ۇمىتكەرلەر ىرىكتەلدى

جاقىندا ءبىلىم جانە عىلىم ءمينيسترى باقىتجان جۇماعۇلوۆ­تىڭ توراعالىعىمەن نازارباەۆ ستيپەندياسىن تاعايىنداۋ ءجونىن­دەگى  كونكۋرستىق كوميسسياسىنىڭ وتىرىسى ءوتتى. بۇل قارجىلاي قولداۋ ۇلتتىق عىلىم اكادەمياسىنىڭ تولىق مۇشەلەرىنىڭ ومىرلىك اي سايىنعى ستيپەندياسى ەسەبىنەن قالىپتاس­تىرىلىپ كەلە جاتقانى بەلگىلى. ول 6 ايلىق ەسەپتىك كورسەتكىش كولەمىندەگى ون ستيپەنديا ءمول­شەرىندە بەلگىلەنگەنى ءمالىم. ال ەلباسى ستيپەندياسىن يەمدەنگەن ماگيسترانتتارعا كەلەتىن بولساق, ولارعا تيەسىلى قارجى 48 مىڭ تەڭگەنى قۇرايدى. ءبىلىم مەن عىلىمدى دامىتۋ ىسىندەگى جانە جاستاردىڭ ىقىل­اسىن ارتتىرۋ ماقساتىنداعى بۇل يگىلىكتى قادام جوعارى وقۋ ورىن­دارىنىڭ ەكىنشى كۋرسىنان باستاپ كۇندىزگى ءبولىمىنىڭ بار­لىق وقۋ كەزەڭىندە ۇلگەرىمى ءۇز­دىك باعاعا يە, عىلىمي-زەرتتەۋ جۇمىسىمەن اي­نا­لىساتىن, قو­عام­دىق جۇمىس­تار­عا بەلسەنە ارا­لاساتىن ما­گيسترانت­تارعا دا تا­عايىندالا­تى­نىن ايتا كەتسەك دەيمىز. ستيپەنديانى تاعايىنداۋ ەرە­جەلەرىنە سايكەس ۇلتتىق جو­عارى وقۋ ورىندارى عىلىمي كە­ڭەسىنىڭ شەشىمىمەن 2011-2012 وقۋ جى­لىندا نازارباەۆ ستيپەن­دياسىن تاعايىنداۋ كونكۋرسىنا 19 ءۇمىت­كەر ۇسىنىلعان ەكەن. سولاردىڭ اراسىندا كونكۋرستىق كوميسسيا ۇلگەرىمى ۇزدىك, عىلى­مي ەڭبەكتەرى تالاپقا ساي, وقۋ ورىندارىنىڭ تىرلىك-تىنىسىنا بەلسەندى ارا­لاسقان 10 ۇمىتكەردى ىرىكتەپ العان. سۇلەيمەن مامەت.