋىن جانە كومانديرلەر مەن ين­جەنەر-تەحنيك قۇرامنىڭ جەكە جاۋ­اپكەرشىلىگىن ارتتىرۋدى باسشىلىققا الاتىن قۇجاتتارداعى تالاپتاردى وقىپ ۇيرەنۋ بولدى. – بۇگىنگى ءبىزدىڭ وتكىزىپ وتىرعان شارانىڭ زاڭدىلىق پەن قۇقىقتىق ءتارتىپتى قامتاماسىز ەتۋدە, ۇلتتىق قاۋىپسىزدىكتىڭ كەپىلى بولىپ سانا­لاتىن قارۋلى كۇشتەرىمىزدى ساپالىق جاعىنان كوتەرۋدە ماڭىزى زور, – دەدى جيىندا سويلەگەن سوزىندە قور­عانىس ۆەدومستۆوسىنىڭ باسشىسى. – “جاڭا ونجىلدىق – جاڭا ەكو­نوميكالىق ورلەۋ – قازاقستاننىڭ جاڭا مۇمكىندىكتەرى” اتتى مەملەكەت باسشىسىنىڭ قازاقستان حالقىنا جولداۋىنىڭ نەگىزگى باعىتتارى بويىنشا قارۋلى كۇشتەردىڭ بارلىق جەكە قۇرامى ەلباسىنىڭ باعدار­لامالىق نۇسقاۋلارىن قامتاماسىز ەتۋگە لايىقتى ۇلەسىن قوسۋى شارت. وسىلاي دەگەن قورعانىس ءمينيس­ترى ءا.جاقسىبەكوۆ جيىن سوڭىندا قارۋلى كۇشتەردىڭ جاۋىنگەرلىك ازىرلىگىن جاڭا دەڭگەيگە كوتەرۋ, قاي ىستە بولسا دا ساپالىلىققا قول جەت­كى­زۋ تالاپتارى بويىنشا اسكەري قۇ­رى­لىم باسشىلارىنا ناقتى تاپ­سىر­مالار بەردى, دەپ حابارلادى اتالمىش ۆەدومستۆونىڭ ءباسپاسوز قىزمەتى.