روجدەستۆو مەرەكەسىمەن قۇتتىقتادى

قازاقستاندا پراۆوسلاۆيە ەڭ كوپ تاراعان كونفەسسيانىڭ ءبىرى بولىپ تابىلادى. ورىس پراۆو­سلاۆيە شىر­كەۋى مەملەكەت پەن ءدىني بىرلەستىك­تەر­دىڭ اراسىندا وڭ قارىم-قاتى­ناس­تاردىڭ دامۋىنا, قوعامىمىزدا بەيبىتشىلىك پەن كەلىسىمنىڭ نى­عايۋى­نا ۇلكەن ۇلەس قوسىپ كەلەدى. بۇل تەرەڭ قۇرمەت­كە جانە قادىر­لەۋ­شىلىككە لايىق. بىزدە روجدەستۆونىڭ قۇربان ايتپەن بىرگە دەمالىس كۇنى بولىپ جاريالانعانى كەز­دەيسوقتىق ەمەس. پراۆوسلاۆيە ءدىنباسىلارى مەن ءدىن وكىلدەرى ءوز قىزمەتتەرى مەن سەنىمدەرى اياسىندا وزگە دە بارلىق كونفەسسيا وكىلدەرىمەن بىرگە ەلىمىزدىڭ دامۋىنا, ونىڭ ىرىس-باي­لىعىنىڭ ارتۋىنا رۋحاني ۇلەس قو­سىپ, توزىمدىلىك پەن تۇسىنىستىك تا­نى­تۋدا. ورىس پراۆوسلاۆيە شىركەۋى – ەلىمىزدە وتكەن الەمدىك جانە ءداستۇرلى دىندەر كوشباسشىلارىنىڭ سەزى­نە بەلسەندى قاتىسۋشى. بۇگىندە ءبىز ەلەۋلى وقيعانىڭ قارساڭىندا تۇرمىز. مەنىڭ شا­قى­رۋىم بويىنشا بىرنەشە كۇننەن كەيىن قازاقستانعا بۇكىل رەسەي جانە ماسكەۋ پاتريارحى كيريلل مىناجاتتىق ساپارمەن كەلەدى. بۇل سا­پار ەلىمىز ومىرىن­دەگى ايرىقشا وقيعاعا اينالىپ, تەك پراۆو­سلا­ۆيە­لىكتەردىڭ عانا ەمەس, بارلىق قا­زاق­ستان­دىق­تاردىڭ رۋحاني دۇنيەسىن نىعايتا تۇسەدى دەپ سەنەمىن. روجدەستۆو مەرەكەسى ءۇمىت كۇتكەن ميلليونداعان ادامدار­دىڭ ۇيىنە قۋانىش پەن جاق­سى­لىق اكەلەدى. ول قازاق­ستان­دىقتاردى بىرىكتىرىپ, ار-وجدانىن ورنىقتىرىپ, قوعام­داعى كەلىسىمدى نىعايتادى. بۇل – كومەك پەن قامقورلىققا مۇقتاج ادامدار­دىڭ بارلىعىنا شىنايى تۇرعىدا كوڭىل اۋدارىلاتىن قايىرىم­دىلىق پەن مەيىرىمدىلىك كۇنى. وسى مەرەكە بارلىعىڭىزعا قۋانىشتى كوڭىل-كۇي, شىنايى ماحاببات پەن دوستىق, بيىك رۋحاني بايلىق اكەلسىن! بارشاڭىزدى روجدەستۆو مەرە­كەسىمەن قۇتتىقتايمىن! سىزدەرگە, قىمباتتى مەنىڭ وتانداستارىم, زور دەنساۋلىق, بەيبىتشىلىك, تىنىشتىق جانە يگىلىك تىلەيمىن, دەلىنگەن ەلباسى قۇتتىقتاۋىنىڭ سوڭىندا.